Ecclésiaste 1:13 - Ma Zhiklè

¹³ I huro a maya, i woya a i shindè a i wèrè skwi tèlèba a géɗ herkeda. Mizlinè aranta man Zhiklè a mva ta a ri a ndohai a ta ngézhè a vna, mizlinèʼa wuɗitpa.

Ecclésiaste 1:13 ပူးပေါင်းရင်းမြစ်များ

Genèse 3:19

Ka ngècè movar ngaya a vazaza a va, ha pats man ka men ngaya a deɓa a va mberfcnèk, man i ce ka te pa. Ka mberfenèk, a ka min ngaya a deɓa a va mberfenèk.

Job 28:3

Ndohi ta pi kuma a ruva. Ta wuzhè herkeda a ta ri kwa te vèvèɗ te ruva.

Psaumes 111:2

Skwi man Ndo nzi pèc pècèk a giaʼa, skwi mbiaʼa; ta tèlèba man ta wuffè a géɗèʼa, ta hérè a géɗèʼa.

Proverbes 18:1

Ndo man a nzi a géɗ na, a hesh skwi man ndav na a woyaʼa, a gi ndav a géɗ ndo nʼngra na maya.

Proverbes 18:15

Ndav ndo maya a woya a nshindè skwai, zlembaɗ ndohi maya a woya a nci-nè verziaʼa zuraʼa.

Proverbes 23:26

Kra ga, vay ndav ngaya, pu di a civèɗ ga!

Proverbes 25:2

Nʼnjèl Ndo nzi pèc pècèk a nghédè skwai; nʼnjèl bai a wuzhè skwai.

Proverbes 4:7

Maya a hinè te skwi haha: ngots maya, gau aman a ka sun skwai, a nda skwi man ka ngotso tèlèba.

Ecclésiaste 1:17

Ndav ga a woya a shin verzi maya, a woya a sun verzi nrzlè a verzi madaɗau. Aman i suna: Ko nengaʼa ba nara nhi a gerzi kozlar.

Ecclésiaste 11:5

Ka sun sam man kozlar a dè a pa ɓai, ka sun ara man kra agrè tʼhwaɗ mam na ɓai, lèmèlèmè ka sun mizlinè Zhiklè man a gi skwi tèlè ɓai.

Ecclésiaste 12:12

Ndo ncèmma a hos ma man amba zhummaʼa a ndav, a windo ma zuraʼa tsarayaʼa.

Ecclésiaste 2:23

Pats nshèffè tèlèba sèi matakwan, sèi nlèyè, ko a vaɗ ndav nengaʼa a mènèhi azɓai. Ko skwi haha, skwi ambalai.

Ecclésiaste 2:26

Zhiklè a va na maya, a nshin skwai, a mwuffe, a ndo man ambaha. Aman ndo malai, sèi a ɓicè skwai, a hèyè skwai, te deɓaʼa Zhiklè a cèma na, a va na ndo man ambaha. Ko skwi haha, skwi ambalai, nara nhi a gerzi kozlar.

Ecclésiaste 3:10

I rkaʼa, Zhiklè a mva ta mizlinè mwuɗitpa a ri a ndohai, a ta si matakwan te pa.

Ecclésiaste 3:11

Skwi tèlèba a ngau tiɗè samaʼa, tiɗè samaʼa, a ngra ta man tiɗè samaʼa; aman skwi man Zhiklè a ngau tʼhinèkaɗ na, ha ndikèma skwai, ndo a slaha a nshin tèlè ɓai.

Ecclésiaste 4:4

A i rka mizlinè tèlèba man ndo a geda matakwan a va a vna; skwi tèlèba, sèi srak genè, ngiɗè a gi srak a géɗ ngiɗè, ngiɗè a gi srak a géɗ ngiɗè. Ko skwi haha, skwi ambalai, nara nhi a gerzi kozlar.

Ecclésiaste 4:8

Ndo ngiɗè a nza a géɗ na, gwoli na azɓai, kra na azɓai, kramam na azɓai. A gi mizlinè pèc pècèk, ndikèmaʼa azɓai. Skwi mèshèlè a shilè na ɓai. I gi mizlinè a i si matakwan a géɗ ngè? Ko skwi haha, skwi ambalai, mizlinè mwuɗitpa.

Ecclésiaste 7:25

I huro, i woy a i shin skwai, a i wuzhèʼa, a i jèjèr maya te ndav, a maya te gèɗ; a i ngotso: malai, skwi nrzlaʼa, a nrzlè a zedama na gèɗ a ndo.

Ecclésiaste 8:9

Skwi haha tèlèba i rkaʼa, aman i pu dai, skwi tèlèba man ndohi ta gu a géɗ herkeda. Tidè sama ma, ngiɗè a gi bi a géɗ ngiɗè, a woya a ga na skwi ambaɓiaʼa.

1 Timothy 4:15

Hur skwi haha a maya maya, do a pa a nshèffe ngaya tèlèba, aman ndohi tèlèba ta rka ara man ka grè a ma ma.