Deutéronome 17:3 - Ma Zhiklè

³ a ta tawaɗaha nderzlè-ma, a ta jèjèr zhiklèhi ngidè tsaɗ, ta gi mizlinè ta, ta gurɓahi a sam ta, ta tsi ri a pats, a kia, a bantihai te giɗfèk – i nja nengaʼa ɓai;

Deutéronome 17:3 ပူးပေါင်းရင်းမြစ်များ

Genèse 2:1

Giɗfèk a herkeda a skwi ta tèlèba ta gaʼa aranta.

II Rois 21:3

Nengaʼa a hüno a nrom sam mʼmbèh skwai a géɗ za, man Ezéchias, bab na, a mbeɗdaussà zaʼa, a ngau sam mvi skwi a Baal. A ngau mblom, lèmèlèmè ara man Achab bi Israel, a ngau, a ntsu ri a bantihai, a kia, a pats te giɗfèk, a ndzodzora.

Exode 22:20

Ndo man a pil gèɗ vrai a zhiklè ngiɗè, a Ndo nzi pèc pècèk stadgenè ka ɓai, sèi ta da phomda.

Jérémie 19:5

ta rama ta sam mvi skwi a Baal, a géɗ za, a ta bezde ta wudahi tengaʼa a ndev vogwa a géɗ Baal, skwi man i gaɗa ta: kin gu hai, man i ngra ta hai, man i hur ɓai.

Jérémie 32:35

Ta gu sam mvi skwi a Zhiklè te géɗèʼa man a Baal, te slrats Ben-Hinnom, a ta bezde ta wudahi tengaʼa a dalahi tengaʼa te va Moloc, skwi man i njè ta ɓai, man i hur i gaɗa ta, da gu skwi hori aranta a ta kalda Juda a mali ɓai.

Jérémie 7:31

Ta gu sam mvi skwi a zhiklè a gèɗ za te Topheth, te slrats Ben-Hinnom, aman ta bezde ta wudahi a dalahi a ndev vogwa, skwi man i gaɗa ta ɓai, a i hur ɓi pal ba.

Jérémie 8:2

Ta da wuzheda a di pats, a di kia, a di bantihai, man ta woy ta, man ta tsu ri a tengaʼa, man ta gu mizlinè ta, man ta dzhaɗ ta a ta gurɓahi a sam ta. Ta da ɓic ta vataslhi te deɓaʼa azɓai, a ta ri a gi dzavi azɓai; a gi a mongoɓa te gi dau.

Ezéchiel 8:16

A ndyè a gi nʼngalaʼa tʼhwaɗaʼa te gi Zhiklè. Na haha a ntamagi gi Zhiklè, te ndev gala a sam mvi skwi a Zhiklè, ndohi ta zhè, ta gi 25 ma ba, ta ngwoda na deɓa a gi Zhiklè. Ta gurɓahai a ta tsi ri a pats, ta peda di a civèɗ mvèng pats.

Deutéronome 11:16

Va-gu maya, ndav kinè da pe kinè a wi ɓai, a kin jèkeda Ndo nzi pèc pècèk a kin dzodzor zhiklèhi ngidè tsaɗ ɓai, a kin tsu ri a tengaʼa ɓai!

Deutéronome 17:4

aman ka da suna, aman ka da tsenaʼa, ka da njénjèrèʼa. Aman a vava, a ngu arsa, skwi hori sa a ngu te Israel, ka baha na nguraʼa man ɓai ngwoz

Deutéronome 4:19

Skwi te giɗfèk tèièba, ara pats, kia, bantihai, skwi a giɗfèk tèièba, da pe kinè a wi ɓai, kin tsu ri a tengaʼa ɓai, kin gurɓahi a sam ta ɓai! Ndo nzi pèc pècèk Zhiklè kinè a ngeda a giɗfèk a gèɗ ndohi herkeda tèlèba.

Josué 23:16

Aman kin da tawaɗaha nderzlè-ma Ndo nzi pèc pècèk, Zhiklè kinè, man a mvakinè, a kin da jè-jèr zhiklèhi ngiɗè, a kin da tsi ri a tengaʼa, Ndo nzi pèc pècèk a da gi ndav kumba a géɗ kinè, a da gedas kinè tsam tsam tʼherkeda mbelaʼa man a mva kinè.