Ecclésiaste 9:7 - Ma Zhiklè

⁷ Do, ndu movar ngaya te mwuffe genè, su zom ngaya a dimèsh a ma genè, te man skwi man ka giaʼa ambaha Zhiklè mènè!

Ecclésiaste 9:7 ပူးပေါင်းရင်းမြစ်များ

Genèse 12:19

Ka gada nengaʼa demam ga, a i woy a i cè a ngwoz, èhèmè? Na haha, co ngwoz ngaya, da skwi ngaya a deɓa, vo-do kinè a vna!

I Rois 8:66

A pats matsamakaɗaʼa, a mpra ta ndohai. Ta ga na mbalai a bai, a to do ngwai, ta wuffè, ta gu langlangaʼa, a gèɗ skwi man amba tèlèba man Ndo nzi pèc pècèk a nga na David, ɓèl na, a Israel, ndohi na.

Ecclésiaste 10:19

Ndohi man ta woy a ta wuffè, ta ti skwi nʼndai. Zom a wuffèdè ndohai. A Suli ka ngècè skwi tèlèba.

Ecclésiaste 11:8

A vava, ndo man a nzi mvi kumba, amba man a wuffè a géɗ mvi nengaʼa tèlèba. Aman da hur pats man a da nzi te matakwan, ta kumba dai. Skwi man a di a shkè, tèlèba ambalai.

Ecclésiaste 5:18

Aman Zhiklè a va na skwi mèshèlè a ndo, a va na skwi mwèl va, a wuffè te mizlinè na, nasa skwi man a ngots te ri Zhiklè.

Ecclésiaste 7:14

A pats manam, wuffa! A pats man wuɗitpa, huro! Ko nengaʼa ba Zhiklè a ngau, lèmèlèmè ara matsa. Ndo a shin skwi te deɓ mʼmetsi nengaʼa azɓai.

Ecclésiaste 8:15

Gar haha mwuffe a wuffèday gèɗ. Skwi ngiɗè man ambaha va ndo a géɗ herkeda, azɓai, sèi man a ndi skwai, a si skwai, a wuffè. Da ngotso te va mizlinè man a ngeza na a pats nshèffè na tèlèba man Zhiklè a mva na a géɗ herkeda.

Nombres 6:20

Skwi haha tèlèba, ndo mvi skwi a Zhiklè da geda na Ndo nzi pèc pècèk. Ndo mvi skwi a Zhiklè a ngècèʼa ara skwi man ta va na Zhiklè; ndavaʼa ba, a deɓaʼa ba. Te deɓaʼa ndo nkezlaʼa a slaha a nsi iyam nyi wof zaʼa.

Marc 7:29

Te deɓaʼa Yèsu a ngaɗa na: A géɗ ma haha, do, madzagi kala auda te dem ngaya ma!

Luke 11:41

Nshèlèkuraʼa va-va na skwi a Zhiklè, te skwi man kin ngotso. A na haha, skwi tèlèba a ngaʼa a skwi mpanaʼa a sam kinè.

Jean 4:50

A Yèsu a ngaɗa na: Do, kra ngaya a zhè a nshèffè. A ndo matsa a nco ma Yèsu a ndav, a ndo.

Actes 10:35

aman te ndev ndohi tèlèba, nengaʼa man a gi zlauaʼa, a gi zuraʼa, ambaha.

Deutéronome 12:12

a kin wuffè a sam Ndo nzi pèc pècèk, Zhiklè kinè, kinè a wudahi a dalahi kinè, a ɓèlèlihi kinè, ko ngurhi ko ngwozi, a ndo Lévi man a zhè a samaʼa, a géɗ man nengaʼa a ngatsa skwi nʼndi gi a sam kinè ɓai; skwi nʼndi gi nengaʼa azɓai.

Deutéronome 12:7

A kin ndi skwi te pa, a kin wuffè a sam Ndo nzi pèc pècèk, Zhiklè kinè, kinè a gwoli kinè, a géɗ skwi ri kinè, man Ndo nzi pèc pècèk, Zhiklè kinè, a mpshè kinè ma a vna.

Ruth 3:7

Aman Boaz a ndau a nsau skwi ma, a ndav nengaʼa a gi langlangaʼa, a mdo, a mʼmanahai a sam dau mɓicaʼa. A Ruth a mshkè zhèhèɗ zhèhèɗèʼa, a nco maslaka auda a sam sak Boaz, a mʼmanahi a pa.