Ecclésiaste 10:12 - Ma Zhiklè

¹² Ma man a shkè auda te ma ndo maya, a va na pombai. Aman ma ndo nrzlaʼa a zeda va na.

Ecclésiaste 10:12 ပူးပေါင်းရင်းမြစ်များ

II Samuel 1:16

David a ngaɗa na: Nshèffè ngaya klèng, mali a géɗ ngaya! Ma ngaya a nta ka ɗaf a gèɗ, aman ka gaɗa: I keɗa ndo man Ndo nzi pèc pècèk a bada na mbar a gèɗ.

Job 16:5

ar i va kinè wuɗi a ma genè, a i bid kinè a ma genè.

Psaumes 140:9

Ndo nzi pèc pècèk, ka va na skwi man ndo ambaɓiaʼa a woya ɓai! Ka va na civèɗ a skwi man a woya a ngia ɓai!

Psaumes 37:30

Maya a zhè te ma ndo nzuraʼa, nèʼèn nengaʼa a gèɗè ma nzuraʼa.

Psaumes 64:8

Aman Bi Zhiklè a bar ta a sulom, a nasa nasa a nga ta mblè a va.

Proverbes 10:10

Ndo man a rèɓècè dai, a kuɗofama na ndav a ndo; ndo ntsi tsaval ambalai, a kèlèhai.

Proverbes 10:8

Ndo man maya na zhè, a jèjèr ma nkwèrèʼa; ndo ntsi tsaval ambalai a kèlèhai.

Proverbes 12:18

Ndo ngiɗè a tsi tsaval, a kèlè a ndav a ndo; aman ma ndohi maya a gi a ndav jinèslèʼa.

Proverbes 15:2

Ndohi maya ta gèɗè ma maya, ta tüsh ntishè; aman ndohi nrzlaʼa ta gèɗ ma nrzlè auda flak-flakaʼa.

Proverbes 15:23

Ndo man a sun mbeɗi a ma, a wuffè. Ma man ka gaɗda di na a di na a pi a pa a ndav.

Proverbes 19:5

Ndo malwuɗi ncèkèlma a ngècè kita na. Ndo ncèkèlma a mbelè azɓai, ta gshèʼa.

Proverbes 22:11

Ndo man ndav nzuraʼa, ambaha Zhiklè, a gèɗè ma pombai, a gi a mandal bai.

Proverbes 26:9

Ma maya te ma ndo nrzlaʼa, nara vatak man a dza na ri ndo zom.

Proverbes 31:26

A winè ma, a ma maya a shkè auda; ma nhènèkèa man a senda ka, te ma na.

Ecclésiaste 12:11

Ndo ncèmma Zhiklè a gaɗa: Skwi tèlèba ambalai; skwi ambalai tèlèba. Tèlèba, skwi ambalai! Ndo ncèmma Zhiklè, nengaʼa ndo maya. A senda ta maya a ndohai, maya man a ntsenaʼa, a mwuzhèʼa, a ngoɗ a ngèlègèɗ ma kumba.

Ecclésiaste 4:5

Ndo nrzlaʼa a nza ɓlussaʼa, a gedassa va na a ri na.

Ecclésiaste 5:2

Aman mizlinè a zhè kumba, nshunè a cko na gèɗ a ndo. Lè-mèlèmè a sam nʼnjè ma kumba, ma nrzlè a shkè na va.

Ecclésiaste 5:6

A sam man nshunè kumba, njè ma kumba, skwi ambali kumba. Sèi ka gi zlau Zhiklè!

Ecclésiaste 9:17

Ma man ndohi maya ta gèdè zhèhèd zhèhèdèa, a fena nhèzlèwè bi ndohi nrzlaʼa.

Matthew 12:35

Ndo man amba a cko skwi man amba auda te ndav nengaʼa man amba. Ndo man ambaɓai a cko skwi man ambaɓai auda te ndav nengaʼa man ambaɓai.

Luke 19:22

A nengaʼa a ngaɗa na: I gi kita ngaya, a géɗ ma ngaya, ka ɓèl ambaɓiaʼa! Ka suna, i ndo man wuɗitpa, man i cè skwi a sam man i fa a pa ɓai, i ɓicè skwai a sam man i zleka a pa ɓai.

Luke 4:22

A ndohi tèlèba ta goɗ ngèɗè a nda nengaʼa, a ta rzl ta a géɗ ma man amba man a shkè auda fe ma nengaʼa. A ta gaɗa: Nengaʼa kra Joseph ka ɓi ɗè?

Ephésiens 4:29

Va-gu aman ma ambaɓiaʼa da shkè auda te ma kinè ɓai, sèi ma mbelaw, man a gi aman kin grè a ma ma a vna. Vo-goɗ ma, aman a takaha ta ndohi man ta cinèʼa.

Colossiens 4:6

Va-goɗ te pombi pèc pècèk, wotataʼa ara boma, a kin sun ma man kin mbeɗi a pa a ndo staɗ staɗ tèlèba.