Ephésiens 2:14 - Ma Zhiklè

¹⁴ Aman nengaʼa gumi nga. A ngu te skwi cèw, skwi staɗ. A mʼmbeɗa zlazlar man a zhè te ndevaʼa (zlazlar nara mayam), te va na.

Mofa New Testament

¹⁴ Aman nenga'a gumi nga. A ngu te skwi cèw, skwi staƋ. A m'mbeƋa zlazlar man a zhè te ndeva'a (zlazlar nara mayam), te va na.

Ephésiens 2:14 ပူးပေါင်းရင်းမြစ်များ

Esther 3:8

Haman a ngaɗa na bi Assuérus: Ndohi ngiɗè ta zhè, ta venda te va ndohi kokwar bi ngaya, ta kuzlko va ta auda a sam ndohi ngiɗè, ma kita tengaʼa ara ma kita ndohi herkeda ngiɗè ka ɓai,, ta jèjèr ma kita bi azɓai. Ambaɓai aman bai a jèke ta arsa.

Michée 5:5

Ta da bazl ta ndohi Assyrie a tsakwal, a ndohi kokwar Nimrod a kafahi gwèsh. Ta da mbel nga te ri ndohi Assyrie, aman ta shkè a kokwar nga, a ta mbècè sak a kuma herkeda nga.

Zacharie 6:13

A da rèm gi Zhiklè, a da gi a bai, a da nzi a géɗ sam nʼnzi bi na, a ngi bai. Ndo mvi skwi a Zhiklè a zhè a tsagi nengaʼa, te civèɗ ri mandai, a ta nzi a gumai, cèw ba.

Luke 1:79

aman a hela ta sam a ndohai, man ta te ruva, man ta te mèzhèɓ mʼmetsai, a da pa nga sak a civèɗ gumai.

Luke 2:14

Nʼnjèlè a sam Zhiklè te géɗèʼa, gumai a herkeda, a sam ndohai man Zhiklè a va ta pombai!

Jean 10:16

A i ngots tambakhi ngiɗè, ta tʼhwaɗ zlazlar haha di ɓai. Tengaʼa sèi i lèka ta a haha, a ta tsena daʼai ga, a ta gi a rèwè staɗ, a ndo mɓer ta staɗgenè.

Jean 11:52

a gèɗ ndohi Juif genè ka ɓai; aman a da ɓic ta ndohi Zhiklè tèlèba man ta venda gèɗ ta.

Jean 16:33

Na haha i gaɗa kinè a kin gumi te iye. Tʼherkeda matakwan a ga kinè. Aman va-gsa ndav kinè, i ngul herkeda.

Actes 10:28

A nengaʼa a ngaɗa ta: Kin suna, ambaɓai a sam ndo Juif man a dè a gi ndohi man verzi ta tsaɗ, aman a nzi a va tengaʼa. Aman Zhiklè a ngrayè: Ka sla na ndo ambaɓai, a nlizhèa ɓai, ko staɗ!

Actes 10:36

Kin sun ma Zhiklè man a zlinda ta ndohi Israel, a njè ta ma mbelaʼa, ma gumai te Yèsu Kristi (nengaʼa Bai a géɗ ndohi tèlèba);

Romans 5:1

Aman anai nga gaʼa a ndohi nzuraʼa te ncè-a-ndav, nga ngots gumi Zhiklè, te Bi nga Yèsu Kristi.

Galates 3:28

A haha tsaɗ tsaɗ azɓai, ko Juif, ko Grec, ko ɓèlè, ko kra ngwi, ko nguraʼa, ko ngwoz, kin tèlèba staɗ te Yèsu Kristi.

Ephésiens 2:15

A nco ma kita a ma nkwèrè man a fa nga a gèɗ, aman te va nengaʼa a nderzla cèw a ta gi a ndo mɓuaʼa staɗ, a ntsu gumi arsa,

Ephésiens 2:17

Nengaʼa a mshkè, a njè kinè ma gumai te ma mbelaʼa, a kinè man kinè dra, a tengaʼa man ta ndul ndul.

Ephésiens 3:15

a nzlembaɗ nengaʼa ta baha ta wudahai, te zhiklè te géɗèʼa, a géɗ herkeda ba, tèlèba.

Ephésiens 4:16

Nengaʼa a gshè va tèlèba, a nfèfènva staɗ a nkèlè ma a nfèfènva ngiɗè, a dérzlè gèɗ vatasl, a nfè-fènva staɗ staɗ tèlèba ta tèkè a va, ara man ta slaha, a va a grè a ma ma, a ɗizlè va na a ri na, te mwoy-ndo.

Colossiens 1:20

Te nengaʼa Zhiklè a mʼmenda gumai a hai a gèɗ skwi tèlèba, ko a géɗ herkeda, ko te zhiklè te géɗèʼa, te man a tsu gumi a Pombaz nengaʼa a deɓ wof ngézlèl na.

Colossiens 2:20

Aman antanta kin mets kinè a sam skwi herkeda ma, te Kristi, a kin va ta civèɗ, aman ta fa kinè ma kita a gèɗ, ara man kinè a herkeda dai:

Colossiens 3:11

Gar haha ndo Grec, ndo Juif, ndo man ngwon nʼngela, ndo man ngwon nʼngel ɓai, ndo barbare, ndo Scythe, ɓèlè, kra ngwi ka ɓai, – aman Kristi, tèlèba, te ndohi tèlèba.

Colossiens 3:15

Gumi Kristi da gu bi te ndav kinè; Zhiklè a mbaha kinè a pa, te va staɗ. Va-shüd gèɗ!

Hébreux 13:20

Aman Zhiklè gumai, man a ncko Bi nga Yèsu auda te mʼmetsai, ndo mɓer tambakhi mbiaʼa te pombaz nderzlè-ma a mèdèp,

Hébreux 7:2

A Abraham a mva na skwi staɗ te va kula, te skwi tèlèba. Nzlembaɗ nengaʼa nshèlèkuraʼa: Bi ngi-zuraʼa. Te deɓaʼa: Bi Salem, ara ngèɗè: Bi gumai.