Ecclésiaste 5:18 - Ma Zhiklè

¹⁸ Aman Zhiklè a va na skwi mèshèlè a ndo, a va na skwi mwèl va, a wuffè te mizlinè na, nasa skwi man a ngots te ri Zhiklè.

Ecclésiaste 5:18 ပူးပေါင်းရင်းမြစ်များ

Psaumes 42:8

Iyam a hèy va a hai, a jurvahai a sam ndzurv iyam ngaya, a pizlèy gèɗ a pa.

Ecclésiaste 2:10

Skwi mèmè man di ga a woy a nrkaʼa, i ngra na. Mwuffè mèmè man ndav ga a woyaʼa, i va na, te man ndav ga a wuffè a géɗ mizlinè ga tèlèba. Nasa skwi ntul mizlinè ga man i ngotso.

Ecclésiaste 2:24

Gar haha ndo da ndau skwai, da sau skwai, da wuffa a sam mizlinè na man wuɗitpa, di man ndara nengaʼa a nta asaɓai. Aman ko skwi haha, i rkaʼa, a shkè te ri Zhiklè.

Ecclésiaste 2:3

I hur te gèɗ ga, i ngézhè va a zom, a i ndhè gèɗ a maya, a i gshè va ga a nrzlè; te deɓaʼa i da shin skwi man ambaha va ndohai a pats nshèffè ta a géɗ herkeda tèlèba.

Ecclésiaste 3:22

A i rkaʼa: dara ndo da wuffa a sam mizlinè na, nasa skwi man a ngotso. Nda ngra na mwuffe man a da gi te deɓ nengaʼa wa?

Ecclésiaste 6:2

Aman Zhiklè a va na Suli a skwi mèshèlè a nʼnjèlè a ndo, a nengaʼa a nʼngots skwi tèlèba ara ndav nengaʼa a woyaʼa, aman Zhiklè a va na civèɗ azɓai aman a ndiaʼa, ndo ngiɗè a nda ndiaʼa. Nasa skwi ambaɓiaʼa, matakwan mwuɗitpa.

Ecclésiaste 8:15

Gar haha mwuffe a wuffèday gèɗ. Skwi ngiɗè man ambaha va ndo a géɗ herkeda, azɓai, sèi man a ndi skwai, a si skwai, a wuffè. Da ngotso te va mizlinè man a ngeza na a pats nshèffè na tèlèba man Zhiklè a mva na a géɗ herkeda.

Ecclésiaste 9:7

Do, ndu movar ngaya te mwuffe genè, su zom ngaya a dimèsh a ma genè, te man skwi man ka giaʼa ambaha Zhiklè mènè!

Jérémie 52:34

Bi Babylone a nwara na di pèc pècèk, a pats nshèffè na tèlèba, ha a mʼmets na.

1 Corinthians 16:16

Kinè ba, va-manda gèɗ a hai a sam ndohi ar haha, a sam tengahi tèlèba man ta mbi a mizlinè, a ta ngeza te pa.

Deutéronome 12:18

Sèi ndau a sam Ndo nzi pèc pècèk, Zhiklè ngaya, a sam man Ndo nzi pèc pècèk, Zhiklè ngaya, a ngotskoɗauda; ka a kra ngaya, a dem ngaya, ɓèl ngaya, ko nguraʼa ko ngwoz, ko ndo Lévi man a zhè a samaʼa, a kin wuffè a sam Ndo nzi pèc pècèk, Zhiklè ngaya, a géɗ skwi ri ngaya.

Deutéronome 12:7

A kin ndi skwi te pa, a kin wuffè a sam Ndo nzi pèc pècèk, Zhiklè kinè, kinè a gwoli kinè, a géɗ skwi ri kinè, man Ndo nzi pèc pècèk, Zhiklè kinè, a mpshè kinè ma a vna.

Deutéronome 26:11

Te deɓaʼa ka da wuffè, a nda ndo Lévi, a nda ndo man verzi tsaɗ, a ko wawa man a zhè a sam ngaya, a gèɗ skwi man amba tèlèba man Ndo nzi pèc pècèk, Zhiklè ngaya, a mva ka, a mva kinè a ndohi gi ngaya.

1 Timothy 6:17

Ngreda ta ndohi mèshèlè, man ta zhè tʼherkeda antanta, aman da dzugor va ɓai, aman da gso ndav ta a skwi mèshèlè ta ɓai, man a nzi azɓai. Sèi ta pi ndav a Zhiklè, man a va nga skwi tèlèba a vata, aman nga nzi amba.