Deutéronome 11:9 - Ma Zhiklè

⁹ a kin da nzi a ma ma tʼherkeda man Ndo nzi pèc pècèk a mbaɗa ta babhi kinè, aman a da va ta, a ndohi te verzi tengaʼa, kokwar man wa a vongwom a hi te pa.

Deutéronome 11:9 ပူးပေါင်းရင်းမြစ်များ

Exode 20:12

Slubordo bab ngaya a mam ngaya, a nderɗa ka pats nshèffè ngaya man Ndo nzi pèc pècèk a woya a mva ka, a ma ma tʼherkeda.

Exode 3:8

A i shkèhai, aman i mbel ta te ri wuɗi ndohi Egypte, a i de ta auda te kokwar haha, a ta dè a kokwar mbiaʼa, man amba, man wa a vongwom a hi te pa, a kokwar ndohi Canaan, Heth, Amor, Phérez, Hévi a Jébus.

Proverbes 10:27

Zlau Ndo nzi pèc pècèk a nderɗa ka pats nshèffè ngaya a ma ma; aman mvi ndohi ambaɓihiaʼa a helaha.

Proverbes 3:16

Nshèffè man a nzi dai, nte ri mandi nengaʼa; skwi mèshèlè a nʼnjèlè nte ri gula nengaʼa.

Proverbes 3:2

A nherɗa ka pats nshèffè ngaya a ma ma, a ka nzi amba amba.

Proverbes 9:11

A géɗ ga, pats nshèffè ngaya ta gi a vata, a ta pa na a va mvi nshèffè ngaya.

Ezéchiel 20:6

A pats nasa i mbaɗa ta, a ri ngeda te zhiklè, aman i da helka ta auda te kokwar Egypte, a i de ta a kokwar man i woy a i va ta, man wa a vongwom a hi te pa, kokwar mbelaʼa man a fena ngiɗè tèlèba.

Deutéronome 1:8

Na haha, i va kinè kokwaraʼa, vo-do, va-duma kokwar man Ndo nzi pèc pècèk a mpasla ta ri a babhi kinè a mbèdè, a gaɗa i da va ta a Abraham, Isaac, a Jacob, a ndohi te verzi ta.

Deutéronome 11:10

Kokwar man kin da dè a pa, aman kin kwèrèʼa, nara Egypte man kin shkè auda te pa ka ɓai, man kin zlekau skwi kinè a pa, a kin gu iyam a pa, pèc pècèk, nara gi lak.

Deutéronome 11:21

a kin nzi dai, a wudahi ngaya, te herkeda man Ndo nzi pèc pècèk a mbaɗa ta babhi kinè, a woya a nva ta, ha giɗfèk a herkeda a ndev na.

Deutéronome 4:40

Kin da jèjèr ma nkwèr nengaʼa, a ma man a njè kinè a gèɗ, man i gaɗa kine a patsna, a kinè a wudahi kinè kin nzi amba amba, a kin nzi dai tʼherkeda man Ndo nzi pèc pècèk, Zhiklè kinè, a va kinè a mèdèp.

Deutéronome 5:16

Slubordo bab ngaya a mam ngaya, ara man Ndo nzi pèc pècèk, Zhiklè ngaya, a njè ka, a da nderɗa ka pats nshèffè ngaya man Ndo nzi pèc pècèk a woya a mva ka, a ma ma tʼherkeda.

Deutéronome 5:33

Va-dzodzor civèɗ man Ndo nzi pèc pècèk, Zhiklè kinè, a ngreda kinè, zuraʼa a kin nzi a nshèffè, a kin nzi a vata te kokwar man kin da kwèrèʼa.

Deutéronome 6:18

a kin gi skwi man ambaha Ndo nzi pèc pècèk, a kin da nzi amba, a kin da ndikè a kokwar mbelaʼa man Ndo nzi pèc pècèk a mbaɗa ta babhi kinè a kin da kwèrèʼa,

Deutéronome 6:2

a kin gi zlau Ndo nzi pèc pècèk, Zhiklè kinè, te nshèffè kinè tèlèba, a kin jèjèr ma nkwèr nengaʼa, a ma kita nengaʼa tèlèba, man i njè kinè a wudahi kinè, a wud wudahi ngaya, a kin nzi a nshèffè a vata.

Deutéronome 6:3

Israel, tsenaʼa, dzodzora a nlèɓèslè, a ka da nzi amba, a ka mènè a vata, te kokwar man wa a vongwom a hi te pa, ara man Ndo nzi pèc pècèk, Zhiklè babhi ngaya, a mpasla ka ri a hai.

Deutéronome 8:7

Anai, Ndo nzi pèc pècèk, Zhiklè ngaya, a de ka a kokwar mbelaʼa, kokwar man iyam a hi te pa, a nlèlè iyam a hakaɗauda te slrats, te za;

Deutéronome 9:5

A géɗ nlèɓèslè ngaya ka ɓai, a gèɗ ndav ngaya man nzuraʼa ka ɓai, a gèɗ ngi-zuraʼa ngaya ka ɓai, man Ndo nzi pèc pècèk, Zhiklè ngaya, a ndzam ta ndohi herkeda haha; aman ka da dum kokwar tengaʼa, a géɗ man mali ta a ndev ɓai. A ma nengaʼa man a mbaɗa ta a Abraham, Isaac a Jacob, babhi ngaya, a ndikeda.