24 Verzi skwai, skwi nthwaɗaʼa, nshinè auda wa?
A ngaɗa na ndo: Ngi zlau Bi Zhiklè, nasa maya. Njèkè malai, nasa nshin skwai.
Zhiklè Bi-wuɗai, géɗ va nengaʼa nga ngècè azɓai. Wuɗi nengaʼa mbiaʼa. Ngi-zuraʼa nengaʼa a vata. A ngwèdè ma kita azbai.
Nrkedi mbiaʼa a sam ga, i sun verzi nengaʼa ɓai, a pay ɓorom a ma.
Ndo nzi pèc pècèk, pombi ngaya a ndikè a zhiklè a géɗèʼa, nlèɓèslè ngaya a ndikè a sam vanihai.
Ko ndo mwoslaʼa, a woyaʼa, a slaha a nʼngècè azɓai. Ko ndo maya a hur a ngotso, a slaha a ngècè azɓai.
A vava, mèshèlè Zhiklè, a maya a skwi man Zhiklè a suna, a ndiv ɓai. Verzi kita nengaʼa, ndo a shinè azɓai, mbèslè gèɗ nengaʼa, ndo a shinè azɓai.
nengaʼa staɗgenè, man a metsi azɓai, nengaʼa man a nzi a sam nhélaʼa, man nga slaha nga dè a pa azɓai, man ndo a nrka di ɓai, man ndo a slaha a nrka ɓai, nslébèrdè a wuɗai pèc pècèk a mèdèp. Amen.
