5 Ndo nrzlaʼa a nza ɓlussaʼa, a gedassa va na a ri na.
I ɓer va ga a ri ga, i gshè nshèffè ga a ri ga.
Ndo man ndo a sia te va, a ga na skwi man ambaha a va na. Ndo man ndav nengaʼa ngwora, a gedassa va na.
Ndo wudar a ta zluèɗ na azɓai; ndo mwosla te mizlinè a ngècè skwi mbelaʼa.
Ndo wudar a tétékè skwi kumba, a tétékè ambalai; aman ndohi nzuraʼa ta woy skwai, a ta ngècè a vata ba.
Ndo wudar a hér mpizhè a zovaɗ genè. Aman ta tsi dau, a ngècè skwa azɓai.
Ka ndo wudar, ka manatʼhi ha ngèmè? Ka da slèmbèɗè a nzhunè a ngèmè?
Ma man a shkè auda te ma ndo maya, a va na pombai. Aman ma ndo nrzlaʼa a zeda va na.
Manassé a sam ndohi Ephraim, Ephraim a sam ndohi Manassé, ta cèw ta gi arsa a Juda. Ko ar haha, Zhiklè a gi ndav di genè, a ngeda ri na genè.
