Deutéronome 6:2 - Ma Zhiklè

² a kin gi zlau Ndo nzi pèc pècèk, Zhiklè kinè, te nshèffè kinè tèlèba, a kin jèjèr ma nkwèr nengaʼa, a ma kita nengaʼa tèlèba, man i njè kinè a wudahi kinè, a wud wudahi ngaya, a kin nzi a nshèffè a vata.

Deutéronome 6:2 ပူးပေါင်းရင်းမြစ်များ

Genèse 18:19

I ngotskoɗauda te va ndohai, aman a nfa ta ma a gèɗ a wudahi nengaʼa, a gi nengaʼa, aman ta jè-jèr civèɗ Ndo nzi pèc pècèk, a ta gi zuraʼa, a ta til kita, a Ndo nzi pèc pècèk a nʼnga na Abraham, ara man a pasla na rai.

Genèse 22:12

A Zhiklè a ngaɗa: Jèkeda kra ngaya, ka lama na ɓai! Aman antanta i suna, ka gi zlau Zhiklè. Ko kra ngaya staɗgenè, ka jèkaha a sam ga ɓai.

I Rois 8:40

A ta da gi zlau ngaya a pats nshèffè tengaʼa tèlèba tʼherkeda man ka va ta a babhi nga.

Job 28:28

A ngaɗa na ndo: Ngi zlau Bi Zhiklè, nasa maya. Njèkè malai, nasa nshin skwai.

Psaumes 111:10

Maya a hinkaɗi te ngi zlau Ndo nzi pèc pècèk. Ndohi man ta gi arsa, ta gu amba. Nʼnjèl nengaʼa a nzi a mèdèp.

Psaumes 128:1

Dimèsh ndè a gi Zhiklè. Mwuffè a sam ndo wawa man a gi zlau Ndo nzi pèc pècèk, a ndè a civèɗ nengaʼa.

Psaumes 91:16

I da va na nshèffè man a dè a ma ma, ha a ngeza na, a i ngra na skwi mʼmbel ndo ga.

Exode 20:12

Slubordo bab ngaya a mam ngaya, a nderɗa ka pats nshèffè ngaya man Ndo nzi pèc pècèk a woya a mva ka, a ma ma tʼherkeda.

Exode 20:20

A Moise a ngaɗa ta ndohai: Kin gu zlau bai, aman Zhiklè a shkè, aman a njkede kinè genè, a zlau Zhiklè a nʼnzi a ndav kinè, a kin da gi mali asaɓai.

Proverbes 16:6

A pombai, a gumai, mali a prèʼa, a ndo man a gi zlau Ndo nzi pèc pècèk a jèkeda skwi man ambaɓai.

Proverbes 3:16

Nshèffè man a nzi dai, nte ri mandi nengaʼa; skwi mèshèlè a nʼnjèlè nte ri gula nengaʼa.

Proverbes 9:11

A géɗ ga, pats nshèffè ngaya ta gi a vata, a ta pa na a va mvi nshèffè ngaya.

Ecclésiaste 12:13

Ma ndohi maya nara tsakwal. Ngèlègèɗ ma tengaʼa nara sulom. Ndo mɓer ta staɗ a mvau.

Jérémie 32:39

I da va ta ndav staɗ, civèɗ staɗ, a ta gi zlau ga pèc pècèk, a manam ta a zhè, a manam wudahi te verzi ta.

Ezéchiel 20:19

Iyè Ndo nzi pèc pècèk, Zhiklè kinè! Va-dzodzor ma nkwèr ga, va-gu ara man ma kita ga a gaɗa.

Luke 12:5

Aman i woya man i ngra kinè nengaʼa man sèi kin gi zlauaʼa: va-gu zlau nengaʼa, man te deɓ man a keɗe kinè, a slaha man a kalda kinè a vogwa kita. Halau, i gaɗa kinè, va-gu zlau nengaʼa!

Deutéronome 10:20

Sèi ka gi zlau Ndo nzi pèc pècèk, Zhiklè ngaya, a ka gi mizlinè nengaʼa, ka gshè va a vna, a ka mbèɗè a nzlembaɗ nengaʼa.

Deutéronome 11:9

a kin da nzi a ma ma tʼherkeda man Ndo nzi pèc pècèk a mbaɗa ta babhi kinè, aman a da va ta, a ndohi te verzi tengaʼa, kokwar man wa a vongwom a hi te pa.

