Deutéronome 4:9 - Ma Zhiklè

⁹ Aman vo-huro, va-gu maya, a gèɗ nshèffè kinè! Skwi man kin rkaʼa, da pca kinè a gèɗ ɓai, da shkè auda te gèɗ kinè ɓai, a pats nshèffè kinè tèièba. Kin njè ta wudahi kinè, a wud wudahi kinè.

Deutéronome 4:9 ပူးပေါင်းရင်းမြစ်များ

Genèse 18:19

I ngotskoɗauda te va ndohai, aman a nfa ta ma a gèɗ a wudahi nengaʼa, a gi nengaʼa, aman ta jè-jèr civèɗ Ndo nzi pèc pècèk, a ta gi zuraʼa, a ta til kita, a Ndo nzi pèc pècèk a nʼnga na Abraham, ara man a pasla na rai.

Psaumes 119:11

I gshè ma ngaya te ndav ga, aman i da gi mali a sam ngaya azɓai.

Psaumes 71:18

Bi Zhiklè, antanta i babgi ma, a mokozlar te gèɗ, ka da jèkyè ɓai! A i njè ta skwi man ri ngaya a gau a ndohi te verzi ga, a i da njè ta wuɗi ngaya, ha ndè a ma wud wuda tengaʼa.

Exode 10:2

A ka njè ta wudahi a wud wudahi ngaya, ara man i ga ta matakwan a ndohi Egypte, a ka njè ta skwi man i ga ta, a kin suna, i Ndo nzi pèc pècèk.

Exode 23:13

Va-ɓür va kinè te skwi tèlèba man i njè kinè a gèɗ. Nzlembaɗ zhiklèhi ngiɗè ka slefu bai, da shkè auda te ma ngaya bai!

Proverbes 1:8

Kra ga, co ma man bab ngaya a ngreda ka; ka kwola ma man mam ngaya a njè ka a gèɗ ɓai!

Proverbes 23:26

Kra ga, vay ndav ngaya, pu di a civèɗ ga!

Proverbes 3:21

Kra ga, maya do do na auda te gèɗ ngaya ɓai! Ɓür maya, hur skwi man a ma;

Proverbes 7:1

Kra ga, ɓüro ma ga, dzodzor ma nkwèr ga!

Esaie 38:19

Ndo man a zhè a nshèffè; sèi ndo man nshèffè na zhè, a nzai ka, lèmèlèmè ara man i gi a patsna. Bab kra a njè ta nlèɓèslè ngaya a wudahi na.

Esaie 42:20

Ka pu di a skwi kumba: aman ka rka skwa ɓai. Ka fu zlembaɗ, a ka tsena ɓai.

Jérémie 17:21

Ndo nzi pèc pècèk a goɗ ar haha: Va-gu maya nshèffè kinè, kin zuɓ skwi a gèɗ a pats nshèk va ɓai, kin shkè a vna a ntamagi Jérusalem ɓai!

Luke 8:18

Va-gu maya maya ara man kin tsenaʼa! Aman a ndo man a ngots skwai, ta da va na a vaʼa. A ndo man a ngatsa skwa ɓai, ta da cèma na skwi ba man a huro, a nʼngotso.

Ephésiens 6:4

Kinè babhai, kin poko ta gèɗ auda a wudahi a ndzoan ɓai! Aman va-gre ta, va-ngatsa ta maya, va-ngez ta te Bi Zhiklè!

Deutéronome 11:19

Va-slebda ta wudahi kinè, va-goɗo, man kinè te gai, man kinè a civèɗ, man kin manatʼhai, man kin slèmbèɗè.

Deutéronome 12:1

Na haha ma ndè kinè, a ma kita kinè, aman sèi kin jèjèreʼa, nlèbèslè te kokwar man Ndo nzi pèc pècèk, Zhiklè babhi kinè, a va kinè, ha kin metsi kinè.

Deutéronome 16:3

Te va ngolala ka ndau movar man nsegaraʼa ɓai, sèi movar nsegarbiaʼa, mʼmèn tsaraɗ, movar nlèyè, a géɗ man kin shkè auda te kokwar Egypte tsam tsam. Gu arsa, a ka hér pats man ka shkè auda te kokwar Egypte pèc pècèk a pats nshèffè ngaya tèlèba.

Deutéronome 17:19

Ma kita haha da zhè a sam na, da jongo te pa a pats nshèffè na tèlèba, aman a slebi zlau Ndo nzi pèc pècèk, Zhiklè nengaʼa, a jèjèrèʼa, a gi skwi tèlèba ara man ma kita haha a ma nkwèr haha a gaɗa.

Deutéronome 29:29

Skwi nʼnghedaʼa sèi Ndo nzi pèc pècèk, Zhiklè nga, a suna; skwi nʼngreda tʼuda, nga a wudahi nga, a nga sun a mèdèp, a nga da gi ara ma kita haha a gaɗa tèlèba.

Deutéronome 31:19

Anai va-windo dimèsh haha. Slebda ta ndohi Israel, va ta a ma tengaʼa, a dimèsh haha da gu a malwudai te ndev ndohi Israel.

