Deutéronome 13:3 - Ma Zhiklè

³ ka fu zlembaɗ a ma ndo nhadka ma sa a ndo man nshunè a keɗaʼa sa ɓai! Aman Ndo nzi pèc pècèk, Zhiklè ngaya, a jkede ka, a woy a suna, ka gshè va a Ndo nzi pèc pècèk, Zhiklè ngaya, a ndav ngaya tèlèba, a nshèffè ngaya tèlèba ɗè, ɗè azɓi dè.

Deutéronome 13:3 ပူးပေါင်းရင်းမြစ်များ

I Rois 13:19

A ndo sa a nshkè a deɓa a verzi nengaʼa, a nʼndau skwai, a nsau skwai te gi na.

Psaumes 119:2

Mwuffè a sam ndohi man ta fi gèɗ a ma malwuɗi nengaʼa, man ta hèshèʼa a ndav ta tèlèba;

Psaumes 66:10

Bi Zhiklè, ka jkede nga, ka wosl nga ara man ta wèsl verzhègenè.

Psaumes 81:7

I cèma ka skwi nʼnzalaʼa auda a daʼai, i cèma ka duzlak auda a gèɗ.

Exode 20:20

A Moise a ngaɗa ta ndohai: Kin gu zlau bai, aman Zhiklè a shkè, aman a njkede kinè genè, a zlau Zhiklè a nʼnzi a ndav kinè, a kin da gi mali asaɓai.

Esaie 8:20

Ndohi maya tengaʼa a ndohi mal-wuɗi tengaʼa a vava ta da gèɗè arsa, man ɓai di tengaʼa nciɗ ɓai.

Matthew 24:24

Aman kristihi ncèkèlma, a ndohi nhadka ma ncèkèlma ta da slèmbèɗè, a ta ngreda skwi malwuɗi mbiaʼa, a nrkedai, aman ta pèkètède ta ndohi mparahiaʼa ba, man ta slaha.

Actes 17:11

Aman nlèɓèslè ndohi Bérée a fena man a ndohi te kokwar Thessalonique. Ta woy a ta tsena ma Zhiklè, a ta war te ɗèlèwèr Zhiklè a nciɗ sam a nciɗ sam, aman ta rkaʼa: arsa a vava ɗè?

1 Corinthians 11:19

Aman skwi man a kezla kinè gèɗ a zhè, a ndohi nzuraʼa te ndev kinè ta da ngrédè auda.

2 Corinthians 8:8

I gèɗè ara man i fa kinè a gèɗ a wuɗi ka ɓai. Aman agéɗ man ndohi ngiɗè ta vi skwi a vata, i jkedè mwoy-ndo a ndav kinè ba: kin woy ndo a vava ɗè?

Ephésiens 4:14

Te deɓaʼa nga wudahi ka ɓai, a njè ma ambali tsaɗ tsaɗ, a shèwa ndohi man ta ngwèdè ndo, a maya ambaɓiaʼa man ta pe nga a wi a vna, a wutèma nga gèɗ azɓai.

Deutéronome 6:5

Sei ka woy Ndo nzi pèc pècèk, Zhiklè ngaya, a ndav ngaya tèlèba, a nshèffè ngaya tèlèba, a wuɗi ngaya tèlèba!

Deutéronome 8:16

nengaʼa man a mva ka manne tʼhèshèkeɗ a ka ndiaʼa, man babhi ngaya ta sun zlèzlèa ɓai; Zhiklè man a manda ka gèɗ a hai, a jkede ka, aman te deɓaʼa a ga ka skwi man amba,

Deutéronome 8:2

Sèi ka hér civèɗ tèlèba man Ndo nzi pèc pècèk, Zhiklè ngaya, a de ka tʼhèshèkèɗ, mvi 40, aman a manda ka gèɗ a hai, aman a jkede ka, aman a shin skwi man ka hérè te ndav ngaya, gar ka jèjèr ma nkwèr nengaʼa, gar ka jèrèrèʼa azɓai.

2 Thessalonians 2:11

Gar haha Zhiklè a zlinda ta skwi nzlakede ta, aman ta cè ncèkèlma a ndav.

1 John 2:19

Ta shkè auda te ndev nga, aman ta ndohi nga asa-kaɓai. Aman a matsa ta ndohi nga, ar ta nzi a sam nga. Ta jèke nga, aman a ngrédè auda, ara man ta ndohi nga tèlè asakaɓai.

1 John 4:1

Dalahimam ga, kin co mèzhèɓ tsaɗ tsaɗ tèlèba a ndav ɓai! Sèi kin jkede ta mèzhèɓhai, a kin wora, aman ta shkè te Bi Zhiklè. Aman ndohi nhadka ncèkèl-ma kumba ta zhè tʼherkeda.

1 John 4:4

Wudahi ga, kinè ndohi Bi Zhiklè, a kin fen ta ndohi nhadka ncèkèlma haha. Aman Mèzhèɓ man a zhè te ndav kinè a fena nengaʼa man a zhè tʼherkeda.

Apocalypse 13:14

A mpe ta ndohi a géɗ herkeda a wai a skwi man a slaha a ngrédè tsaɗ tsaɗ a sam di skwi dak. A ngaɗa ta ndohi a géɗ herkeda, aman ta gi mèzhèɓ skwi dak, a mblè kafahi gwèsh a va, man a mbel na zaʼa.

Juges 2:22

A i jkeda ta ndohi Israel arsa, a i suna: ta woy a ta dè a civèɗ Ndo nzi pèc pècèk ara babhi tengaʼa dè, dè ta dè azɓi dè?

I Samuel 26:19

Aman tsena ma ɓèi ngaya, bi ga! A man Ndo nzi pèc pècèk a mpoko ka gèɗ ngaya auda a gèɗ ga, nga va na skwi a Zhiklè, aman a tsi gumai. Aman ndohi ta poko ka gèɗ auda, ta phomda a sam Ndo nzi pèc pècèk, a gèɗ man ta kwolyè a patsna, ta woy nga mbi a skwi Ndo nzi pèc pècèk azɓai, ta gaɗa: Do, a ka tsu ri a zhiklèhi ngiɗè!