Ecclésiaste 9:10 - Ma Zhiklè

¹⁰ Mizlinè tèlèba man ka ngotso, gu dè te di wuɗi ngaya. A sam mʼmetsai, man ka da dè a pa, mizlinè azɓai, nhér skwi azɓai. Ta sun skwa ɓai, maya ngiɗè azɓai.

Ecclésiaste 9:10 ပူးပေါင်းရင်းမြစ်များ

Genèse 37:35

A wudahi nengaʼa tèlèba, a dalahi na tèlèba, ta shkè a ta bidèʼa. Aman nengaʼa a nca bai, a ngaɗa: Azɓai, i da kuɗi kra ga, ha i metsi ga a vaʼa. Aranta bab nengaʼa a kuɗiaʼa.

I Chroniques 22:19

Gar haha va-woy Ndo nzi pèc pècèk, Zhiklè kinè, a ndav tèlè, a nshèffè kinè tèlèba! Va-slambaɗa, vo-rom sam nkezlaʼa a Ndo nzi pèc pècèk! Va-hulko koti nderzlè-ma Ndo nzi pèc pècèk, a kolongwi Zhiklè nkezlaʼa, a gi man kin rom a nzlembaɗ Ndo nzi pèc pècèk!

I Chroniques 28:20

Te deɓaʼa David a ngaɗa na Salomon, kra na: Nzala va, gu slagama, hün mizlinè, ka gu zlau ɓai, ka gudzu ɓai, Zhikiè, Ndo nzi pèc pècèk, Zhiklè ga, a zhè a nda ka. Nengaʼa a da jèke ka a géɗ ngaya azɓai, a da mindè ri na a deɓa a gèɗ ngaya azɓai, ha skwi tèlèba nʼnga ma, a ta slaha ta gi mizlinè te gi Zhiklè.

Néhémie 2:12

Te deɓaʼa i slambaɗa, a vaɗ, nga a ndohi ngiɗè kètè. Skwi man Zhiklè a ngaɗayè te ndav ga, man i da gi a géɗ kokwar Jérusalem, i ngra na ndo ɓai. Plèsh ngiɗè az a sam ga bai, sèi di man i nza a deɓaʼa.

Néhémie 4:2

a goɗ a sam di kramamhi na, a nhèyè-va sojè Samarie: Ndohi Juif ntawassahia haha ta gi mè? Ta woy a ta gi wujèɗ ɗè? Ta woy a ta zli skwi a Zhiklè te va man ta düdüɓè haha dè? ta woy a ta slambaɗda kwa a nkulama man vogwa a ndarda pa haha dè?

Néhémie 4:6

Aranta nga rom zlazlar a ma ma, ntèuda tèlè, nɗizlè rètaʼa. A ndohi ta fa na gèɗ a va mizlinè.

Job 10:21

Ga i dè a sam man i menkaɗa deɓa te pa azɓai, sam ntèɗèɗikɗikaʼa, herkeda man ruva te pa,

Job 10:22

a sam mʼmadzaʼa ara vaɗ, ruva, man skwi nhel sam asaɓai.

Job 21:13

Ta wuffè te pats nshèffè tengaʼa tèlèba, a ta dè a vèvèɗ te gumai.

Psaumes 6:5

Ndo nzi pèc pècèk, washkè a deɓa, mbelay nshèffê ga! Takahayè, a géɗ pombi ngaya!

Proverbes 3:28

Aman skwi a zhè te ri ngaya, ka gada na nslamagi ngaya: Do a ka shkè a deɓa angoslèm, i da va ka, – ka gada na arsa ɓai!

Ecclésiaste 11:3

Aman vani nʼnga, a dzurvko iyam a hi a géɗ herkeda. Wof man a nkalahai, ko kala a civèɗ dukwaɗ, ko a civèɗ te man a géɗèʼa, mʼmana a sam man a kala a pa.

Ecclésiaste 11:6

Zlekau tser skwi ngaya a prèk, ka sok va ɓai ha dakwaɗ. Ka sun skwi man a da ftskaɗa ɓai, gar ngiɗè, gar ngiɗè, gar cèw cèw ba ta da fcè amba.

Esaie 38:10

I gaɗa: Mʼmetsi a da keɗyè te gola; rèta mvi ga ngiɗè i da gi a sam mʼmetsai.

Jérémie 29:13

kin da has-syè, a kin da ngatsyè, a géɗ man kin dzhadyè a ndav kinè tèlèba.

Nombres 13:30

A Caleb a mbatsa maʼa man ndohi ta gi a sam Moise, a ngaɗa: Ngo-dokoya genè, ngo-do-dumokoy kokwar genè! Nga da fen ta!

Matthew 20:7

Ta gaɗa na: Ndo a mva nga mizlinè ɓai. A nengaʼa a ngaɗa ta: Kinè ba, vo-do a gi dau ga!

Matthew 6:33

Va-hur kokwar-Bi-Zhiklè a ngi-zura nengaʼa nshèlèkuraʼa, a kin ngècè skwi haha tèlèba a deɓaʼa.

Jean 4:34

A Yèsu a ngaɗa ta: Na haha, skwi nʼndi ga, aman i gi skwi man ndo nzlindekayè a woya i giaʼa, a i ndivè mizlinè nengaʼa.

Jean 5:4

A pats ngiɗè, pats ngiɗè, gol Bi Zhiklè a shkèhai a sam nhèyè-va iyam, a ngeda iyam. Aman iyam a gidè va, ndo man a dè a pa nshèlèkuraʼa, a mbél na, ko matakwan mèmè a nʼnga na.]

Jean 9:4

Sèi nga gi mizlinè nengaʼa man a zlindekayè, aman pats ani a zhè dai. Vaɗ a shkè, aman ko ndo staɗ a slaha a ngi mizlinè ɓai.

Romans 12:11

Te skwi man sèi kin gia ndèzl, kin gu wudar te pa ɓai! Mèzhèɓ kinè da vatsa ara vogwa. Va-gu mizlinè Bi Zhiklè!

1 Corinthians 15:10

Aman te pombi Zhiklè, iyè ara nʼnzi ga antanta. Pombi nengaʼa a gu a sam ga ambali ka ɓai. I gu mizlinè a fena tengahia tèlèba. Aman iyè ka ɓai, aman pombi Zhiklè man a zhè a sam ga.

1 Corinthians 16:10

Aman Timothée a dè, va-gu maya, aman a slaha a nʼnzi a sam kinè a zlau ka ɓai. Aman nengaʼa ba a gi mizlinè Bai Yèsu, lèmèlèmè ara ga.

1 Corinthians 9:24

Kin sun ɓi ɗè, aman tengahi man ta hi te dala, ta hi tèlè. Aman sèi staɗ a ngècè skwi ntul na. Va-hau arsa, aman kin ngècèʼa!

1 Corinthians 9:26

Gar haha i hai, a i hi teɗau teɗauaʼa ka ɓai. A i ɗukwaʼa, aman i ɗukwaʼa a mpataka ambali ka ɓai;

Ephésiens 5:16

Va-hera na gèɗ a va mizlinè! Sam ambaɓai.

Colossiens 3:23

Skwi tèlèba man kin giaʼa, va-gau a ndav tèlèba, ara man a Bi Zhiklè, a ndohi genè ka ɓai.

I Samuel 10:7

Aman skwi haha a da gi a sam ngaya, gau ara man Zhiklè a ngra ka.