Deutéronome 32:46

a ngaɗa ta: Va-fu gèɗ a ma haha man i njè kinè a gèɗ a patsna tèlèba, a kin da njè ta wudahi kinè, a ta gi maya, a ta jèjèrèʼa, ma tèlèba te ma kita haha.

Deutéronome 4:10

Va-huro pats man kin zlatsa a sam di Ndo nzi pèc pècèk, Zhiklè kinè, a der za Horeb, aman Ndo nzi pèc pècèk a gaɗayè: ɓic ta ndohai, a i njè ta ma ga, a ta slebi ngi zlau ga a pats nshèffè ta tʼherkeda tèièba, a ta slebda ta wudahi ta.

Deutéronome 4:15

Va-gu maya a gèɗ nshèffè kinè! Kin rka ndo ɓai, kin tsena man a gaɗka kinè genè, a pats man Ndo nzi pèc pècèk a ngaɗa kinè a der za Horeb, te va vogwa.

Deutéronome 4:23

Va-gu maya nderzlè-ma Ndo nzi pèc pècèk, Zhiklè kinè, man a derzla ma a nda kinè, da pca kinè a gèɗ ɓai! Kin gu skwi ngidè ara Zhiklè ɓai, kin gu mèzhèɓ skwi ɓai, man Ndo nzi pèc pècèk, Zhiklè kinè, a ngaɗa kinè: kin da gu ɓai!

Deutéronome 6:12

gu maya. Ndo nzi pèc pècèk man a ncka ka auda te kokwar Egypte, te gi ɓèlè, da pca ka a gèɗ ɓai!

Deutéronome 6:2

a kin gi zlau Ndo nzi pèc pècèk, Zhiklè kinè, te nshèffè kinè tèlèba, a kin jèjèr ma nkwèr nengaʼa, a ma kita nengaʼa tèlèba, man i njè kinè a wudahi kinè, a wud wudahi ngaya, a kin nzi a nshèffè a vata.

Deutéronome 6:20

Aman pats ngidè kra ngaya a dzhaɗ ka: Ma nkwèrè, ma ndè kinè, ma kita man Ndo nzi pèc pècèk, Zhiklè nga, a mva kinè, a géɗ mè?

Deutéronome 6:7

a ka fa ta a gèɗ a wudahi ngaya; ka gaɗa ta man ka nza te gai, man ka dè a civèɗ, man ka manatʼhai, man ka slèmbèdè.

Deutéronome 8:11

Gu maya, Ndo nzi pèc pècèk, Zhikè ngaya, da pca ka a gèɗ te deɓaʼa ɓai, a ka dzodzor ma nkwèrè, ma kita a ma nde kinè man i njè kinè a patsna!

Deutéronome 8:14

ka da dzugor va ɓai! Ndo nzi pèc pècèk, Zhiklè ngaya, man a helka ka auda te gi bèlè, te Egypte, da pca ka a gèɗ ɓai!

Hébreux 2:1

Gar haha sèi nga gshè va holholaʼa a ma mbelaʼa, man nga tsenaʼa, man ɓai nga da pèkèt nga a zlawa a sam nʼndikèma nga.

Hébreux 2:3

kos nga da mbél te mè, aman nga fi gèɗ a skwi mʼmbel ndo mbiaʼa aranta azɓai. Aman Bai Yèsu a njè nga skwi mʼmbel ndo haha nshèlèkuraʼa a ri na, a ndohi man ta tsenaʼa ta da na va.

Jacques 2:22

Te pa ka rkaʼa, ncè-a-ndav a hümdè a skwi man a gau. Ncè-a-ndav nengaʼa nʼnga jèlèlèʼa te skwi man a gau.

Josué 1:18

Ko wawa man a Sala va a sam ma nkwèr ngaya, a fi gèɗ a ma ngaya a skwi tèlèba man ka njè nga a gèɗ azɓai, da mets na! Gsa ndav ngaya, a ka nze taraʼa!

Josué 23:11

Gar haha va-gu maya a géɗ va kinè, va-woy Ndo nzi pèc pècèk, Zhiklè kinè, aman kin mbel nshèffè kinè.

Josué 4:21

Te deɓaʼa a ngaɗa ta ndohi Israel: Aman pats ngiɗè wudahi kinè ta da dzhaɗ kinè: Kwa haha te di mè?

Apocalypse 3:3

Gar haha huro, ara man ka ngotso, ara man ka tsenaʼa. Fu gèɗèʼa, a ka ngwode ndav! Aman ka nzi a di azɓai, i da shkè ara ndo metsar, ka shin sam tèkè man i da shkè azɓi fèt.

Juges 3:7

Ndohi Israel ta ga skwi man ambaha Ndo nzi pèc pècèk ɓai: Zhiklè tengaʼa, Ndo nzi pèc pècèk, a mpca ta a gèɗ, a ta dzodzor Baal a mblomhai.

Juges 8:34

Aranta ndohi Israel ta hera Ndo nzi pèc pècèk, Zhiklè tengaʼa, asaɓai, nengaʼa man a mpreka ta auda te ri mayamhi tengaʼa tèlèba,