Ecclésiaste 12:1 - Ma Zhiklè

¹ Gola, wuffa te gol ngaya! Gu langlangaʼa man ka gola dai! Gu ara man ndav ngaya a woyaʼa, di ngaya da wuffa a géɗèʼa! Aman sèi ka suna, a géɗ skwi haha tèlèba, Zhiklè a da zlatsede ka a sam kita.

Ecclésiaste 12:1 ပူးပေါင်းရင်းမြစ်များ

Genèse 39:2

A Ndo nzi pèc pècèk a zhè a sam Joseph; a skwi tèlèba man a gau, ngau amba, a slaha a nʼnzi a gi ndo Egypte, babgi na.

Genèse 39:23

Ndo mɓer gi dangai a nhera a géɗ skwi ngiɗè ɓai, man a mva na a ri a Joseph, a géɗ man Ndo nzi pèc pècèk a zhè a sam na, a ntakaha te skwi tèlèba man a giaʼa, a gi amba.

II Samuel 19:35

Mvi ga 80 ma. I slaha a i pèr skwi mpèrè asaɓai. I tèr skwai – a jén, a jèn ɓai, i sun ɓai. Aman golahi a dalahi ta sli dimèsh, i tsena zlembaɗ asaɓai. I rzla na va a gèɗ a bi èhèmè?

II Samuel 19:36

I takaha bi ga kèshkata genè. Bai a woya a mvay skwi a deɓa a vata èhèmè?

I Rois 14:13

Ndohi Israel tèlèba ta da kuɗiaʼa, a ta rda a vèvèɗ. Sei nengaʼa staɗgenè te verzi ndohi Jéroboam tèlèba man ta da ri a vèvèɗ, a géɗ man skwi man ambaha Ndo nzi pèc pècèk, Zhiklè Israel, te gi ndohi Jéroboam, sèi te kra sa staɗgenè.

I Rois 18:12

Aman antanta i dè ga, a Mèzhèɓ Ndo nzi pèc pècèk a ce ka auda a haha, i sun sam man ka a pa ɓai, a i dè a sam Achab a i ngra na, a nengaʼa a da ngats ka ɓai, a da kedyè. Iyè, ɓèl ngaya, i slubordo Zhiklè te kra.

Néhémie 4:14

A i warkoɗi tèlèba, i slambaɗa, a i gaɗa ta mbibihiaʼa a ndohi mɓer kokwar, a njèkèɗi ndohai: Kin gu zlau tengaʼa ɓai! Va-hur Ndo nzi pèc pècèk mbiaʼa, man wuɗi na zhè, va-gu var a géɗ kramamhi kinè, a géɗ wudahi kinè a dalahi kinè a ngwozi kinè a gi kinè!

Job 30:2

Ri tenga ba a slaha a ngi skwi ɓai, ko kèshkata.

Psaumes 119:55

A vaɗ, i hér nzlembaɗ ngaya, Ndo nzi pèc pècèk; a i jèjèr ma kita ngaya.

Psaumes 34:11

Wud marizhèlèhai, pats ngiɗè ta ngècè skwi azɓai, mi a keɗ ta. Aman ndo man a hèsh Ndo nzi pèc pècèk, skwi nengaʼa a zhè, a hcè azɓai.

Psaumes 63:6

Ndav ga a wuffè, ara hwaɗ man a ngeza a skwi ngraʼa a ma ga a nzal ka a dimèsh.

Psaumes 90:10

Nga nzi a nshèffè nga mvi 70; aman nga hala kumba, a gi mvi 80; nga nzakada a mizlinè a matakwan. Nshèffè nga a ndev tsam-tsam, a hi ara diak man a hai.

Proverbes 22:6

Senda na skwi man ka woy a kra ngaya a ngiaʼa. Te deɓaʼa, ko nhala ma, a jè-keda azɓai.

Proverbes 8:17

Ndo man a woy iyè, i ba i woyaʼa; ndo man a hassyè, a da ngatsyè.

Ecclésiaste 11:2

Kezla skwi ngaya a ri mandalahi ko a gi 7, ko a gi 8, te man ka sun matakwan man a da ga ka, a géɗ herkeda ɓai.

Ecclésiaste 11:8

A vava, ndo man a nzi mvi kumba, amba man a wuffè a géɗ mvi nengaʼa tèlèba. Aman da hur pats man a da nzi te matakwan, ta kumba dai. Skwi man a di a shkè, tèlèba ambalai.

Esaie 26:8

Ko a civèɗ kita ngaya, nga zhèr ka, Ndo nzi pèc pècèk. Ndav ga a woya a shid gèɗ, a slebarde ka.

Lamentations de Jérémie 3:27

Amba, aman ndo a zhüɓ wof nkelawa te daʼai te gol dai.

Daniel 1:17

A golahi nfaɗa sa, Zhiklè a mva ta maya nshin ɗèlèwèr tèlèba, a maya tsaɗ tsaɗ. Daniel a slaha a ngredè skwi man a di a shkè, a ngredè verzi nshunè tsaɗ tsaɗ tèlèba.

Osée 7:9

Ndohi nte verzi ngidè ta cèma na wuɗi nengaʼa, a nengaʼa a sun ɓai.

Luke 1:15

Nengaʼa a gi a ndo mbiaʼa a sam di Bi Zhiklè, a da si zom a skwi man a dè gèɗ azɓai. Ko tʼhwaɗ mam na, Mèzhèɓ Zhiklè nkezlaʼa a nʼndha ndav na.

Luke 18:16

Aman Yèsu a mbaha ta, a ngaɗa: Va-jèk ta wudahai, aman ta shkè a sam ga. Kin gedassa civèɗ tengaʼa ɓai! Aman kokwar Bi Zhiklè a ndohi ara tengaʼa.

Ephésiens 6:4

Kinè babhai, kin poko ta gèɗ auda a wudahi a ndzoan ɓai! Aman va-gre ta, va-ngatsa ta maya, va-ngez ta te Bi Zhiklè!

Deutéronome 8:18

Aman sèi ka hér Ndo nzi pèc pècèk, Zhiklè ngaya; aman nengaʼa a mva ka wuɗai aman ka ngots skwi mèshèlè, aman a gi ara nderzlè-ma nengaʼa man a mpasla ta ri a hi a babhi ngaya, ara man ka ngotso a sam ngaya a patsna.

2 Timothy 3:15

Ka sun ɗèlèwèr Zhiklè daga man ka kra, a nengaʼa a slaha a nslebda ka, a de ka a sam mʼmbel ndo te ncè Yèsu Kristi a ndav.

I Samuel 1:28

Gar haha i ba i cèʼa a i va na a ri Ndo nzi pèc pècèk, a nʼnzi a sam nengaʼa a mèdèp. A ta gurɓahai a sam Ndo nzi pèc pècèk.

I Samuel 16:7

Aman Ndo nzi pèc pècèk a ngaɗa na Samuel: Ndo da ga ka di ɗokɗoka ɓai! Ka hur a géɗ ndo ngurèa ɓai! I woy nengaʼa ɓai. Zhiklè a woy ndo te di azɓai, ara man ndohi ta woyaʼa. Ndohi ta woy ndo te dai; aman Zhiklè a pi di a ndav.

I Samuel 2:18

Samuel a ngu mizlinè Ndo nzi pèc pècèk, gèlèɓi kra, a maslaka Ephod, ntsentsai a va.

I Samuel 2:26

Samuel, gèlèɓi kra, a grè a ma ma, a nʼngots pombai a ma ma a sam Ndo nzi pèc pècèk, a sam ndohai.