Ecclésiaste 9:11 - Ma Zhiklè

¹¹ I rka zaʼa a géɗ herkeda: ndohi man ta ngècè gèɗ ta, ndohi mwosla genè ka ɓai; ndohi man ta fen ta a var, ngul ndohi genè ka ɓai. Ndohi ta ngècè movar a géɗ maya genè ka ɓai. Skwi mèshèlè a géɗ man ta sun skwi te gèɗ ka ɓai. Ndo a ngècè nuba a géɗ kilèa ka ɓai. Aman ndohi tèlèba, sam a zhè man ta kèlè a gédèʼa.

Ecclésiaste 9:11 ပူးပေါင်းရင်းမြစ်များ

II Samuel 17:14

Absalom a ndohi Israel tèlèba ta gaɗa: Ma Hushai, ndo Arki, a fena man a Achitophel. Ndo nzi pèc pècèk a ngau, aman ma Achitophel, man maya te pa, a nkalahai. A woya a ngedassa Absalom.

II Samuel 17:23

Aman Achitophel a nrka, ta gu ara ma nengaʼa ɓai, a mfeda skwi a deɓ kɗèh, a nslambaɗa, a mdo a deɓa a kokwar na, a njè ta ma a ndohi gi na. Te deɓaʼa a mʼmanda teɓa a daʼai na, a mʼmets na. A ta feda a gi dzavi bab na.

II Chroniques 20:15

Jachaziel a ngaɗa: Va-fu zlembaɗ, ndohi Juda a ndohi Jérusalem tèlèba, a ka bi Josaphat! Ndo nzi pèc pècèk a gaɗa kinè ar haha: Kin gu zlau ɓai, kin gudzu ɓai, a sam ndohi rèdèdèa; aman kinè a ngi var ka ɓai, aman Zhiklè.

Job 34:29

Aman nengaʼa a nza tètèʼa, nwoya a mphömdè wa? Aman a nghéɗè va na, nslaha a nrka wa?

Psaumes 76:5

Ka mbiaʼa, a nʼnjèl-bai, ka shkè te za man a zhè a mèdèp.

Proverbes 1:5

Ndo man maya na zhè, a tsenaʼa, a shindè skwi a ma ma. Ndo man maya te gèɗ a gi skwi man ta senda na,

Ecclésiaste 2:12

A i do a i lèmdè maya a nrzlè a madaɗau. Ndo ndzadzarda bai a da gi mè te deɓaʼa? Sèi skwi man ta ga hala ma.

Ecclésiaste 3:14

I rkaʼa, skwi mèmè man Zhiklè a giaʼa, a nzi a mèdèp. Ndo a pi skwi a vaʼa azɓai, a helaha azɓai. Zhiklè a ngau, a woy man ndohi ta gi zlauaʼa.

Ecclésiaste 3:17

A i huro: Zhiklè a da ɗèlè ta kita a ndohi nzuraʼa a ndohi malihai, te man skwi tèlèba, mizlinè stad staɗ tèlèba, tiɗè sam ngi na a zhè.

Ecclésiaste 4:1

A i rka a géɗ herkeda zaʼa, ara man ndo mbiaʼa a ga na matakwan a ndo nkèshèʼa. I rka kuɗa a di mbelawahai, ndo mbid ta azɓai. Ndo nʼnga ta matakwan a gi a wuɗai, ndo mbid ta azɓai.

Ecclésiaste 4:4

A i rka mizlinè tèlèba man ndo a geda matakwan a va a vna; skwi tèlèba, sèi srak genè, ngiɗè a gi srak a géɗ ngiɗè, ngiɗè a gi srak a géɗ ngiɗè. Ko skwi haha, skwi ambalai, nara nhi a gerzi kozlar.

Ecclésiaste 7:13

Wor skwi man Zhiklè a giaʼa! Skwi man Zhiklè a hurmaʼa, nslaha a mprokoɗauda Sara wa?

