Ecclésiaste 3:4 - Ma Zhiklè

⁴ Man tiɗè man nkudi ma, ta kuɗai; man tiɗè sam nʼngwèshè ma, ta ngwèshè. Man tiɗè sam nlèyè ma, ta lèyè; man tiɗè sam ngècè ma, ta gècè.

Ecclésiaste 3:4 ပူးပေါင်းရင်းမြစ်များ

Genèse 21:6

Sara a ngaɗa: Bi Zhiklè a mvayè aman i ngwèshè. Ko wawa man a da tsenaʼa, a da ngwèshè a géɗ ga.

II Samuel 6:16

Aman koti Ndo nzi pèc pècèk a mshkè a kokwar David, Mical, dem Saul, a mpu di a nvakavar. Aman a nrka bi David, a nzevai, a gècè a sam Ndo nzi pèc pècèk, a nʼndara na.

Psaumes 30:11

Ndo nzi pèc pècèk, tsenaʼa, i da se ka te va! Ndo nzi pèc pècèk, takahayè!

Psaumes 30:5

Kin ndohi nkezlaʼa, va-sla na dimèsh a Ndo nzi pèc pècèk, vo-slubordo nzlem-bad nengaʼa nkezla a.

Exode 15:20

A Miriam, ngwoz nhadka ma, demam Aaron, a nco ganga, a ngwozi tèlèba to do a verzi nengaʼa, a ta tsi ganga, atagècè.

Ecclésiaste 3:5

Man tiɗè sam nkèldè kwa ma, ta kèldèʼa; man tiɗè sam mpèr kwa ma, ta pèrèʼa. Man tiɗè sam nkélèw ri a daʼai ma, ta kelèwèʼa; man tiɗè sam nʼngél va ma, ta ngél va.

Ecclésiaste 7:14

A pats manam, wuffa! A pats man wuɗitpa, huro! Ko nengaʼa ba Zhiklè a ngau, lèmèlèmè ara matsa. Ndo a shin skwi te deɓ mʼmetsi nengaʼa azɓai.

Esaie 40:1

Va-bid ta, va-bid ta ndohi ga! Zhiklè kinè a gaɗa.

Esaie 40:2

Va-gaɗa na kokwar Jérusalem, a kin pa ta ndav a pa. Va-njè ta: Mizlinè ɓèl tengaʼa a ndev na ma, mali tengaʼa mpela ma. Ta ngots kita sak cèw te ri Ndo nzi pèc pècèk, a géɗ mali tengaʼa.

Matthew 11:17

Nga voɗ shingelèk, a kin gatsa ɓai. Nga tsu nguzlah, a kin ga wobu ɓai.

Matthew 9:15

Yèsu a ngaɗa ta: A pats man ntsima a zhè, mandalahi nengaʼa ta slaha a ta kuɗi dè? Sèi pats ngiɗè, man ta ceda ntsim tengaʼa a ma ma, te deɓaʼa ta da jèkeda skwi nʼndai.

Luke 1:58

A nslamagihi na, a gwoli na ta tsena, a msau Bi Zhiklè te va, a ta wuffè a nda nengaʼa.

Romans 12:15

Va-wuffa a nda tengaʼa man ta wuf-fè, va-kuɗau a nda tengaʼa man ta kuɗai.

2 Corinthians 7:10

Nlèyè te ndav man a shkè te ri Zhiklè, a de nga a sam mʼmbélè; aman nlèyè herkeda a de nga a sam mʼmetsai.

Jacques 4:9

Va-hur mali kinè, va-loyo, va-kuɗau! Nʼngwèshè kinè da ngwode na a kuɗa; mwuffe kinè da ngwode na a nlèyè.