Ephésiens 1:4 - Ma Zhiklè

⁴ Aman te Yèsu, a mpar nga mpèrè, man herkeda nʼnge di ɓai, aman nga gi a ndohi nkezlaʼa, mali nga azɓai a sam di na, te mwoy-ndo nengaʼa,

Mofa New Testament

⁴ Aman te Yèsu, a mpar nga mpèrè, man herkeda n'ngedi ɓai, aman ngagi a ndohi nkezla"a, mali nga azɓai a sam di na, te mwoy-ndo nenga'a,

Ephésiens 1:4 ပူးပေါင်းရင်းမြစ်များ

II Samuel 22:24

I ga mali a sam nengaʼa ɓai, i ɓir va ga te ri skwi ambaɓiaʼa.

Psaumes 135:4

Ndo nzi pèc pècèk a nʼngotsko Jacob auda, a nʼngotsko Israel auda a skwi na.

Esaie 42:1

Na haha ɓèl ga, man i gshè va a vna, man i ngotskoɗauda, man ndav ga a wuffè kumba a gèɗ nengaʼa. I va na Mèzhèɓ ga a gèɗ, a nengaʼa a da njè ta ma nzuraʼa a ndohi herkeda.

Lèv. 19:2

Gada ta mpi ndohi Israel tèlèba aranta: A woy kin kezla, te man iyè, i kezla, i Ndo nzi pèc pècèk, Zhiklè kinè.

Lèv. 20:7

Gar haha va-kezla ndav kinè, a kin ga a ndohi nkezlaʼa. Aman iyè, Ndo nzi pèc pè-cèk, Zhiklè kinè.

Matthew 24:22

Aman Zhiklè nda takossa patshi sa ɓai, ar ndo a mbélè azɓai. Aman a géɗ ndohi man Zhiklè a mpar ta, a da tokossa patshi sa.

Matthew 24:24

Aman kristihi ncèkèlma, a ndohi nhadka ma ncèkèlma ta da slèmbèɗè, a ta ngreda skwi malwuɗi mbiaʼa, a nrkedai, aman ta pèkètède ta ndohi mparahiaʼa ba, man ta slaha.

Matthew 24:31

A nengaʼa a di a zlinde ta golahi nengaʼa, a ta tsi tolom mbiaʼa, a ta ɓic ta ndohi mparahiaʼa, te tsagi herkeda faɗ, te verzi gai, ndè a verzi gi ngiɗè.

Matthew 25:34

A bai a da gaɗa ta tengahi nte civèɗ ri mandi na: Vo-washkè, kinè ndohi man Bab ga a pshè kinè ma. Va-ndau kokwar-Bi nengaʼa, man ntila a géɗ kinè te nhinkaɗ herkeda.

Jean 10:16

A i ngots tambakhi ngiɗè, ta tʼhwaɗ zlazlar haha di ɓai. Tengaʼa sèi i lèka ta a haha, a ta tsena daʼai ga, a ta gi a rèwè staɗ, a ndo mɓer ta staɗgenè.

Jean 15:16

Kinè nʼngatskayè auda ka ɓai. Aman i par kinè, a i ge kinè, aman nyi nshèffè kinè da zhè, a nyi nshèffè kinè a nzi dai, a skwi ko mèmè kin jhèɗè te ri Bab ga a nzlembaɗ ga, a da va kinè.

Jean 17:24

Bab ga, i woya aman tengaʼa man ka pokoyè, ta zhè a sam ga, a ta rka nʼnjèl ga man ka vokoyè, a géɗ man ka woy iyè a ndav ngaya, aman herkeda nʼnga di ɓai.

Actes 13:48

Aman ndohi nte deɓa ta tsena ma haha, ta wuffè holholaʼa, a ta slubordo ma Zhiklè, a ta co a ndav, tengaʼa tèlèba, man Zhiklè a mpe ta hi a nshèffè a mèdèp.

