Ephésiens 2:12 - Ma Zhiklè

¹² Te ndev nasa Kristi az a sam kinè ɓai, kinè ndohi Israel ka ɓai, kin sun nderzlè-ma Zhiklè man a mpasla nga ri ɓai. Gar haha kin zhera skwa ɓai, kin sun Zhiklè ɓai.

Mofa New Testament

¹² Te ndev nasa Kristi az a sam kinè ɓai, kinè ndohi Israel ka ɓai, kin sun nderzlèma Zhiklè man a mpasla nga ri ɓai. Gar haha kin zhera skwa ɓai, kin sun Zhiklè ɓai.

Ephésiens 2:12 ပူးပေါင်းရင်းမြစ်များ

Genèse 15:18

A pats sa, Ndo nzi pèc pècèk ta derzla ma ta a Abram, a ngaɗa: I da va ta herkeda haha a ndohi te verzi ngaya, a hinè te woyam Egypte, ha ndè a ma woyam mbiaʼa, Euphrate.

II Chroniques 15:3

Nʼnzi a zhè, Zhiklè nzuraʼa az a sam Israel ɓai; ndo mvi skwi a Zhiklè man a slebda ta ma kita, azɓai.

Esdras 4:3

A Zorobabel a Josué a njèkèdi tsuvom ndohi Israel ta gaɗa ta: kin slaha kin rèm gi Zhiklè nga a nda nga azɓai. Nga woy a nga rèm gi Zhiklè, Zhiklè Israel, a géɗ nga, ara man Cyrus, bi Perse, a ngaɗa nga.

Exode 12:45

Ndo dala, a ndo man a gi mizlinè sulai a sam ta, da ndau nengaʼa bai.

Esaie 14:1

Jacob a da si Ndo nzi pèc pècèk te va, a da ɓicka ta ndohi Israel zaʼa, a va ta kokwar bab ta. Ndohi man verzi ta tsaɗ ta da humdè va a nda tengaʼa, a nda ndohi gi Jacob.

Esaie 44:6

Ndo nzi pèc pècèk, bi Israel, ndo mʼmbel nengaʼa, Zhiklè ndohi var, a gada: I ndo nshèlèkuraʼa, ndo nʼndikèma skwai; Zhiklè ngiɗè azɓai, sèi iyè.

Esaie 45:20

Va-ɓica va, vo-washkè, kin tèlèba! Va-herdeka va, kin njèkèdia ndohi herkeda man kinè a zhè a nshèffè dai. Tengaʼa man ta shèwèlè a vri te rai, man ta tsi ri a zhiklè mbèh skwai man a mbel ta azɓai, ta sun maya ɓai.

Esaie 61:5

Ndohi man verzi ta tsaɗ ta da wèr tambakihi kinè a pa. Ndohi herkeda ngiɗè ta pizhè gi dau a gi lak kinè.

Jérémie 14:8

Ka man ndohi Israel ta zhèr ka. Ka man ka mbel ta a pats matakwan. Ka ara ndo mbrok te kokwar, ara ndo nshèwèlè man a dè a gi sèi a vad èhèmè;

Jérémie 17:13

Ndo nzi pèc pècèk, man Israel a zhèr ka! Ta tèlèba man ta jèke ka, ta ngècè hori a dai. Ta tèlèba man ta kwol ka, hori a da keɗ ta, a géɗ man ta jèkeda nlèlè iyam nshèffè.

Ezéchiel 13:9

I tara ta ri a di a ndohi nhadka ma man ta rka skwi nʼngwèdè ndo, a ta hadka ncèkèlma. Sèi da nza a va mpi ndohi ga asaɓai! Da winda ta a ɗèlèwèr a va ndohi Israel asaɓai! Da shkè a deɓa a kokwar Israel asaɓai, a kin da suna, i Bi Zhiklè Ndo nzi pèc pècèk.

Ezéchiel 37:26

I da dérzlè ma gumi a nda tengaʼa. Nasa nderzlè-ma a nda tengaʼa a mèdèp. A i da til sam ga nkezlaʼa, a da nzi te ndev tengaʼa a mèdèp.

Ezéchiel 47:22

Va-gu jimèr a va kinè, a va ndohi man verzi ta tsaɗ man ta zhè a sam kinè, man ta yi wudahi a sam kinè. Ta lèmèlèmè ara wudahi Israel tas. Sèi da ngots skwi nʼndi gai a jimèr a nda kinè te ndev verzi Israel.

Osée 3:4

Ndohi Israel ta da nzi a vata, bi ta azɓai, kra-bi ta azɓai, skwi man ta zli a Zhiklè azɓai, sam mvi skwi a Zhiklè azɓai. Ephod a Teraphim azɓai.

Nombres 18:19

Skwi man ndohi Israel ta cè auda te va skwi nkezlaʼa a ta va na Zhiklè tèlèba, a ngaya, a wudahi a dalahi ngaya. Na haha ma nkwèr ga a mèdèp. Nasa nderzlè-ma a mèdèp, man a wèlè a deba azbai, a sam Ndo nzi pèc pècèk, a géɗ ngaya, a géɗ ndohi te verzi ngaya.

Luke 1:72

Bababhi nga ta sia te va, a hér nderzlè-ma nengaʼa nkezlaʼa,

Jean 10:16

A i ngots tambakhi ngiɗè, ta tʼhwaɗ zlazlar haha di ɓai. Tengaʼa sèi i lèka ta a haha, a ta tsena daʼai ga, a ta gi a rèwè staɗ, a ndo mɓer ta staɗgenè.

