Deutéronome 5:2 - Ma Zhiklè

² Ndo nzi pèc pècèk, Zhiklè nga, a nderzla ma a nda nga, a der za Horeb.

Deutéronome 5:2 ပူးပေါင်းရင်းမြစ်များ

II Rois 17:35

Ndo nzi pèc pècèk a nderzla ma a nda ta, a njè ta ma a gèɗ, a ngaɗa: Kin tsu ri a zhiklèhi ngiɗè ɓai, kin gurɓahi a sam tengaʼa ɓai, kin dzodzor tengaʼa ɓai, a kin va ta skwi ɓai!

Exode 19:1

Te ki mamakaraʼa, te deb man ndohi Israel ta jèkeda kokwar Egypte, a pats nasa, a ta shkè a hèshèkèɗ Sinai.

Exode 24:8

Te deɓaʼa Moise a nco pombaz, a nguca ta a va ndohai, a ngaɗa: Na haha Pombaz nderzlè-ma, man Ndo nzi pèc pècèk a derzla a nda kinè, a géɗ ma nengaʼa haha tèlèba.

Exode 34:10

A Ndo nzi pèc pècèk a ngaɗa na: Na haha nga derzla ma a ka: I woy a i gi nrkedi a sam ndohi ngaya tèlèba, ara man nʼnga bai zlèzlèa, a géɗ herkeda tèlèba, a sam ndohi ngiɗè tèlèba; a ndohi tèlèba man ka zhè a sam ta, ta da rka skwi man Ndo nzi pèc pècèk a giaʼa. Aman i da gi skwi mwuɗitpa a sam ngaya.

Jérémie 11:4

Ma nderzlè-ma man i va ta babhi kinè a pats man i helka ta auda te kokwar Egypte, te gezla, a i gaɗa ta: Va-tsena ma ga, va-gu skwi haha tèlèba man i njè kinè, a kin gi a ndohi ga, a iyè i gi a Zhiklè kinè,

Jérémie 31:32

Nderzlè-ma lèmèlèmè ara man a babhi ta ka ɓai, a pats man i hel ta, a i de ta auda te kokwar Egypte, tengaʼa man ta dzodzor nderzlè-ma ga ɓai, ko i bi ta, Ndo nzi pèc pècèk a gaɗa.

Jérémie 34:13

Iyè, i derzla ma a babhi kinè a pats man i helka ta auda te kokwar Egypte, te gi ɓèlè a i gaɗa:

Mal. 4:4

Va-hur ma kita Moise, ɓèl ga, man i va na ma kita a ma nkwèr ndohi Israel tèlèba te za Horeb.

Deutéronome 1:6

Ndo nzi pèc pècèk, Zhiklè nga, a ngaɗa nga a der za Horeb: Kin nza a der za haha kumba.

Deutéronome 29:1

Na haha ma nderzlè-ma man Ndo nzi pèc pècèk a njè na a Moise, man a da va ta ndohi Israel te kokwar Moab, a va nderzlè-ma ngidè man a mva ta a der za Horeb.

Deutéronome 4:13

A ngreda kinè nderzlè-ma nengaʼa, a njè kinè aman kin jèjèrèʼa, ma kula sa, a mwindeda deɓ kwa cèw.

Deutéronome 4:23

Va-gu maya nderzlè-ma Ndo nzi pèc pècèk, Zhiklè kinè, man a derzla ma a nda kinè, da pca kinè a gèɗ ɓai! Kin gu skwi ngidè ara Zhiklè ɓai, kin gu mèzhèɓ skwi ɓai, man Ndo nzi pèc pècèk, Zhiklè kinè, a ngaɗa kinè: kin da gu ɓai!

Deutéronome 5:1

A Moise a mbaha ta mpi ndohi Israel tèlèba, a ngaɗa ta: Ndohi Israel, va-tsena ma nkwèrè, ma nde kinè, man i njè kinè a patsna! Va-sundo, va-gu maya, aman kin jèjèrèʼa!