Actes 15:18

Bi Zhiklè a goɗ ar haha, nengaʼa man a gi skwi haha tèlèba, a ngreda auda nʼnzi a zhè.

Actes 18:10

Aman i zhè a nda ka, a ndo ngiɗè a slaha a nga ka matakwan azɓai. Aman ndohi ga kumba te kokwar haha.

Romans 8:33

Nwoya man a pin ta ndohi man Zhiklè a mpar ta wa? Zhiklè, nengaʼa a nge ta a ndohi nzuraʼa.

1 Corinthians 1:8

Nengaʼa ba a ɓer kinè, aman kin nzi taraʼa, ha skwi tèlèba nrufa ma, aman a pats Bi Yèsu Kristi ma a da az a géɗ kinè ɓai.

Galates 5:13

Aman kinè, dalahimam ga, Zhiklè a baha kinè a sam mpraʼa. Aman va-gu maya, aman a géɗ man kin pra tʼuda ma, kin va na civèɗ a ntétékè te va kinè ɓai. Aman te mwoy-ndo, ngiɗè da takaha ngiɗè, ngiɗè da takaha ngiɗè.

Galates 5:22

Skwi man a shkè auda te Mèzhèɓ: Mwoy ndo a ndav, mwuffe, gumai, nzhèr skwi a ma ma, ndo a se ka te va, ndav amba, nlèɓèslèa,

Galates 5:6

Aman te Kristi Yèsu, ko ngwon nʼngela, ko ngwon nʼngel ɓai, skwi ambalai; sèi ncè-a-ndav te mwoy-ndo.

Ephésiens 2:10

Aman nga skwi ri na, nʼngaʼa te Yèsu Kristi, aman nga gi mizlinè man amba, man Zhiklè a ntila nshèlèkuraʼa, a woya a nga giaʼa.

Ephésiens 3:17

Aman Kristi da nza te ndav kinè te ncè-a-ndav, a mwoy-ndo kinè a gi ara zluzlor man a gidè azɓai gedeng-gedengaʼa.

Ephésiens 4:2

Va-manda gèɗ a hai, a ndav nlüɓekwaʼa, vo-zhor skwi a ma ma, va-lèɓèslè a va kinè, ngiɗè a sam ngiɗè, te mwoy-ndo.

Ephésiens 5:2

Va-woy ndo, lèmèlèmè ara Kristi man a woy kinè! A mvoko va na a ri na a géɗ nga, ara skwi man a va na Zhiklè, a skwi man a zla na Zhiklè, man ambaha Zhiklè.

Ephésiens 5:27

aman a Zlatseda a sam na, a ri na, ara mpi ndohi Zhiklè nʼngaʼa jèlèlèʼa, derɗa az a pa ɓai, va mʼmin ɓai, mohtsomba ka ɓai; aman nkezlaʼa, mali az a pa ɓai.

Philippiens 2:15

Aman kinè, va-nza, ma az a géɗ kinè ɓai, zuraʼa, wudahi Zhiklè, mali az a sam kinè ɓai, te ndev ndohi herkeda man ta gedas ta, a ta ngwode ta a ndohi ambaɓihiaʼa, te ndev tengaʼa kin hél sam ara skwi nhél sam tʼherkeda,

Colossiens 1:22

Zhiklè a mʼmenda gumi a hai a nda kinè te kra nengaʼa man a vau va nengaʼa a mʼmetsai. A nda zlatsede kinè ndohi nkezlaʼa, mali az a sam kinè ɓai, ma az a gèɗ kinè ɓai a sam di na.

Colossiens 2:2

A va ta wuɗi a ndav ta, a ta hümdè te mwoy-ndo a ta shin skwi mbelaʼa tèlèba te Kristi.

Colossiens 3:12

Gar haha kin ndohi man Zhiklè a mpar ta, ndohi nkezlaʼa, ndohi man a woy ta, va-feda skwi haha a va: nsi ndo te va, ndav nlüɓekwaʼa, mʼmèndè gèɗ a hai, ndav amba, nzhèr skwia dai.