Jean 15:5

Iyè, wof barassa, kinè ri wof ga. Ndo man a nzi te iyè, a i te nengaʼa, ara wof man a yi wuda kumba. Aman kinè dra a sam ga, kin slaha a kin gi skwi ɓai.

Jean 4:22

Kin tsi ri a skwi man kin sun ɓai. Aman nga, nga tsi ri a skwi man nga suna: skwi mʼmbel ndo a shkè te ndohi Juif.

Actes 2:39

Skwi man Zhiklè a mpasla kinè rai, skwi kinè, a wudahi kinè, a ndohi tèlèba man ta dra, tèlèba man Bai, Zhiklè nga, a woy a mbaha ta.

Actes 28:20

A géɗ nengaʼa i tsu rai, aman i rka kinè, a i gaɗa kinè. I zhè te cèlèlèu haha a géɗ skwi man Israel a zhèrèʼa,

Actes 3:25

Kinè wudahi ndohi nhadka ma. Nderzlè-ma, man Zhiklè a derzla a babhi kinè, man a ngaɗa na Abraham, a kinè ba:

Romans 9:8

ara man: Wudahi Zhiklè, tengaʼa ka ɓai, man ndo a yeka ta, aman sèi wudahi man ta yu te mpèsl rai, tengaʼa verzi Abraham zuraʼa.

Galates 4:8

Te va nasa, aman kin sun Zhiklè ɓai, kin gu ɓèlèlihi zhiklèhai, man ta a vava zhiklèhi ka ɓai. Aman antanta kin sun Zhiklè –

Ephésiens 2:19

Gar haha kinè ndohi mbrokihai a ndohi nshèwèlè ambali asakaɓai. Kinè wud ngwihi ma, te va ndohi Zhiklè, man ta slébèrdè Zhiklè pèc pècèk, wud ngwi Zhiklè,

Ephésiens 4:18

Maya ta te ruva, ta dra a sam Zhiklè, a gèɗ man ta sun skwa ɓai, ndav ta ngwora,

Colossiens 1:21

Kinè ba, man kin halaʼa dra a sam na, mayamhi na te skwi man kin hérèʼa, a kin giaʼa man ambaɓai,

Colossiens 1:27

tengaʼa man Zhiklè a woya a ngreda ta skwi mèshèlè a nʼnjèlè te skwi man nʼngheda a sam ndohi nte deɓa: nasa Kristi te kinè, nʼnjèlè man nga zhèrè te ndav.

Colossiens 1:5

a géɗ skwi man kin zhèrè te ndav, man ntila tʼhai te zhiklè te géɗèʼa, man kin tsena nshèlèkuraʼa te ma nzuraʼa, ma mbelaʼa.

1 Thessalonians 4:13

Aman nga woy a kin suna, dalahimam nga, a géɗ ndohi man ta bazl ta: kin hur gèɗ zlau ɓai, ara njèkèɗiaʼa man ta zhèr skwi te ndav azɓai.

1 Thessalonians 4:5

a géɗ ntétékè gada va genè ka ɓai, ara ndohi herkeda man ta sun Zhiklè ɓai.

2 Thessalonians 2:16

Aman nengaʼa, Bi nga Yèsu Kristi, a Zhiklè, Bab nga, man a woy nga a ndav na, a va nga skwi mbid nga man a nzi dai a mèdèp, a skwi man nga zhèrè te ndav,

1 Timothy 1:1

Paul, ndo sak Kristi Yèsu, ara man Zhiklè, ndo mʼmbel nga, a woyaʼa, Bi Yèsu Kristi, man nga zhèrè te ndav,

Hébreux 11:34

ta mbatsa wuɗi vogwa, ta mbel ta te ri kafahi gwèsh, ta ngots wuɗai, man nshèlèkuraʼa wuɗi ta azɓai, ta ngots wuɗai a sam var, ta gu aman ndohi var mayamhai ta mindè va ta a deɓa.

Hébreux 6:18

Aman a skwi cèw man ta ngwèdè azɓai—aman Zhiklè a slaha a ncèkèlma azɓai—nga ngots skwi mbid nga nzuraʼa, nga man nga gshè va a nzhèrè te ndav man a zhè a ma nga.

Hébreux 8:6

Aman antanta Yèsu a ngots mizlinè amba holholaʼa, lèmèlèmè ara nderzlèma mɓuaʼa man a bezda na rai, a ma mpèsl ri nengaʼa, man ta amba holholaʼa.

1 Peter 1:21

Te nengaʼa kin co Zhiklè a ndav, man a slambaɗda te ndev ndohi mʼmetsaʼa, a mva na nʼnjèlè, aman kin slaha a kin cè Yèsu a ndav, a kin zhèr Zhiklè te ndav.

1 Peter 1:3

Susai a Zhiklè, Bab Bi nga Yèsu Kristi, man nga su te va, man a yeka nga macecèwaʼa a nshèffè te nslambaɗkaɗ Yèsu Kristi auda te ndev ndohi mʼmetsaʼa; te nzhèrè te ndav,

1 Peter 3:15

Aman va-kezla ndav kinè, va-nza a ndav ntila pèc pècèk te Bi Yèsu Kristi, aman kin slaha kin mbeɗa ta a ma a ndohi tèlèba, man ta dzhaɗ kinè a géɗ skwi man kin zhèrè te ndav.

1 John 3:3

Ndo staɗ staɗ man a zhèr skwi haha te ndav na, a til ndav na, ara ndav Yèsu ntilaʼa.