Deutéronome 1:8 - Ma Zhiklè

⁸ Na haha, i va kinè kokwaraʼa, vo-do, va-duma kokwar man Ndo nzi pèc pècèk a mpasla ta ri a babhi kinè a mbèdè, a gaɗa i da va ta a Abraham, Isaac, a Jacob, a ndohi te verzi ta.

Deutéronome 1:8 ပူးပေါင်းရင်းမြစ်များ

Genèse 12:7

A Ndo nzi pèc pècèk a ngudoko na va a di a Abram, a ngaɗa na: Kokwar haha i woya man i va ta ndohi te verzi ngaya. A Abram a nrom sam mvi skwi a Ndo nzi pèc pècèk, man a gudoko na va a dai, a pa.

Genèse 15:16

Sèi kra kra kra ngaya a da shkè a deɓa a haha. Aman mali ndohi Amor tiɗè di ka ɓai.

Genèse 15:18

A pats sa, Ndo nzi pèc pècèk ta derzla ma ta a Abram, a ngaɗa: I da va ta herkeda haha a ndohi te verzi ngaya, a hinè te woyam Egypte, ha ndè a ma woyam mbiaʼa, Euphrate.

Néhémie 9:15

Aman mi a nkeɗ ta, ka va ta movar te zhiklè; aman iyam a ndza ta, iyam a hakaɗauda te za. Ka ngra ta, aman ta dè a ta düm kokwar man ka pasla ta ri a hi a mʼmbèɗè.

Exode 23:31

Sam ngaya a da hinè a sam woyam mbiaʼa nduzoa, a ndè a sam iyam mbiaʼa man a ndohi Philistie, a hinè a sam hèshèkèɗ, a ndè a ma woyam Euphrate. A vava i da va ka ndohi kokwar a rai, a ka da dzam ta auda a ma ngaya.

Exode 33:1

Te deɓaʼa Ndo nzi pèc pècèk a ngaɗa na Moise: Do a nda ndohi man ka helka ta te kokwar Egypte, a kin dè a kokwar man i mbada ta nda Abraham, Isaac a Jacob, a i gada: I woy a i va ta ndohi verzi kinè.

Jérémie 32:22

Ka va ta kokwar haha man ka mbaɗa ta babhi ta a ka woya a ka va ta, kokwar man wa a vongwom a hi te pa.

Ezéchiel 47:14

Staɗ staɗ tèlèba te ndev kinè da ngots skwi nʼndi gi lèmèlèmè, tèlè lèmèlèmè. I goɗ a mʼmbèɗè i woy a i va ta a babhi kinè; gar haha sèi kin ngècè herkeda haha a skwi nʼndi gi kinè.

Nombres 14:23

sèi ta da rka kokwar man i mbada ta a babhi ta asaɓai. Tengaʼa tèlèba man ta derdyè, ta da rka asaɓai.

Nombres 32:11

Ndohi man ta shkè auda te kokwar Egypte, a hinè te mvi 20 a ndè a ma ma, ta da rka herkeda man i pasla ta ri a hi a mʼmbèɗè a Abraham, Isaac a Jacob, asaɓai, a géɗ man ta dozodzor ma ga tèlè ɓai;

Deutéronome 1:11

Ndo nzi pèc pècèk, Zhiklè babhi kinè, da gu a kin mènè a vaʼa a vata, gozhèm gozhèm kumba, da pshè kinè ma, ara man a goɗo.

Deutéronome 1:35

Ko staɗ te va ndohi haha, te verzi ndohi ambaɓihiaʼa haha, da da rka kokwar mbelaʼa man i pasla ta ri a hi a babhi kinè asaɓai.

Deutéronome 10:11

Te deɓaʼa a ngadayè: Slambaɗa, a ko do a ma ndohai, aman ta dè a ta duma kokwar man i mbaɗa ta a babhi tengaʼa, i woy a i va ta.

Deutéronome 11:24

Sam tèlèba man kin mbatseda sak a pa, a ka kinè. A hinè tʼhèshèkèɗ, ha ndè Liban, a hinè te woyam Egypte, te woyam Euphrate, ha ndè a ma iyam mbiaʼa, nasa kuma kokwar kinè.

Deutéronome 11:9

a kin da nzi a ma ma tʼherkeda man Ndo nzi pèc pècèk a mbaɗa ta babhi kinè, aman a da va ta, a ndohi te verzi tengaʼa, kokwar man wa a vongwom a hi te pa.

Deutéronome 2:29

Ara wudahi Esau te kokwar Seir, a ndohi Moab te kokwar Ar. Vay civèɗ arsa, a i tawaɗa woyam Jourdain, a ngo do a civèɗ ndè kokwar man Ndo nzi pèc pècèk, Zhiklè nga, a va nga.

Deutéronome 26:15

Paka di a hi te giɗfèk, te sam ngaya nkezlaʼa, a ka pshè ta ma ndohi ngaya, Israel, a kokwar man ka va nga, ara man ka mbaɗa ta babhi nga, kokwar haha man wa a vongwom a hi te pa.

Deutéronome 26:3

Ka da zlècè a sam ndo mvi skwi a Zhiklè man a da gi mizlinè a pats sa, a ka da gaɗa na: A patsna i ngreda a sam Ndo nzi pèc pècèk, Zhiklè ngaya, i te kokwar man Ndo nzi pèc pècèk a mbaɗa ta babhi nga, a woya a mva nga.

