Deutéronome 5:4 - Ma Zhiklè

⁴ Ndo nzi pèc pècèk a ngaɗka kinè te va vogwa, a géɗ za, ndaz-ndazaʼa.

Deutéronome 5:4 ပူးပေါင်းရင်းမြစ်များ

Exode 19:9

A Ndo nzi pèc pècèk a ngaɗa na Moise: Na haha i da shkè a sam ngaya te va vanai ngalngalaʼa, a ndohi ta da tsena, aman nga gèɗè a ka, a ta da fi gèɗ a ka a mèdèp. A Moise a mʼmenda ta ma Ndo nzi pèc pècèk a ndohi Israel.

Exode 20:1

Bi Zhiklè a ngoɗ ma haha tèlèba, a ngaɗa:

Exode 33:11

A Ndo nzi pèc pècèk a ngaɗa na Moise, ta peda di a iyam di iyam dai, ara man ta goɗ a mandai na. Te deɓaʼa Moise a mʼmèn na a deɓa a sam man ta geda gi ta a pa. Josué, ndo ntakaha, kra Nun, gola, a njèkeda gi nkezlaʼa ɓai.

Nombres 12:8

I gèɗè a nengaʼa te ma kwakwaʼa, te nshunè ka ɓai, a njkedè ndo ka ɓai. A nengaʼa a rka Mèzhèɓ Ndo nzi pèc pècèk! Kos kin ga zlau ɓai a kin ga na ma a va Moise, ɓèl ga, èhèmè?

Nombres 14:14

A ndohi kokwar haha ba tèlèba ta suna, ka Ndo nzi pèc pècèk ka zhè a sam ndohi ngaya haha, ka gudoko ta va a dai, ka Ndo nzi pèc pècèk, man vani ngaya a nzi a sam ta, man ka dè a ma tengaʼa te va vanai a pats, a vaɗ te va vogwa.

Deutéronome 34:10

Te deɓaʼa ndo nhadka ma te Israel ara Moise asaɓai, nengaʼa man a sun Ndo nzi pèc pècèk, ta peda di a ma ma.

Deutéronome 4:12

Te deɓaʼa Ndo nzi pèc pècèk a ngaɗka kinè te va vogwa. Kin tsena daʼai nengaʼa, aman kin rka nengaʼa ɓai. Sei ngèɗè nengaʼa genè!

Deutéronome 4:15

Va-gu maya a gèɗ nshèffè kinè! Kin rka ndo ɓai, kin tsena man a gaɗka kinè genè, a pats man Ndo nzi pèc pècèk a ngaɗa kinè a der za Horeb, te va vogwa.

Deutéronome 4:33

Ndohi man ta tsena daʼai Zhiklè man a gèdè te va vogwa, ara man kin tsenaʼa, a ta nza a nshèffè, ta zhi dè?

Deutéronome 4:36

A ngaɗka kinè te zhiklè te gédèʼa, aman a senda kinè. A nʼngra kinè vogwa nengaʼa tʼherkeda, a kin tsena ma nengaʼa te va vogwa.

Deutéronome 5:22

Ma haha. Ndo nzi pèc pècèk a ngaɗka ta mpi ndohi kinè tèlèba a géɗ za, te va vogwa, te va vanai, te va ruva, a daʼai nslhaʼa, ma ngiɗè ka ɓai. A mwindkoɗa adeɓ kwa cèw, a mvokoyè.