Deutéronome 7:8 - Ma Zhiklè

⁸ aman a géɗ man Ndo nzi pèc pècèk a woy kinè, a ngu ara man a mbaɗa ta babhi kinè; a nhelka kinè auda a ri man wuɗi na zhè, a mpreka kinè auda te gi ɓèlè, te gi Pharaon, bi Egypte.

Deutéronome 7:8 ပူးပေါင်းရင်းမြစ်များ

Genèse 19:16

Aman a ngu ndudoh dai, ngurhi ta gso riaʼa, a ngwoz na, a dalahi na cèw, a ta ngazl ta, a ta jèke ta a dal kokwar, te man ta si Ndo nzi pèc pècèk te va.

Genèse 19:29

Aman Bi Zhiklè a ngedassa kokwar haha a vara, a nhur Abraham, a mda Lot auda a sam ngedassaʼa; aman sam nʼnzi Lot, a ngedassaʼa te pa.

II Samuel 22:20

a ndyè auda a dala, a mprekay auda, a géɗ man i ambaha.

I Rois 10:9

I shid gèɗ a Ndo nzi pèc pècèk, Zhiklè ngaya, man a va ka pombai, a nʼnzede ka a gèɗ sam nʼnzi bi Israel a mèdèp, a nfe ka a bai a ka gi kita zuraʼa.

I Chroniques 16:16

ma man ta derzla a Abraham, ma man a mbaɗa na Isaac.

II Chroniques 9:8

I shid gèɗ a Ndo nzi pèc pècèk, Zhiklè ngaya, man a va ka pombai, a nʼnzede ka a géɗ sam nʼnzi bi Israel, a fe ka a bai Ndo nzi pèc pècèk, Zhiklè ngaya. A géɗ man Zhiklè a woy Israel, a woya aman a nzi a ma ma, a nfe ka a bai a géɗ nengaʼa, a ka gi kita zuraʼa.

Psaumes 105:42

Te man nengaʼa a hur ma nengaʼa nkezlaʼa, man a va na Abraham, ɓèl na.

Psaumes 44:3

Ka hul ndohi kokwar ngiɗè a ka pe ta a sam ngiɗè. Ka gedassa kokwar-bihai a ka venda ta gèɗ, a ta zlazlam ta.

Psaumes 44:4

Ta dum kokwar a tsakwal ta ka ɓai, ta ga ngula a wuɗi ta ka ɓai; aʼai, sèi a ri ngaya, ri mandi ngaya a ngau. Di ngaya a nhela ta sam, a gèɗ man ka woy ta.

Exode 13:14

Aman kra nguraʼa a da dzhaɗ ka pats ngiɗè: Verzi skwi haha a ngra nga mè? Ka da mbeɗa na a ma: Ndo nzi pèc pècèk a nhelka nga auda te kokwar Egypte, te gi ɓèlè, a wuɗi ri nengaʼa.

Exode 13:3

A Moise a ngaɗa ta ndohai: Va-hur pats man kin shkè auda te kokwar Egypte, te gi ɓèlè. Ndo nzi pèc pècèk a nhelka kinè auda te pa a wuɗi ri nengaʼa. Nga ndi movar man skwi nshégèrè a te di bai, a pats sa.

Exode 20:2

Iyè Ndo nzi pèc pècèk, Zhiklè ngaya, man i cka ka auda te herkeɗa Egypte, te gi ɓèlè ngaya.

Exode 32:13

Hur bèlèlihi ngaya, Abraham, Isaac a Israel, aman ka mbada ta a ma ngaya, a ka gada ta, i woya man i ga kinè tser a vata, a kin mènè a vata, ara bantihai te gidfèk, a kokwar haha tèlèba, man i gada i da va kinè, i woy a i va ta ndohi verzi kinè a mèdèp.

Exode 6:6

Gar haha gada ta ndohi Israel: I Ndo nzi pèc pècèk, i woy a i helka kinè auda te mizlinè bèlè te kokwar Egypte, a i mbel kinè auda te ɓèlè kinè, i tèr ri ga a i preka kinè auda te ɓèl kinè, a i ga ta kita mbiaʼa.

Esaie 43:4

A géɗ man ka ara skwi man gani a pa kumba a sam di ga, skwi mbe-laʼa, a i woy ka a ndav ga, i vi kokwar-bi-hai a géɗ ngaya, a ndohi herkeda te di nshèffè ngaya.

Esaie 63:9

Ndo sak ka ɓai, gol Zhiklè ka ɓai, man a mbel ta; nengaʼa a ri na. Nenga a ri na a sumka ta a deɓa, te mwoy-ndo nengaʼa man ta sia te va. A wara ta dai, a mɓerka ta daga zlèzlèʼa.