1 Thessalonians 3:12

Aman kinè, Bai Yèsu da gu aman kin grè a ma ma, a kin gi jèlèlè a ma ma te mwoy-ndo a ndav, ngiɗè a sam ngiɗè, lèmèlèmè ara nga a sam kinè.

1 Thessalonians 4:7

Aman Zhiklè a baha nga a sam skwi nlizhè ka ɓai, aman a sam nkezlaʼa.

2 Timothy 1:9

Zhiklè, nengaʼa a mʼmbel nga, a mbaha nga, a géɗ skwi man nga gu ka ɓai, aman a géɗ man a hur te ndav na, a géɗ pombi man a va nga te Yèsu Kristi, man herkeda nʼnge di ɓai.

2 Timothy 2:10

Gar haha i zuɓ skwi tèlè, a géɗ ndohi man Zhiklè a mpar ta, aman tengaʼa ba ta ndikè a sam mbelaʼa a nʼnjèlè man a ndivè azɓai a mèdèp, te Yèsu Kristi.

2 Timothy 2:19

Aman Bi Zhiklè a fu verzi man wuɗi na zhè, ma haha mwindèa a pa: Bai Yèsu a sun ndohi na, a ndo man a baha na nzlembaɗ Bai Yèsu, do do auda a sam skwi ambaɓiaʼa.

Jacques 2:5

Dalahimam ga, va-tsenaʼa! Zhiklè a mpar ta ndohi ntawassaʼa a géɗ herkeda haha, aman te ncè-a-ndav, ta ndi a ndohi mèshèlè, a ndohi nʼndi kokwar-Bi Zhiklè, man a mpasla ta ri a ndohi man ta woyaʼa a ndav ta.

1 Peter 1:2

man Zhiklè, Bab nga, a mpar ta ara man a hur halaʼa te Mèzhèɓ nengaʼa, a ta pi ndav a nengaʼa, ta pana a pombaz Yèsu Kristi. Zhiklè da va kinè pombai a gumi kumba!

1 Peter 1:20

Zhiklè a nʼngatseda nengaʼa a hai, ga herkeda a gai, nengaʼa man a ngud-koɗauda tok-tok haha a géɗ kinè.

1 Peter 2:9

Kinè verzi ndohi man Zhiklè a baha kinè, ndohi mvi skwi a Zhiklè, Bi mbiaʼa; kinè ndohi halaʼa, ndohi man a kwor ta. Kinè skwi nslébèrdè nengaʼa, man a baha kinè auda te ruva a sam nhél sam nengaʼa mbelaʼa.

2 Peter 3:14

Gar haha, dalahimam ga, va-gu maya a vata, aman a da ngats kinè te gumai a sam di na, ma az a gèɗ kinè ɓai, te mali ka ɓai.

1 John 4:16

A nga suna, a nga co a ndav, Bi Zhiklè a woy nga. Bi Zhiklè, nengaʼa mwoy-ndo, a ndo man a nzi te mwoy-ndo, a nzi te Bi Zhiklè, a Bi Zhiklè a nzi te nengaʼa.

Apocalypse 13:8

A ndohi tèlèba a géɗ herkeda ta da tsi ri a nengaʼa. Tengaʼa man nzlembaɗ tengaʼa mwindèʼa te ɗèlèwèr nshèffè kra tambak, man ta zlama na daʼai, daga nhinkaɗ herkeda ma, ta tsi ri a nengaʼa azɓai.

Apocalypse 17:8

Skwi dak man ka rkaʼa, a zhè a matsa, ani asaɓai, a da skè auda zaʼa te vèvèɗ mpèltemtemaʼa, a da hi na a sam ngedassaʼa, a ndohi a géɗ herkeda ta da rzl ta, ndohi man nzlembaɗ ta mwindèa te ɗèlèwèr nshèffè ɓai, daga nhinkaɗ herkeda, aman ta rka skwi dak ara man a nza, antanta asaɓai, a da zhè zaʼa.