Deutéronome 4:6 - Ma Zhiklè

⁶ Kin da jèjèrèʼa, a kin da gi arsa. Aman ndohi ta da rka maya kinè a zhè, kin sun skwai, aman ta da tsena ma nkwèr haha tèlèba, a ta gaɗa: Verzi ndohi mhur haha, ndohi maya, ndohi man ta sun skwai.

Deutéronome 4:6 ပူးပေါင်းရင်းမြစ်များ

I Rois 4:34

Te va ndohi tèlèba ta shkè, aman ta tsena ma maya Salomon. Bihi ba ta shkè, tèlèba a géɗ herkeda man ta tsena labar ma maya Salomon, a ta va na skwi mbalai.

Job 28:28

A ngaɗa na ndo: Ngi zlau Bi Zhiklè, nasa maya. Njèkè malai, nasa nshin skwai.

Psaumes 111:10

Maya a hinkaɗi te ngi zlau Ndo nzi pèc pècèk. Ndohi man ta gi arsa, ta gu amba. Nʼnjèl nengaʼa a nzi a mèdèp.

Psaumes 19:7

a hünkoɗi te verzi gi ngiɗè, a dè a nkala man a géɗèʼa, skwi a nghédè a sam di na azɓai.

Psaumes 19:8

Ma kita Ndo nzi pèc pècèk jèlèlèʼa, a ngwèdè ndav ndo. Malwuɗi Ndo nzi pèc pècèk, malwuɗi nzuraʼa, a va ta maya a ndohi man maya ta a hcè.

Proverbes 1:4

a ndo a ngècè maya nshèffè, a di gola a winè na, a hér maya.

Proverbes 1:5

Ndo man maya na zhè, a tsenaʼa, a shindè skwi a ma ma. Ndo man maya te gèɗ a gi skwi man ta senda na,

Proverbes 1:7

Maya a hün te ngi zlau Ndo nzi pèc pècèk; ndohi nrzlaʼa ta kwola ma maya a nslebi skwai.

Proverbes 14:34

Ngi-zuraʼa a va na nʼnjèlè a kokwar-bai; aman malai, skwi mphomda ta ndohi kokwar.

Proverbes 14:8

Ndo man a hér maya, maya nengaʼa a ngredè auda te man a gi maya a civèɗ na; aman nrzlè ndohi nrzlaʼa a zlèkèdè ndo.

Esaie 42:21

Ambaha Ndo nzi pèc pècèk, aman a va na nʼnjèl mbiaʼa a ma kita nengaʼa, a gèɗ nzlembaɗ na.

Jérémie 8:9

Ndohi maya ta ngots hori a dai, ta gs ta, ta ga ta kita, ta ngwoda ma Ndo nzi pèc pècèk; kos maya ta maya mè?

Ezéchiel 5:5

Bi Zhiklè Ndo nzi pèc pècèk a goɗ ar haha: Jérusalem a da gi aranta: I feda Jérusalem a ndev ndohi herkeda, a nda kokwarhi man a tsagiaʼa.

Daniel 1:20

A gèɗ ma tèlèba man a jhèɗè maya a nshin skwai, bai a baha ta. A nrkaʼa, ta fen ta ndohi kilèa a ndohi maya te kokwar bi nengaʼa tèlèba, a gi sak ngam ngam ba.

Daniel 4:9

Beltshatsar, bi ndohi nsun skwai. Skwi nʼnghedaʼa ngiɗè azɓai man a fa ka borom a ma. Tsena skwi man i rka te nshunè, ngray verziaʼa.

Osée 8:12

I winda na ma kita ga tsaɗ tsaɗ kumba, ta rka ara skwi gwoli ta ka ɓai.

Mal. 3:12

Te deɓaʼa ndohi herkeda tèlèba ta da gaɗa: Mwuffè a sam tengaʼa! Aman herkeda kinè nʼngaʼa a kokwar mbelaʼa, Zhiklè bi mbiaʼa a gaɗa.

Deutéronome 29:9

Gar haha va-dzodzor ma nderzlè-ma haha, a kin da giaʼa, a skwi tèlèba man kin giaʼa a gi amba.

Deutéronome 32:46

a ngaɗa ta: Va-fu gèɗ a ma haha man i njè kinè a gèɗ a patsna tèlèba, a kin da njè ta wudahi kinè, a ta gi maya, a ta jèjèrèʼa, ma tèlèba te ma kita haha.

Deutéronome 32:47

Ma ambali genè ka ɓai a sam kinè, aman ma nshèffè kinè; a ma haha kin nderɗa nshèffè kinè a ma ma tʼherkeda man kin da kwèrèʼa, aman kin da tawaɗa woyam Jourdain ma.

2 Timothy 3:15

Ka sun ɗèlèwèr Zhiklè daga man ka kra, a nengaʼa a slaha a nslebda ka, a de ka a sam mʼmbel ndo te ncè Yèsu Kristi a ndav.

Jacques 3:13

Te ndev kinè ndo man a ngots maya te gèɗ, a nshin skwi, wa? Da ngreda maya nshèffè man amba te skwi man amba man a giaʼa, a ndav nlüɓekwaʼa, man a shkè auda te maya.