Ephésiens 1:7 - Ma Zhiklè

⁷ Yèsu a mpela gèɗ nga a Pombaz na, a mpra nga malai te pombi nengaʼa mbiaʼa,

Mofa New Testament

⁷ Yèsu a mpela gèƋ nga a pombaz na, a mpra nga malai te pombi nenga"a mbia'a,

Ephésiens 1:7 ပူးပေါင်းရင်းမြစ်များ

Job 33:24

a sia te va, a gada: Praʼa, do do vèvèɗ ɓai, i skwi mpil gèɗ na.

Psaumes 130:4

Aman ka, ka prè malai, a ndohi ta gi hu-yokokoʼa a sam ngaya.

Psaumes 130:7

Israel da gso va a Ndo nzi pèc pècèk, aman pombi Ndo nzi pèc pècèk a zhè. Skwi mpil gèɗ malai a zhè a sam na kumba.

Psaumes 86:5

Bai, ndav ngaya amba, mprè malai ambaha ka, ndohi tèlèba man ta tsi ri a ka, ta se ka te va kumba.

Exode 34:7

man pombi na a zhè a verzi ndohi gozhèm gozhèm kumba, man a pra ta mphömè a maharam a malai a ndohai, aman a pra ta ambali ka bai, aman a gi kita a sam wudahi a géɗ mali bab ta, te verzi bab ta, te mamakaraʼa, te mafaɗaʼa.

Esaie 43:25

Iyè, i pana mali ngaya, a gèɗ ngaya ka ɓai, a gèɗ va ga; a i her mali ngaya te deɓaʼa asaɓai.

Jérémie 31:34

Ngidè a slebda na nslamagi na azɓai, kramam ngiɗè a slebda na kramam na azɓai, a ngaɗa: Va-sun Ndo nzi pèc pè-cèk! Aman tengaʼa tèlèba ta da senyè, ko nkèshèa, ko mbiaʼa, Ndo nzi pèc pècèk a gaɗa. Te deɓaʼa i da pra ta mphömè ta, i da hér mali tengaʼa asaɓai.

Daniel 9:19

Bi Zhiklè, tsenaʼa! Bi Zhiklè, pra malai! Bi Zhiklè, slambaɗa, a ka takaha nga! Ka zhor ɓai, a géɗ nzlembaɗ ngaya, Zhiklè nga, man ta va ta nzlembaɗ ngaya a kokwar ngaya, a ndohi ngaya.

Daniel 9:9

Bi Zhiklè nga, ndo a sia te va, a prè malai; a nga, nga slambaɗa na va.

Jonas 4:2

Wa Zhiklè, man i te kokwar ga dai, i goɗ ɓi ɗè! A géɗ nasa i hu ga a kokwar Tarsis nshèlèkuraʼa, te man i suna, ka Zhiklè, pombi ngaya a zhè, ndohi ta se ka te va, ka zhèrè te ndav, ndav ngaya amba, ka ngwèdè skwi mwuɗitpa.

Michée 7:18

Zhiklè, ngar ka wa? Man a keɗa na gèɗ dai a mphömè, a pra ta mali a ndohi nʼndi gi na, a gi ndav a mèdèp azɓai, aman a wuffè a mvi pombai.

Zacharie 13:1

A pats nasa nlèlè iyam a zhè a sam ndohi gi David a ndohi Jérusalem, a pènè malai a skwi nlizhèʼa.

Zacharie 13:7

Tsakwal, kala na va a ndo nwèr skwi ga, a ndo man ndo ga, Zhiklè bi mbiaʼa a gaɗa. I tsi ndo nwèr skwai, a tambakihi ta venda gèɗ ta, a i gedas ta, man wuɗi ta azɓai.

Zacharie 9:11

I helka ta ndohi dangai ngaya auda te vèvèɗ, man iyam a te pa ɓai, a géɗ pombaz nderzlè-ma nga.

Matthew 20:28

Lèmèlèmè kra-ndo a mshkè aman ndohi ta takaha ka ɓai; a mshkè, aman a takaha ta ndohai, a vi nshèffè nengaʼa a skwi mpil gèɗ a géɗ ndohi kumba.

Matthew 26:28

Aman na haha Pombaz ga, Pombaz nderzlè-ma, man mbadahai, a mprè mali ndohi kumba.

Matthew 6:12

Pra nga mali nga, ara man nga pra mali ndohai man ta gu mali a sam nga.

