Deutéronome 7:6 - Ma Zhiklè

⁶ Aman kinè ndohi nkezlaʼa a sam Ndo nzi pèc pècèk, Zhiklè ngaya. Kinè man Ndo nzi pèc pècèk a mpar kinè auda a kin gi a ndohi na te va ndohi herkeda ngidè tèlèba.

Deutéronome 7:6 ပူးပေါင်းရင်းမြစ်များ

I Rois 3:8

I zhè a sam ndohi man ka par ta, ndohi kumba holholaʼa, man ndo a slaha a nʼnger ta ɓai, a m winde ta ɓai.

Esdras 9:2

Ta hul te va dalahi tengaʼa a ngwozi ta, a ngwozi wudahi ta, a verzi ndohi Zhiklè nkezlaʼa ndzakaɓa a ndohi nte deɓa. Tsuvom ndohai a ndohi kita ta hüno mali sa.

Psaumes 114:2

Juda nʼngaʼa a sam nengaʼa nkezlaʼa; Israel nʼngaʼa a kokwar-bi na.

Psaumes 135:4

Ndo nzi pèc pècèk a nʼngotsko Jacob auda, a nʼngotsko Israel auda a skwi na.

Psaumes 50:5

Va-ɓücko ndohi nengaʼa man ta gi zlauaʼa, man ta derzla ma a nengaʼa te skwi man ta va na.

Exode 6:7

I woy a i par kinè a ndohi ga, a i gi a Zhiklè kinè, a kin da suna, i Ndo nzi pèc pècèk, Zhiklè kinè, man a pre kinè auda te mizlinè ɓèlè man a nzala kinè te kokwar Egypte.

Esaie 41:8

Aman ka, Israel, ɓèl ga! Jacob man i ngotskoɗauda, ka te verzi Abraham, mandal ga.

Esaie 41:9

Ka man i cka ka te verzi herkeda, man i baha ka te man a tsagi herkeda, a i gada ka: Ka ɓèl ga. I ngatska ka auda, i kwol ka ɓai.

Esaie 6:13

Te skwi kula, njèkè skwi staɗ te pa ɗè? Aman te skwi kula skwi staɗ njèkaha, a di a gédèshè zaʼa, lèmèlèmè ara wof man tajèkeda go-doraʼa a pa, lèmèlèmè ara wof lakalak man ta ngelaʼa a ta jèkeda godozlomaʼa a pa. Godozlom nengaʼa, tser ndohi nkezlaʼa.

Esaie 62:12

A ta da baha ta ‘ndohi Zhiklè nkezlaʼa’, ‘ndohi man Ndo nzi pèc pècèk a sumka ta a deɓa’. Ka, ta da baha ka: ‘Kokwar man ta has ka’, ‘kokwar man ta da jèke ka azɓai a mèdèp’.

Jérémie 2:3

Te va nasa, Israel a Ndo nzi pèc pècèk, tsuvom skwi na. Ndo man a ndedama, sèi a pil gèɗ, matakwan a nʼnga na, Ndo nzi pèc pècèk a gaɗa.

Ezéchiel 20:5

Gada ta: Bi Zhiklè a goɗ ar haha: A pats man i ngotsko Israel auda, i mbaɗa ta ndohi te verzi Jacob, a ri ngeda te zhiklè, i gudoko ta va a dai te kokwar Egypte, a i mbaɗa ta, a ri ngeda te zhiklè, a i gaɗa: Iyè Ndo nzi pèc pècèk, Zhiklè kinè.

Lèv. 20:24

Aman a kinè, i gada kinè: Kin da ngècè kokwar tengaʼa a kokwar kinè. Iyè a ri ga i da va kinè; kokwar man wa a vongwom ta hi te pa. Iyè, Ndo nzi pèc pècèk, Zhiklè kinè, man i parka kinè auda te va ndohi herkeda.

Lèv. 20:26

Sèi kin kezla a sam ga, te man iyè, Ndo nzi pèc pècèk, i kezla, a i parka kinè auda te va ndohi herkeda, a kin ndi a ndohi ga.

Amos 3:2

I parka kinè auda staɗgenè te va ndohi herkeda tèlèba, kinè genè. A géɗ nengaʼa, i ga kinè kita a géɗ mali kinè tèlèba.

Mal. 3:17

Zhiklè bi mbiaʼa a gaɗa: Tengaʼa a ga ga; a pats kita ga, ta da siyè te va, ara man kra man a gi mizlinè a sam bab na a si bab na te va.