Jérémie 31:3

Ndo nzi pèc pècèk a ngudoko ta va a di dra. I woy ka a ndav a mèdèp; gar haha i va ka pombai a ma ma.

Ezéchiel 36:22

Gar haha gaɗa ta ndohi Israel: Bi Zhiklè a goɗ ar haha: Skwi man i giaʼa, a gi a géɗ kinè ka ɓai, ndohi Israel; aman a géɗ nzlembaɗ ga nkezlaʼa, man kin derɗaʼa te ndev ndohi herkeda man kin nzakaɗa sam ta.

Michée 6:4

I helka kinè auda te kokwar Egypte, i preka kinè auda te gi ɓèlè, a i zlinda Moise, Aaron a Miriam a sam kinè.

Michée 7:20

Ka lèɓèslè a sam Jacob, ka va na pombai a Abraham, ara man ka pasla ta ri a babhi nga zlè-zlèzlèʼa.

Sophonie 3:17

Ndo nzi pèc pècèk, Zhiklè ngaya, a zhè te ndev kinè, nengaʼa ngulaʼa, man a mbél ndo. A wuffè kumba a géɗ ngaya, a woy ka zaʼa, mwuffe na a géɗ ngaya ara pats ngolala.

Mal. 1:2

Te va nasa i woy kinè, Ndo nzi pèc pècèk a gaɗa. A kin jhèɗèʼa: Ka woy nga te mè? Esau kramam Jacob ka ɓi ɗè? Ndo nzi pèc pècèk a gaɗa. Ko ar haha i woy Jacob,

Matthew 11:26

Halau, Bab ga, aman arsa ambaha ka.

Luke 1:55

Abraham a wud na ta sia te va a mèdèp, ara man a gaɗa ta bababhi nga.

Romans 11:28

A sam mizlinè ma mbelaʼa, ndohi Juif ara mayamhi Zhiklè a géɗ kinè. Aman a géɗ pombi Zhiklè man a par ta, ta mandala, a géɗ bababhi ta.

Deutéronome 1:8

Na haha, i va kinè kokwaraʼa, vo-do, va-duma kokwar man Ndo nzi pèc pècèk a mpasla ta ri a babhi kinè a mbèdè, a gaɗa i da va ta a Abraham, Isaac, a Jacob, a ndohi te verzi ta.

Deutéronome 10:15

Aman Ndo nzi pèc pècèk a ngwodko ndav a sam babhi kinè genè, a woy ta, a mparka ta ndohi te verzi tengaʼa auda – nasa kinè – te ndev ndohi herkeda tèlèba, ara man kin ngotso a patsna.

Deutéronome 23:6

Ka paha ta di ɓai, ko ta wèl va, ko ta nzi a gumai, a pats nshèffè ngaya tèlèba a mèdèp.

Deutéronome 33:3

A vava nengaʼa a woy ndohi herkeda, ndohi nengaʼa nkezlaʼa tèlèba ta te ri nengaʼa; ta nzi a sam sak ngaya, ta cinè ma ngaya.

Deutéronome 4:20

Aman kinè, Ndo nzi pèc pècèk a mpar kinè auda, a nhel kinè auda te gezla, te kokwar Egypte, a kin ndi a skwi na, ara man kin giaʼa a patsna.

Deutéronome 4:34

Man ɓai, Zhiklè man a shkè a sam ndohi na, a helka ta auda te va ndohi herkeda ngidè, a skwi man a njkede ta, a skwi man a ngreda auda, a nrkedai, a var, a ri nengaʼa man wuɗi na zhè, a ngeda ri na, a ngu skwi mbiaʼa, wuɗitpa, ara man Ndo nzi pèc pècèk, Zhiklè kinè, a gau tèlèba a sam di kinè, a géɗ kinè, te kokwar Egypte, ngidè a zhi dè?

Deutéronome 4:37

A gèɗ man a woy babhi kinè, a mpar ta ndohi te verzi tengaʼa auda, a nhelka kinè auda te kokwar Egypte, nengaʼa a ri na, a wuɗi nengaʼa mbiaʼa.

Deutéronome 5:6

Iyè Ndo nzi pèc pècèk, Zhiklè ngaya, man i cka ka auda te herkeda Egypte, te gi ɓèlè ngaya.

1 John 4:19

Nga woyaʼa, te man nengaʼa a nwoy nga nshèlèkuraʼa.

I Samuel 12:22

Ndo nzi pèc pècèk a da kwol ta ndohi nengaʼa azɓai, a géɗ nzlembaɗ nengaʼa mbiaʼa, te man ambaha Ndo nzi pèc pècèk, aman a ge kinè a ndohi na.