Marc 14:24

A ngaɗa ta: Na haha Pombaz ga, Pombaz nderzlè-ma, man mbadahai a géɗ ndohi kumba.

Luke 1:77

a ka winè ta dai a ndohi na, aman ta rka skwi mʼmbel tengaʼa, a mali tengaʼa mpraʼa;

Luke 24:47

A ta da njè ma nʼngwèdè ndav, a ma mprè malai a nzlembaɗ na a ndohi herkeda tèlèba, a hinè te kokwar Jérusalem.

Jean 20:23

Ndohi man kin pra ta malai, mali tengaʼa mpraʼa. Ndohi man kin pra ta mali azɓai, mali tengaʼa ta nza.

Actes 10:43

Ndohi nhadka ma tèlèba ta gu malwuɗi a géɗ nengaʼa: te nzlembaɗ na mali ndohi tèlèba man ta co a ndav, mpraʼa.

Actes 2:38

A Pierre a ngaɗa ta: Va-ngwoda ndav kinè, va-gu baptême staɗ staɗ tèlèba a nzlembaɗ Yèsu Kristi a mpra mali kinè, a kin ngècè Mèzhèɓ Zhiklè nkezlaʼa.

Actes 20:28

Anai sèi kin gi maya a géɗ va kinè, a géɗ rèwè tèlèba, te ndev tengaʼa Mèzhèɓ Zhiklè nkezlaʼa a nʼnge kinè a ndohi nwar ta, aman kin wèr mpi ndohi Zhiklè, man a sumkaɗa deɓa a Pombaz va nengaʼa.

Actes 3:19

Anai va-ngwoda ndav kinè, a kin menkada deɓa a sam Bi Zhiklè, aman mali kinè mpana.

Romans 2:4

Pombi nengaʼa mbiaʼa, nzhèr skwi nengaʼa dai, a ndav nengaʼa man a slèmbèɗè tsam tsam azɓai, ka kwola ka ɓi ɗè? Ka sun ɓi ɗè, pombi Zhiklè a zhèr ka, aman ka da ngwèdè ndav.

Romans 3:24

a ta ngots ngi-zuraʼa te pombi nengaʼa, a géɗ Yèsu Kristi, man skwi mpil gèɗ; a géɗ mizlinè ndohi ka ɓai.

Romans 3:25

Nengaʼa Zhiklè a fu a skwi mpil gèɗ te Pombaz nengaʼa, man nga ngècè te ncè-a-ndav. Zhiklè a woya a ngredè ngi-zuraʼa nengaʼa auda a vna. Te nzhèr skwi nengaʼa dai, a nzuɓ malihi nhalaʼa.

Romans 9:23

a nʼngreda nʼnjèl nengaʼa mbiaʼa a sam nga man nga sia te va, man a til nga te va nshèlèkurhiaʼa a nʼnjèl na.

1 Corinthians 1:30

Kinè a zhè te Yèsu Kristi a géɗ Bi Zhiklè, aman Yèsu a ngi a maya nga, a ge nga a ndohi nzuraʼa, a kezla ndav nga, a Preka nga auda;

2 Corinthians 8:9

Aman kin sun pombi Bi nga Yèsu Kristi, ko nengaʼa ndo mèshèlè, a nʼnde na a ndo ntawassaʼa, a géɗ kinè, a géɗ man te ntèwèshè nengaʼa kin ndi a ndohi mèshèlè.

Ephésiens 1:14

Nengaʼa skwi man a va nga hai a géɗ skwi man nga da ngècè te Zhiklè, ha a mpela gèɗ nga, nʼngaʼa a skwi nslébèrdè nʼnjèl nengaʼa.

Ephésiens 1:18

Da wina di kinè, aman kin shin skwi man kin zhèrè te ndav, man a baha kinè a pa, a nʼnjèl skwi Zhiklè mbiaʼa man kin da ngècèʼa man a va ta ndohi nengaʼa.

Ephésiens 1:6

a nga ndi a skwi nslébèrdè nʼnjèl nengaʼa, man a mva nga te kra nengaʼa man a woya a ndav na.

Ephésiens 1:8

man Zhiklè a mva nga kumba, a vata ba, a nga shin skwi tsaɗ tsaɗ, a maya tsaɗ tsaɗ.

