Ecclésiaste 6:2 - Ma Zhiklè

² Aman Zhiklè a va na Suli a skwi mèshèlè a nʼnjèlè a ndo, a nengaʼa a nʼngots skwi tèlèba ara ndav nengaʼa a woyaʼa, aman Zhiklè a va na civèɗ azɓai aman a ndiaʼa, ndo ngiɗè a nda ndiaʼa. Nasa skwi ambaɓiaʼa, matakwan mwuɗitpa.

Ecclésiaste 6:2 ပူးပေါင်းရင်းမြစ်များ

I Rois 3:13

A skwi man ka dzhada ɓai, i va ka a vaʼa: skwi mèshèlè, nʼnjèlè. Bi ngiɗè a gi ara man a ngaya azɓai.

I Chroniques 29:25

Ndo nzi pèc pècèk a nʼnga Salomon a mbiaʼa a vata a sam di ndohi Israel tèlèba, a mva na nʼnjèlè a kokwar-bi nengaʼa. Bi Israel ngiɗè ngar nengaʼa azɓai.

I Chroniques 29:28

Te deɓaʼa a mʼmets na, nhala kumba ma, nʼngeza a nshèffè, a skwi mèshèlè, a nʼnjèlè. A Salomon, kra na, a ngu bi te di man a nengaʼa.

II Chroniques 1:11

Zhiklè a ngaɗa na Salomon: A géɗ man ka huro arsa, ka dzhaɗa skwi mèshèlè ka ɓai, ka dzhaɗa nshèffè man a nzi a ma ma ka ɓai, aman ka dzhaɗa maya, aman a ka shin ngi kita ndohi ga, man i fe ka a bi tengaʼa,

Psaumes 17:14

Ndo nzi pèc pècèk, mbelay nshèffè ga te ri ndohi herkeda haha man ta wala, ko wud ta, a wud wud ta man ta jèke ta njèkèɗi skwi ta.

Psaumes 39:6

Na haha ka livay patshi ga a hwaɗ ri ngaya; nshèffè ga a sam di ngaya nara skwi ka ɓai. Halau, ko wawa man a zhè a nshèffè, nara kozlar genè.

Psaumes 73:7

Shèwa te dai, a ta gi skwi ara ndav ta man a woyaʼa.

Ecclésiaste 4:4

A i rka mizlinè tèlèba man ndo a geda matakwan a va a vna; skwi tèlèba, sèi srak genè, ngiɗè a gi srak a géɗ ngiɗè, ngiɗè a gi srak a géɗ ngiɗè. Ko skwi haha, skwi ambalai, nara nhi a gerzi kozlar.

Ecclésiaste 4:8

Ndo ngiɗè a nza a géɗ na, gwoli na azɓai, kra na azɓai, kramam na azɓai. A gi mizlinè pèc pècèk, ndikèmaʼa azɓai. Skwi mèshèlè a shilè na ɓai. I gi mizlinè a i si matakwan a géɗ ngè? Ko skwi haha, skwi ambalai, mizlinè mwuɗitpa.

Ecclésiaste 5:13

Skwi mèshèlè nengaʼa a ndiv na te ngédèshè; kra nguraʼa man a myau a ngècè skwi te ri bab na azɓai.

Ecclésiaste 5:16

A vaʼa, pats nshèffè na tèlèba, a nzi te ruva, te nlèyè, te matakwan, a dzakaɓama na ndav.

Ecclésiaste 5:18

Aman Zhiklè a va na skwi mèshèlè a ndo, a va na skwi mwèl va, a wuffè te mizlinè na, nasa skwi man a ngots te ri Zhiklè.

Ecclésiaste 5:19

Ndo arsa a lèyè skwi ngiɗè azɓai a pats nshèffè na, te man Zhiklè a va na mwuffè a ndav.

Esaie 55:2

Kin pi sulai a géɗ skwi man movar ka ɓi èhèmè? Kin gi mizlinè a géɗ skwi man a ngeza kinè hwaɗ azɓai èhèmè? Va-tsena ma ga, va-ndau skwi njènaha kinè leɓakaʼa, a ndav kinè nruɓa a skwi ngraʼa.

Lamentations de Jérémie 5:2

Ndohi man verzi ta tsaɗ ta ngots skwi nʼndi gi nga. Ndohi kokwar ngiɗè ta ndau gi nga.

Daniel 5:18

Bi ga, Zhiklè te géɗèʼa a nʼnga Nebucadnetsar, bab ngaya, a mbiaʼa, a mva na nʼnjèlè a wuɗi bai.

Osée 7:9

Ndohi nte verzi ngidè ta cèma na wuɗi nengaʼa, a nengaʼa a sun ɓai.

Deutéronome 28:33

Ndohi kokwar ngiɗè man ka sen ta ɓai, ta da ndi nyi herkeda ngaya, skwi tèlèba man ka gu mizlinè a pa; a ta ga ka matakwan, ta zumda ka gèɗ.

Deutéronome 28:43

Ndo man verzi na tsaɗ a sam ngaya a da fa ka gèɗ, ka dè mènèhi a hai.

Juges 18:10

Aman kin da ndikè a pa, kin ngècè ndohi man ta gi ma azɓai. Dal kokwar mbiaʼa, Bi Zhiklè a mva kinè a ri a kinè, sam man ta tèkwèn skwi a géɗ herkeda te pa azɓai.