Ecclésiaste 12:7 - Ma Zhiklè

⁷ a ngi zlau a géɗ skwi man a zhè te géɗèʼa, skwi mpra ka zlau a va a zhè a civèɗ; a wof a wurzhè; a dzari amba nhi ɓai, nfersi a jèn ɓai,

Ecclésiaste 12:7 ပူးပေါင်းရင်းမြစ်များ

Genèse 18:27

A Abraham a mʼmbeɗa na a ma: Na haha i gèɗè a va zaʼa, a i gaɗa na Ndo nzi pèc pècèk; ko i mberfenèk a mèrwèc.

Genèse 2:7

A Ndo nzi pèc pècèk Zhiklè a ngu ndo a mberfenèk herkeda, a nftè na nshèffè a htsan. Aranta, ndo a zhè a nshèffè ma.

Genèse 3:19

Ka ngècè movar ngaya a vazaza a va, ha pats man ka men ngaya a deɓa a va mberfcnèk, man i ce ka te pa. Ka mberfenèk, a ka min ngaya a deɓa a va mberfenèk.

Job 20:11

Va nengaʼa ndaɓaraʼa ara gola, aman kala vèvèɗ a vna.

Job 7:21

Ka pray mali ga azɓai èhèmè? Ka fa na kwa a géɗ mali ga azɓi èhèmè? Man i ma, i dè vèvèɗ; aman ka da woy iyè, ka da ngatsyè asaɓai.

Psaumes 103:14

Aman nengaʼa a sun ngakaɗ nga. A hérèʼa, nga mberfenèk.

Psaumes 104:29

Aman ka nghede va ngaya ta gi zlau; aman ka cèma ta nshèffè, ta bazl ta, a ta minè a deɓa a va mberfenèk.

Psaumes 146:4

Nshèffè nengaʼa klèng, a minè a deɓa a herkeda, a skwi man a hur a da giaʼa, a zi na.

Psaumes 31:6

I va ka nshèffè ga a ri a ka. Ndo nzi pèc pècèk, ka Zhiklè nlèɓèslèa, ka sumkay a deɓa.

Psaumes 90:3

Ka menda ndo a deɓa a va mberfenèk, a ka gaɗa ta: Vo-washkè a deɓa, wud ndohai!

Esaie 57:16

I woya a i gi ndav a mèdèp azɓai, i verslè a mèdèp azɓai, man ɓai a fena wuɗi ndohi man i ge ta, a mèzhèɓ tengaʼa a mbats na.

Jérémie 38:16

Bai Sédécias a mʼmbaɗa na Jérémie a metsar, a ngaɗa na: Ara man Ndo nzi pèc pècèk a zhè, man a mva nga nshèffè, i da keɗ ka azɓai, i da fe ka a ri a ndohi man ta woy a ta zeda nshèffè ngaya azɓai.

Daniel 12:2

Ta kumba man ta te vèvèɗ, ta da piɗèkwe ta, ngiɗè a nshèffè a mèdèp, ngiɗè a hori a skwi mphomdaʼa a mèdèp.

Zacharie 12:1

Ma Ndo nzi pèc pècèk a géɗ Israel. Ndo nzi pèc pècèk, man a wuzhè giɗfèk, a gu herkeda, a vi mèzhèɓ a ndav ndo, a goɗ ar haha:

Nombres 16:22

Aman ta kalahi a deɓ sak nengaʼa, a ta gada: Zhiklè! Zhiklè man ka vi nshèffè a ndo tèlèba. A géɗ man ndo staɗ a ngau malai, ka gi ndav a géɗ mpi ndohi tèlèba dè?

Nombres 27:16

Ndo nzi pèc pècèk, Zhiklè, Bab nshèf-fè skwi tèlèba, da vau ndo ncè ta ma mpi ndohai,

Luke 23:46

A Yèsu a mboho a wuɗai: Bab ga, i vi mèzhèɓ ga a ri ngaya! Aman a ngoɗ arsa, a mʼmets na.

Actes 7:59

A ta kol Etienne a kwa. Aman nengaʼa a mboho: Bai Yèsu, co mèzhèɓ ga!

Hébreux 12:23

a sam mɓicè-va tsuvomhiaʼa, man ta winde ta te zhiklè te géɗèʼa, a sam Bi Zhiklè, man a gi kita a géɗ ndohi tèlèba, a sam mèzhèɓhi ndohi nzuraʼa, nʼngaʼa jèlèlèʼa,

Hébreux 12:9

Ara man nga ngots bab nyeka nga, man a ndah nga, a nga gu zlau nengaʼa, nga mèndè gèɗ a hai holholaʼa a sam Bab Zhiklè azɓi ɗè, a nga nzi a nshèffè?