Ecclésiaste 3:11 - Ma Zhiklè

¹¹ Skwi tèlèba a ngau tiɗè samaʼa, tiɗè samaʼa, a ngra ta man tiɗè samaʼa; aman skwi man Zhiklè a ngau tʼhinèkaɗ na, ha ndikèma skwai, ndo a slaha a nshin tèlè ɓai.

Ecclésiaste 3:11 ပူးပေါင်းရင်းမြစ်များ

Genèse 1:31

A Bi Zhiklè a nrka skwi tèlèba man a gau: Na haha, nʼngaʼa amba a vata ba. A nda na ma dakwaɗ, a nda na ma a prèk, nasa mʼmèn mamokwaʼa.

Job 11:7

Ka slaha ka shin nhinkaɗ Bi Zhiklè, a ngi na ɗè? Ka slaha ka sun Bi-wuɗai man nga a jè-lèlèʼa dè?

Job 37:23

Zhiklè Bi-wuɗai, géɗ va nengaʼa nga ngècè azɓai. Wuɗi nengaʼa mbiaʼa. Ngi-zuraʼa nengaʼa a vata. A ngwèdè ma kita azbai.

Job 5:9

Nengaʼa man a gi skwi mbiaʼa, man ndo a slaha a sun verzi na ɓai, nrkedi man ndo a slaha a ngrèʼa ɓai.

Psaumes 104:24

Ndo nzi pèc pècèk, skwi man ka giaʼa kumba! Ka gau tèlèba a maya ngaya. Herkeda nʼndha a skwi man ka gau.

Proverbes 16:4

Ndo nzi pèc pècèk a ngu skwi tèlèba, ngiɗè a ngima na, ngiɗè a ngima na, ko ndo ambaɓiaʼa ba, ha a da ndikè a sam matakwan.

Ecclésiaste 1:13

I huro a maya, i woya a i shindè a i wèrè skwi tèlèba a géɗ herkeda. Mizlinè aranta man Zhiklè a mva ta a ri a ndohai a ta ngézhè a vna, mizlinèʼa wuɗitpa.

Ecclésiaste 11:5

Ka sun sam man kozlar a dè a pa ɓai, ka sun ara man kra agrè tʼhwaɗ mam na ɓai, lèmèlèmè ka sun mizlinè Zhiklè man a gi skwi tèlè ɓai.

Ecclésiaste 7:13

Wor skwi man Zhiklè a giaʼa! Skwi man Zhiklè a hurmaʼa, nslaha a mprokoɗauda Sara wa?

Ecclésiaste 7:23

I jkede skwi haha tèlèba a maya ga; i hur i woy a i ngècè maya, aman i ngatsa ɓai.

Ecclésiaste 7:29

Wor skwi man i ngotso: Zhiklè a ngau ndo, a nge ta nzuraʼa; aman ndohi ta woy ndèvèd ma.

Ecclésiaste 8:17

Ko ndo mwoslaʼa, a woyaʼa, a slaha a nʼngècè azɓai. Ko ndo maya a hur a ngotso, a slaha a ngècè azɓai.

Matthew 11:27

Skwi tèlèba Bab ga a mvay a rai. Ndo ngiɗè a sun kra ɓai, sèi Bab kra a suna a vava. Ndo ngiɗè a sun bab kra ɓai, sèi kra a suna a vava, a ndohi man kra a ngreda ta.

Matthew 13:22

Ngidè man a wusha a ndev vatakihai, nara ndo man a tsena maʼa, aman a hér gèɗ; ntètèkè skwi mèshèlè a skwi kumba a pèkèteda, a mpizlè na ma a pa, a yi wuda azɓai.

Marc 7:37

A ta rzl ta a vata, a ta gada: Nengaʼa a gi skwi tèlè, tèlè amba a vata. A gi aman ndaɓazlam ba a tsenaʼa, ndo ɓagga ba a gèɗè.

Romans 1:28

Arsa, a géɗ man ta huro nshin Zhiklè, skwi ambalai, Zhiklè a njèke ta a ri a maya tengaʼa ambaɓiaʼa, a ta gi skwi horai.

Romans 11:33

A vava, mèshèlè Zhiklè, a maya a skwi man Zhiklè a suna, a ndiv ɓai. Verzi kita nengaʼa, ndo a shinè azɓai, mbèslè gèɗ nengaʼa, ndo a shinè azɓai.

Deutéronome 32:4

Nengaʼa za, skwi man a giaʼa, nʼngaʼa jèlèlèʼa. Civèd nengaʼa tèlèba, civèɗ nzuraʼa. Zhiklè nlèɓèslèʼa, ncèkèlma a te nengaʼa ɓai; nengaʼa zuraʼa ndzarɓiaʼa.