Ecclésiaste 9:2

Skwi nʼnga ta ndohi tèlèba lèmèlèmè, ko ndohi nzuraʼa, ko ndohi malai, ko ndo man amba, ko ndo man ambaɓai; ko ndo a ndav mpana, ko ndo a ndav mpanɓiaʼa; ko ndo man a vi skwi a Zhiklè, ko ndo man a vi skwi a Zhiklè azɓai; ko ndo man amba, ko ndo malai; ko ndo man a mbèɗè, ko ndo man a gi zlau mʼmbèɗè.

Ecclésiaste 9:3

Nasa skwi mwuɗitpa a géɗ herkeda, aman skwi a ga ta ndohi tèlèba lèmèlèmè. Ndav ndohi nʼndha a shèwa. Ndav ta nrzla, a pats nshèffè ta tèlèba. Te deɓ nengaʼa ta dè a va ndohi mʼmetsaʼa.

Jérémie 46:6

Ndo mwoslaʼa a hi na, ngul ndo a wuc na. Te man a géɗèʼa, a ma woyam Euphrate, kwa a tsama ta sak, a ta wush ta hai.

Jérémie 48:14

Kin gèɗè mè: nga ngul ndohai, nga ndohi var man nga sun var?

Jérémie 9:23

Ndo nzi pèc pècèk a goɗ ar haha: Ndo maya da fu va a géɗ maya na ɓai! Ndo wuɗai da fu va a géɗ wuɗi na ɓai! Ndo mèshèlè da fu va a géɗ skwi mèshèlè nengaʼa ɓai!

Daniel 4:35

Ndohi a géɗ herkeda tèlèba ara skwi ambalai. A gi ara man a woyaʼa a sam golahi Zhiklè, a sam ndohi tʼherkeda. Ndo a slaha a ngedassa skwi man ri nengaʼa a ngau azɓai, a ngaɗa na: Ka gi a haha mè.

Zacharie 4:6

Nengaʼa a mbedayè a ma: Nengaʼa ma Ndo nzi pèc pècèk a géɗ Zorobabel: A wuɗi ndo ka ɓai, a wuɗi-bi ka ɓai, sèi a Mèzhèɓ ga, Zhiklè bi mbiaʼa a gaɗa.

Mal. 3:18

Te deɓaʼa kin ɗèlè auda te va ndo nzuraʼa a ndo nderɗè Zhiklè zaʼa, te va ndo man a gi mizlinè Zhiklè, a ndo man a gi mizlinè Zhiklè azɓai.

Ephésiens 1:11

Te nengaʼa nga da ngècè skwi Zhiklè, nga man a mpu saba nga, ara man a huro a géɗ skwi tèlèba man a woya a ngiaʼa.

Deutéronome 8:17

a woya ɓai aman ka hérè te ndav ngaya: Wuɗi ga, wuɗi ri ga a mvay skwi mèshèlè haha tèlèba.

Deutéronome 8:18

Aman sèi ka hér Ndo nzi pèc pècèk, Zhiklè ngaya; aman nengaʼa a mva ka wuɗai aman ka ngots skwi mèshèlè, aman a gi ara nderzlè-ma nengaʼa man a mpasla ta ri a hi a babhi ngaya, ara man ka ngotso a sam ngaya a patsna.

I Samuel 17:50

Arsa David a mfena ndo Philistie a vangava a krengaz, a ndza na ndo Philistie, a nkeɗaʼa, kafahi gwèsh a te ri na ɓai.

I Samuel 6:9

Aman va-wora: Aman a dè, a gshè civèɗ Beth-Shémesh, nga suna, Ndo nzi pèc pècèk, nengaʼa man a ga nga matakwan mbiaʼa haha. Man ɓai, nga suna, skwi ntse nga, Zhiklè a ngu ka ɓai, skwi nʼnga nga, a ga nga kata genè.