Actes 13:17

Bi Zhiklè ndohi Israel, a mpar ta babahi nga, a nʼnzal ta ndohi man ta nza te mbrok te kokwar Egypte, a nde ta auda te kokwar sa a wuɗi na.

Romans 9:4

Tengaʼa wud Israel. Nʼnjèlè a nderzlè-ma Zhiklè a tengaʼa; ta ngots ma kita, a mizlinè Zhiklè a ma mpèsl rai.

Deutéronome 14:2

Aman kinè ndohi nkezlaʼa a sam Ndo nzi pèc pècèk, Zhiklè kinè. Kinè man Ndo nzi pèc pècèk a ngatska kinè auda, aman kin ndi a ndohi na, te ndev ndohi herkeda tèlèba man a géɗ herkeda.

Deutéronome 14:21

Skwi mʼmets mʼmetsai kin ndau ɓai! Va na ndo mbrok te kokwar ngaya, man ɓai pra na ndo man verzi na tsaɗ! Aman kinè ndohi nkezlaʼa a sam Ndo nzi pèc pècèk, Zhiklè ngaya. Kin tau kra ɓok te wa mam na ɓai!

Deutéronome 26:18

A patsna Ndo nzi pèc pècèk a ngaɗa ka aman ka pasla na rai, aman ka da ndi a ndohi na, a skwi na, ara man a gaɗa ka. A ka da jèjèr ma nkwèr nengaʼa tèlèba.

Deutéronome 26:19

Aman te va ndohi herkeda tèlèba man a gau, a va ka nʼnjèl mbiaʼa man a fena ngidè, a mbi ngaya, a labar ma ngaya man amba, a ka da gi a ndohi nkezlaʼa a sam Ndo nzi pèc pècèk, Zhiklè ngaya, ara man a gaɗa ka.

Deutéronome 28:9

Ka gi a ndohi nkezlaʼa a sam Ndo nzi pèc pècèk, ara man a mbaɗa, aman ka da jèjèr ma nkwèr Ndo nzi pèc pècèk, Zhiklè ngaya, a ka dè a civèɗ nengaʼa.

Deutéronome 33:3

A vava nengaʼa a woy ndohi herkeda, ndohi nengaʼa nkezlaʼa tèlèba ta te ri nengaʼa; ta nzi a sam sak ngaya, ta cinè ma ngaya.

Deutéronome 4:20

Aman kinè, Ndo nzi pèc pècèk a mpar kinè auda, a nhel kinè auda te gezla, te kokwar Egypte, a kin ndi a skwi na, ara man kin giaʼa a patsna.

Deutéronome 4:37

A gèɗ man a woy babhi kinè, a mpar ta ndohi te verzi tengaʼa auda, a nhelka kinè auda te kokwar Egypte, nengaʼa a ri na, a wuɗi nengaʼa mbiaʼa.

Titus 2:14

Yèsu, man a vau va na a géɗ nga, aman a preka nga auda te mali tèlèba, a pènè ndav ndohi nengaʼa, a ta gi gazawa a géɗ mizlinè man amba.

1 Peter 2:9

Kinè verzi ndohi man Zhiklè a baha kinè, ndohi mvi skwi a Zhiklè, Bi mbiaʼa; kinè ndohi halaʼa, ndohi man a kwor ta. Kinè skwi nslébèrdè nengaʼa, man a baha kinè auda te ruva a sam nhél sam nengaʼa mbelaʼa.

2 Peter 2:5

Zhiklè a mɓera ndohi zlèzlèa ɓai (sèi Noé, ndo njè ma ngi-zuraʼa, nte verzi ma tsam a kaɗaʼa), a ngoko iyam mbiaʼa a géɗ ndohi herkeda, man ta woy civèɗ Zhiklè ɓai.

2 Peter 2:9

Bi Zhiklè a suna, ara man a slaha a mpre ta ndohi man ta woy civèɗ na, auda te skwi man a pe ta a wai, ara man a pe ta ndohi nzura ka ɓai, a hai, ha pats kita, aman a da ga ta kita.

I Samuel 12:22

Ndo nzi pèc pècèk a da kwol ta ndohi nengaʼa azɓai, a géɗ nzlembaɗ nengaʼa mbiaʼa, te man ambaha Ndo nzi pèc pècèk, aman a ge kinè a ndohi na.