Ephésiens 2:4

Aman Zhiklè, man ndo a sia te va kumba, a géɗ mwoy-ndo nengaʼa mbiaʼa, man a woy nga a vna,

Ephésiens 2:7

Pombi nengaʼa mbiaʼa arsa a ngreda nga te mwoy-ndo nengaʼa a sam nga te Kristi Yèsu.

Ephésiens 3:16

Da va kinè wuɗai, ara mèshèlè nʼnjèl nengaʼa, aman kin gi a ndohi wuɗai te ndav kinè, te Mèzhèɓ nengaʼa.

Ephésiens 3:8

A mvay skwi haha a iyè, ntabaw ndohi Zhiklè tèlèba, aman i njè ta mèshèlè Kristi, man a ndev ɓai, a ndohi nte deɓa,

Philippiens 4:19

A skwi man kin tèkwènèʼa, Zhiklè ga a di a va kinè, ara nʼnjèl nengaʼa mbiaʼa te Yèsu Kristi.

Colossiens 1:14

te nengaʼa gèɗ nga mpela, mali nga mpraʼa.

Colossiens 1:27

tengaʼa man Zhiklè a woya a ngreda ta skwi mèshèlè a nʼnjèlè te skwi man nʼngheda a sam ndohi nte deɓa: nasa Kristi te kinè, nʼnjèlè man nga zhèrè te ndav.

Colossiens 2:13

A va kinè nshèffè a nda nengaʼa, kinè man halaʼa kinè ndohi mʼmetsa te ri malai, man ndav kinè ntil ɓai, a mpra nga malai te pombi na.

Colossiens 2:2

A va ta wuɗi a ndav ta, a ta hümdè te mwoy-ndo a ta shin skwi mbelaʼa tèlèba te Kristi.

1 Timothy 2:6

Nengaʼa a mvau va na a skwi mpil gèɗ nga tèlèba. Nasa skwi malwuɗai, man nʼndika na ma a sama ma.

Titus 2:14

Yèsu, man a vau va na a géɗ nga, aman a preka nga auda te mali tèlèba, a pènè ndav ndohi nengaʼa, a ta gi gazawa a géɗ mizlinè man amba.

Titus 3:6

man a va nga a ndav nga a vata te Yèsu Kristi, Bi mʼmbel nga.

Hébreux 9:22

Aman te ma kita, njèkè kèshkata a ngi skwi tèlèba, Pombaz a pènèʼa. Aman pombaz mbadahi ɓai, mprè mali azɓai.

1 Peter 2:24

Nengaʼa a nco malihi nga a deɓ wof te va nengaʼa, aman nga jèkeda nʼnzi te malai, a nga nzi a géɗ ngi-zuraʼa. Te mblè nengaʼa kin mbel kinè.

1 Peter 3:18

Aman Kristi ba a mʼmets na a géɗ malihai, sak staɗgenè. Ndo nzuraʼa te di man a ndohi nzura ka ɓai, aman a de nga a sam Zhiklè. Ndohi ta keɗa va nengaʼa; aman Zhiklè a mva na nshèffè te Mèzhèɓ.

1 John 2:12

Wudahi ga, i windè kinè, te man malihi kinè ta pra ma, a géɗ nzlembaɗ nengaʼa.

1 John 2:2

Nengaʼa skwi mpil gèɗ malihi nga, malihi nga genè ka ɓai, aman mali herkeda tèlèba.

1 John 4:10

Mwoy-ndo te man nga nwoy Bi Zhiklè ka ɓai, aman a géɗ man nengaʼa a nwoy nga, a nzlündo kra nengaʼa a skwi mpil gèɗ mali nga.

Apocalypse 14:4

Nasa ndohi man ta lizha va ta a ngwozi ɓai, a ta ɓür va ta, ta sossur ɓai, a ta dè a verzi kra tambak a sam tèlè man a dè a pa. Ndohi haha ta sumka ta a deɓa te va ndohai, a tsuvomhi Zhiklè, a tsuvomhi kra tambak.

Apocalypse 5:9

A ta slu dimèsh mɓuaʼa, a ta gaɗa: Ka amba, ka slaha a ka cè ɗèlèwèr, a ka pelasla skwi mpizlè ntkotsaʼa, a géɗ man ta zlama ka daʼai, ka sumka ta ndohi te verzi tsaɗ tsaɗ, a daʼai ta tsaɗ tsaɗ, ndohi kokwar a ndohi herkeda tsaɗ tsaɗ tèlèba a deɓa a Zhiklè, a Pombaz ngaya,