Deutéronome 13:4

Sèi ka jèjèr Ndo nzi pèc pècèk, Zhiklè ngaya, a ka gi zlau nengaʼa, a ka gi ara ma nkwèr nengaʼa a gaɗa, a ka tsena daʼa nengaʼa, a ka gso va a vna!

Deutéronome 15:5

Aman sèi ka fi gèɗ a ma Ndo nzi pèc pècèk, Zhiklè ngaya, a ka gi skwi tèlèba ara man a gaɗa ka te ma nkwèr man i ngra ka mbelembela a patsna.

Deutéronome 22:7

hul wuda genè, a ka da nzi a mwuffè, a kaʼnzi a ma ma te nshèffè ngaya.

Deutéronome 30:19

A patsna giɗfèk a herkeda malwuɗihi ga: i ngra ka nshèffè a mʼmetsai, mpshè ma a ma mphomdaʼa. Ngotsko nshèffè auda! – a ka da nzi a nshèffè, ka a ndohi te verzi ngaya,

Deutéronome 30:20

a ka woy Ndo nzi pèc pècèk, Zhiklè ngaya, a ka fi gèɗ a daʼai nengaʼa, a ka gshè va a vna. Aman nshèffè ngaya a hün te pa; a Zhiklè a da nderɗa ka pats nshèffè ngaya a ma ma. Aranta ba ka da nzi te kokwar man Ndo nzi pèc pècèk a mbaɗa a da va ta babhi ngaya, Abraham, Isaac a Jacob.

Deutéronome 4:10

Va-huro pats man kin zlatsa a sam di Ndo nzi pèc pècèk, Zhiklè kinè, a der za Horeb, aman Ndo nzi pèc pècèk a gaɗayè: ɓic ta ndohai, a i njè ta ma ga, a ta slebi ngi zlau ga a pats nshèffè ta tʼherkeda tèièba, a ta slebda ta wudahi ta.

Deutéronome 4:40

Kin da jèjèr ma nkwèr nengaʼa, a ma man a njè kinè a gèɗ, man i gaɗa kine a patsna, a kinè a wudahi kinè kin nzi amba amba, a kin nzi dai tʼherkeda man Ndo nzi pèc pècèk, Zhiklè kinè, a va kinè a mèdèp.

Deutéronome 4:9

Aman vo-huro, va-gu maya, a gèɗ nshèffè kinè! Skwi man kin rkaʼa, da pca kinè a gèɗ ɓai, da shkè auda te gèɗ kinè ɓai, a pats nshèffè kinè tèièba. Kin njè ta wudahi kinè, a wud wudahi kinè.

Deutéronome 5:16

Slubordo bab ngaya a mam ngaya, ara man Ndo nzi pèc pècèk, Zhiklè ngaya, a njè ka, a da nderɗa ka pats nshèffè ngaya man Ndo nzi pèc pècèk a woya a mva ka, a ma ma tʼherkeda.

Deutéronome 5:33

Va-dzodzor civèɗ man Ndo nzi pèc pècèk, Zhiklè kinè, a ngreda kinè, zuraʼa a kin nzi a nshèffè, a kin nzi a vata te kokwar man kin da kwèrèʼa.

Deutéronome 6:1

Na haha ma nkwèr kinè, a ma man a de kinè, a ma kita, man Ndo nzi pèc pècèk a gaɗayè aman i senda kinè, aman kin jèjèrèʼa, te kokwar man kin da dè a pa, a kin da kwèrèʼa;

Deutéronome 6:24

A Ndo nzi pèc pècèk a ngaɗa nga, aman nga dzodzor ma nkwèr haha tèlèba, aman nga gi zlau Ndo nzi pèc pècèk, Zhiklè nga, a nga nzi amba amba pèc pècèk, ara man kin ngotso a patsna.

Deutéronome 6:7

a ka fa ta a gèɗ a wudahi ngaya; ka gaɗa ta man ka nza te gai, man ka dè a civèɗ, man ka manatʼhai, man ka slèmbèdè.

Josué 4:24

A ndohi a gèɗ herkeda tèlèba da suna, wuɗi ri Ndo nzi pèc pècèk a zhè, a kin gi zlau Ndo nzi pèc pècèk, Zhiklè kinè, a mèdèp.

1 Peter 1:17

Aman kin baha na nengaʼa, man a pèr ndo a mpèrè a sam kita azɓai: ‘Bab nga’, va-nza a maya te nshèffè kinè a zlau, man kin tʼherkeda dai.