Ecclésiaste 12:13 - Ma Zhiklè

¹³ Ma ndohi maya nara tsakwal. Ngèlègèɗ ma tengaʼa nara sulom. Ndo mɓer ta staɗ a mvau.

Ecclésiaste 12:13 ပူးပေါင်းရင်းမြစ်များ

Genèse 22:12

A Zhiklè a ngaɗa: Jèkeda kra ngaya, ka lama na ɓai! Aman antanta i suna, ka gi zlau Zhiklè. Ko kra ngaya staɗgenè, ka jèkaha a sam ga ɓai.

I Rois 2:3

Gu mizlinè ngaya a nlèɓèslè a sam Ndo nzi pèc pècèk, Zhiklè ngaya! Do a civèɗ nengaʼa! Dzodzor ma nkwèrè, a ma kita, a ma malwuɗi, a ma nengaʼa man a de nga a vna, ara man ta zhè te ma kita Moise! A skwi mèmè man ka da giaʼa, a skwi mèmè man ka da hinèʼa, a dè amba amba.

Job 28:28

A ngaɗa na ndo: Ngi zlau Bi Zhiklè, nasa maya. Njèkè malai, nasa nshin skwai.

Psaumes 111:10

Maya a hinkaɗi te ngi zlau Ndo nzi pèc pècèk. Ndohi man ta gi arsa, ta gu amba. Nʼnjèl nengaʼa a nzi a mèdèp.

Psaumes 145:19

A gi ara man ndohi man ta gi zlauaʼa ta woyaʼa. A tsena mbèhè tengaʼa, a mbel ta.

Psaumes 147:11

Skwi man Ndo nzi pèc pècèk a wuffè a géɗèʼa: ndohi man ta gi zlau Zhiklè, a ndohi man ta zhèr pombi nengaʼa.

Proverbes 1:7

Maya a hün te ngi zlau Ndo nzi pèc pècèk; ndohi nrzlaʼa ta kwola ma maya a nslebi skwai.

Proverbes 19:23

Zlau Ndo nzi pèc pècèk a de ka a sam nshèffè. Ka mènèhi a hwaɗ ngezaʼa, ka gi zlau skwi ambaɓia azɓai.

Proverbes 23:17

Ndav ngaya da gu srak a géɗ ndohi malihi ɓai; aman da gu zlau Ndo nzi pèc pècèk!

Ecclésiaste 2:3

I hur te gèɗ ga, i ngézhè va a zom, a i ndhè gèɗ a maya, a i gshè va ga a nrzlè; te deɓaʼa i da shin skwi man ambaha va ndohai a pats nshèffè ta a géɗ herkeda tèlèba.

Ecclésiaste 3:14

I rkaʼa, skwi mèmè man Zhiklè a giaʼa, a nzi a mèdèp. Ndo a pi skwi a vaʼa azɓai, a helaha azɓai. Zhiklè a ngau, a woy man ndohi ta gi zlauaʼa.

Ecclésiaste 5:7

Aman ka rkaʼa ara man ta ga na wuɗi a mbelaw ndo, ara man ta terɗa ma kita te kokwar-bai, ka rzl ngaya ɓai! Aman ndo nfena ngiɗè a zhe, ndo nfena ngiɗè a zhè.

Ecclésiaste 6:12

Skwi man ambaha nshèffè ndo, nsun wa? Nshèffè nengaʼa a nzi a vata azɓai, skwi ambalai. A da ndiv na ara mèzhèɓ wof. Ngra na ndo skwi man a da gi a géɗ herkeda te deɓ nengaʼa wa?

Ecclésiaste 7:18

Ka rzla va holhola ɓai, ka vassa na va a ngi zuraʼa holhola ɓai, hur skwihi haha cèw ba! Ndo man a gi zlau Zhiklè, a mbel na te ri skwi sa tèlèba.

Ecclésiaste 8:12

Ndo malai a gi mali kumba kumba, a nzi a nshèffè genè. Aman i suna, tengaʼa man ta gi zlau Zhiklè ta da nzi amba, a géɗ man ta gi zlauaʼa.

Ecclésiaste 8:5

Ndo man a fi gèɗ a ma nkwèr nengaʼa, skwi ambaɓiaʼa a ga na azɓai. A ndo maya a zhèr pats kita ndohi ambaɓihiaʼa.

Michée 6:8

Ndo, ta ngra ka skwi man amba, a skwi man Ndo nzi pèc pècèk a jhèɗèʼa a sam ngaya: Sèi ka gi skwi zuraʼa; ka woy ndo; a ka manda gèɗ a hi a sam Zhiklè ngaya!

Luke 1:50

A verzi, verzi ndohi man ta gi zlauaʼa, ta sia te va.

Deutéronome 10:12

Anai, Israel, Ndo nzi pèc pècèk, Zhi-klè ngaya, a jhèɗè a sam ngaya mè? Sèi ka gi zlau Ndo nzi pèc pècèk, Zhiklè ngaya, a ka dè a civèɗ nengaʼa tèlèba! Ka woyaʼa, a ka gi mizlinè Ndo nzi pèc pècèk, Zhiklè ngaya, a ndav ngaya tèlèba, a nshèffè ngaya tèlèba,

Deutéronome 10:20

Sèi ka gi zlau Ndo nzi pèc pècèk, Zhiklè ngaya, a ka gi mizlinè nengaʼa, ka gshè va a vna, a ka mbèɗè a nzlembaɗ nengaʼa.

Deutéronome 4:10

Va-huro pats man kin zlatsa a sam di Ndo nzi pèc pècèk, Zhiklè kinè, a der za Horeb, aman Ndo nzi pèc pècèk a gaɗayè: ɓic ta ndohai, a i njè ta ma ga, a ta slebi ngi zlau ga a pats nshèffè ta tʼherkeda tèièba, a ta slebda ta wudahi ta.

Deutéronome 4:2

Ma man i njè kinè, kin pu a vaʼa ɓai, kin helaha ɓai! Va-dzodzor ma nkwèr Ndo nzi pèc pècèk, Zhiklè kinè, man i njè kinè!

Deutéronome 6:2

a kin gi zlau Ndo nzi pèc pècèk, Zhiklè kinè, te nshèffè kinè tèlèba, a kin jèjèr ma nkwèr nengaʼa, a ma kita nengaʼa tèlèba, man i njè kinè a wudahi kinè, a wud wudahi ngaya, a kin nzi a nshèffè a vata.

1 Peter 2:17

Va-slebarde ta ndohi tèlèba! Va-woy kramamhi kinè a ndav kinè! Va-gu zlau Zhiklè, vo-slubordo bai!

Apocalypse 19:5

A ngèɗè ngiɗè a ntsena a sam nʼnzi bai: Vo-slubordo Zhiklè nga, kinè ɓèlèlihi nengaʼa tèlèba, man kin gi zlaua; cèw ba, ndohi nkèshèʼa a ndohi mbibihiaʼa ba!

I Samuel 12:24

Aman sèi kin gi zlau Ndo nzi pèc pècèk, sèi kin gi mizlinè nengaʼa nlèbèslèa a ndav tèlèba. Kin rka skwi mbiaʼa man a ga kinè ɓi dè?