Ecclésiaste 9:9 - Ma Zhiklè

⁹ Wuffa langlangaʼa a nda ngwoz man ka woya a ndav ngaya, a pats nshèffè ngaya man skwi nfi va ambali a géɗ herkeda. Nasa skwi nshèffè man ka ngotso, a géɗ mizlinè ngaya man ka ngeza a vna a géɗ herkeda.

Ecclésiaste 9:9 ပူးပေါင်းရင်းမြစ်များ

Genèse 26:8

Aman a nʼnza a pa nʼnzi a zhè, a Abimélec, bi ndohi Philistie a mpu di auda a nvakavar, a nrka Isaac ta shimèɗ va a Rebecca, ngwoz na.

Psaumes 144:4

Ndo nara kozlar, pats nshèffè nengaʼa nara mèzhèɓ man a zi na.

Psaumes 39:5

Ndo nzi pèc pècèk, ngray ndikè-ma nshèffè ga, a pats nshèffè ga a da nzi tèkè? A i suna, nshèffè ga a di a ndev na.

Proverbes 18:22

Ndo man a ngots ngwoz, a nʼngots manam, a nʼngots pombi a sam Ndo nzi pèc pècèk.

Proverbes 19:14

Gai a skwi gai ka slaha ka ngècè a skwi nʼndi gi bab ngaya; aman ngwoz man maya na zhè ka ngècè sèi te ri Ndo nzi pèc pècèk.

Ecclésiaste 2:10

Skwi mèmè man di ga a woy a nrkaʼa, i ngra na. Mwuffè mèmè man ndav ga a woyaʼa, i va na, te man ndav ga a wuffè a géɗ mizlinè ga tèlèba. Nasa skwi ntul mizlinè ga man i ngotso.

Ecclésiaste 2:24

Gar haha ndo da ndau skwai, da sau skwai, da wuffa a sam mizlinè na man wuɗitpa, di man ndara nengaʼa a nta asaɓai. Aman ko skwi haha, i rkaʼa, a shkè te ri Zhiklè.

Ecclésiaste 3:13

Aman ndo a slaha nʼndi skwai, a nsi skwai, a wuffè te mizlinè man a ngeza na; skwi haha ba Zhiklè a mva na.

Ecclésiaste 3:22

A i rkaʼa: dara ndo da wuffa a sam mizlinè na, nasa skwi man a ngotso. Nda ngra na mwuffe man a da gi te deɓ nengaʼa wa?

Ecclésiaste 5:18

Aman Zhiklè a va na skwi mèshèlè a ndo, a va na skwi mwèl va, a wuffè te mizlinè na, nasa skwi man a ngots te ri Zhiklè.

Ecclésiaste 6:12

Skwi man ambaha nshèffè ndo, nsun wa? Nshèffè nengaʼa a nzi a vata azɓai, skwi ambalai. A da ndiv na ara mèzhèɓ wof. Ngra na ndo skwi man a da gi a géɗ herkeda te deɓ nengaʼa wa?

Ecclésiaste 7:15

I ba i nzakaɗa a nfi va ambalai; i rka tèlè. Ndo nzuraʼa a zi na te ngi-zura nengaʼa. Ndo shèwa ngiɗè a nzi a ma ma te shèwa nengaʼa.

Mal. 2:15

Nengaʼa man a ngu ndo, a va na zluèɗ va a mèzhèɓ, staɗgenè ka ɓi ɗè? Zhiklè a jhèɗè mè? Verzi ndohi man ta woy Zhiklè. Gar haha ka ngwoda ngwoz gol ngaya ɓai!