Deutéronome 28:11

Ndo nzi pèc pècèk a da va ka skwi kumba kumba, ka da yi wuda kumba, skwi ngaya a da yi wuda kumba, herkeda a da yi skwi kumba, te kokwar man Ndo nzi pèc pècèk a mbaɗa ta babhi ngaya, a da va ka.

Deutéronome 29:12

Kin zlècè aman kin humda a nderzlè-ma Ndo nzi pèc pècèk, Zhiklè kinè, nderzlè-ma haha man a goɗ a mʼmbèdè, man Ndo nzi pèc pècèk, Zhiklè ngaya a gi a nda kinè a patsna;

Deutéronome 30:20

a ka woy Ndo nzi pèc pècèk, Zhiklè ngaya, a ka fi gèɗ a daʼai nengaʼa, a ka gshè va a vna. Aman nshèffè ngaya a hün te pa; a Zhiklè a da nderɗa ka pats nshèffè ngaya a ma ma. Aranta ba ka da nzi te kokwar man Ndo nzi pèc pècèk a mbaɗa a da va ta babhi ngaya, Abraham, Isaac a Jacob.

Deutéronome 31:7

Moise a mbaha na Josué, a ngaɗa na a sam di ndohi Israel tèlèba: Gsa ndav ngaya, nze taraʼa! Aman ka dè a nda ndohi haha a kokwar man Ndo nzi pèc pècèk a mbaɗa ta babhi ta, a da va ta. Ka, ka da va ta.

Deutéronome 34:4

Te deɓaʼa Ndo nzi pèc pècèk a ngaɗa na: Na haha kokwar man i pasla ta ri a hi a pa a Abraham, Isaac a Jacob a mʼmbèdè, a i gaɗa: I da va ta ndohi te verzi ngaya. I ngreda ka, a ka rka a di ngaya; aman ka ndikè a pa azɓai.

Deutéronome 4:1

Anai Israel, va-tsena ma nkwèrè a ma kita man i njè kinè, a kin jèjèrèʼa, a kin nzi a nshèffè, a kin dè a kokwar man Ndo nzi pèc pècèk, Zhiklè babhi kinè, a va kinè, a kin kwèrèʼa.

Deutéronome 6:10

Aman Ndo nzi pèc pècèk a de ka a kokwar man a mbaɗa ta a Abraham, Isaac a Jacob, babhi ngaya, aman a da va ka: kokwar mbiaʼa, mbelaʼa, man ka, ka nrom ka ɓai.

Deutéronome 7:12

Aman kin da tsena ma kita haha, a kin da jèjèrèʼa, a kin gu arsa, Ndo nzi pèc pècèk, Zhiklè kinè a da jèjèr nderzlè-ma na, a va kinè pombai man a mbaɗa ta a babhi kine.

Deutéronome 7:13

A da woy kinè, a pshè kinè ma, a kin mènè a ma ma. Kin da yi wudahi kumba; ny i skwi te kokwar kinè, nyi wof, dau a barassa a mbar a da gi kumba; wud zlè a wud tambak ta mènè kumba, te kokwar man a da va kinè, man a mbaɗa ta babhi kinè.

Deutéronome 7:8

aman a géɗ man Ndo nzi pèc pècèk a woy kinè, a ngu ara man a mbaɗa ta babhi kinè; a nhelka kinè auda a ri man wuɗi na zhè, a mpreka kinè auda te gi ɓèlè, te gi Pharaon, bi Egypte.

Deutéronome 8:1

Ma nkwèrè tèlèba man i njèka a gèɗ a patsna, gu maya, dzodzora, aman ka da nzi a nshèffè, a ka mènè a ma ma, a ka da ndikè a kokwar man Ndo nzi pèc pècèk a mpasla ta ri a babhi ngaya a mʼmbèɗè.

Deutéronome 9:5

A géɗ nlèɓèslè ngaya ka ɓai, a gèɗ ndav ngaya man nzuraʼa ka ɓai, a gèɗ ngi-zuraʼa ngaya ka ɓai, man Ndo nzi pèc pècèk, Zhiklè ngaya, a ndzam ta ndohi herkeda haha; aman ka da dum kokwar tengaʼa, a géɗ man mali ta a ndev ɓai. A ma nengaʼa man a mbaɗa ta a Abraham, Isaac a Jacob, babhi ngaya, a ndikeda.

Hébreux 6:13

Aman Zhiklè a mpasla na ri a Abraham, a mʼmbaɗa a va na, te man a slaha a mbèɗè a ndo mbia ngiɗè ɓai,

Hébreux 6:14

a ngaɗa: A vava i da pshè ka ma, a verzi ngaya a mènè kumba.

Josué 1:6

Gsa ndav ngaya a ka nze taraʼa a ma ma; ka da kezli kokwar a ndohi haha a skwi nʼndi gai man i woy a i va ta, ara man i mbaɗa ta babhi tengaʼa.

Juges 2:1

Gol Ndo nzi pèc pècèk a mshkè te Guilgal, a ndè Bokim, a ngaɗa; I helka kinè auda te kokwar Egypte, a i de kinè a kokwar man i pasla ta ri a babhi kinè a mʼmbèdè. I gaɗa: I gédèshè nderzlè-ma ga a nda kinè azɓai a mèdèp.