Daniel 9:7 - Ma Zhiklè

⁷ Ka Bi Zhiklè, ka gi zuraʼa; aman hori a di nga, a patsna, a ndohi Juda a Israel tèlèba, ko ndul ndul, ko dra, tʼherkeda tèlèba a sam man ka dzam ta a gèɗ mali man ta gu a sam ngaya.

Daniel 9:7 ပူးပေါင်းရင်းမြစ်များ

Esdras 9:13

A géɗ skwi tèlèba man a shkè a géɗ nga, a géɗ skwi man ambaɓai man nga gau, a géɗ mali nga mbiaʼa, ka Zhiklè nga, ka ga nga kita mbiaʼa ara mali nga ɓai, a ka jèka nga ndohi haha man ta menkada deɓa te ɓèlè.

Esdras 9:15

Ndo nzi pèc pècèk, Zhiklè Israel, ka nzuraʼa, nga ndohi kèshkata man nga mbel nga genè. Na haha nga zhè a sam di ngaya te mali nga, nga slaha nga zlècè a sam ngaya azɓai.

Néhémie 9:33

Skwi man ka ga nga tèlèba, ka gu zuraʼa, ka gu amba; aman nga, nga gu ambaɓai.

Psaumes 119:137

Ndo nzi pèc pècèk, ka zuraʼa, kita ngaya nzuraʼa.

Psaumes 44:15

Ka gu a ndohi nte deɓa ta njè njèkenè a géɗ nga, a ndohi herkeda ta giɗè gèɗ kwotakwotaʼa a géɗ nga.

Psaumes 51:14

Bidyè zaʼa a skwi mʼmbel ndo ngaya, a ka menday mèzhèɓ a ndav, a i ngècè wuɗai.

Psaumes 51:4

Ponkoy mali ga auda te ndav, a i gi ndzuwaɗaɗaʼa; pa-nyè te maharam ga!

Esaie 11:11

A pats nasa Bi Zhiklè a da slèmbèɗè zaʼa, a nda sumka ta ndohi nengaʼa a deɓa, njèkèɗi ndohai man ta venda gèɗ ta a kokwar Assyrie, a Egypte, a Pathros, a Ethiopie, a Elam, a Shinear, a Hamath, a herkeda nte ndev iyam mbiaʼa.

Esaie 45:16

Ndohi mayamhi ngaya tèlèba ta ngots hori a dai, gèɗ ta ndzakaɓ na. Ngwozlazlihi mʼmbèh skwai ta kal ta, ta ndara ta ndo-hai.

Jérémie 12:1

Ndo nzi pèc pècèk, ka zura gokwèn. I slaha a i ga ka ma a va azɓai. A nasa ba, i woy a nga verslè a ka genè: Ndohi nderɗe Zhiklè ta nzi a gumi èhèmè? Ndohi nʼngwèdè ndo, skwa a ga ta azɓi èhèmè?

Jérémie 23:6

A pats man a da gi bai, Juda a mbel na, Israel a nzi a gumai. Ta da baha na a nzlembaɗ: Ndo nzi pèc pècèk, ngi-zura nga.

Jérémie 24:9

I da ge ta a skwi horai, a matakwan te kokwar-bihi tʼherkeda tèlèba, a skwi ngedassaʼa, a njèkenè, a derngasl, a skwi mphomdaʼa a sam tèlèba man i da dzam ta a pa.

Jérémie 3:25

Gar haha ngo-nzokoya a ngo-cokoy hori ga, hori da pa nga a dai! Aman nga gu malai a sam Ndo nzi pèc pècèk, Zhiklè nga, nga a babhi nga, daga man nga kra, ha patsna, a nga fu zlembaɗ a ma Ndo nzi pèc pècèk, Zhiklè nga ɓai.

Jérémie 32:32

A géɗ skwi man ambaɓi tèlèba man ndohi Israel a ndohi Juda ta gau, a ta pokoy gèɗ ndav auda a vna, tengaʼa bihi ta a wud bihi ta, ndohi mvi skwi a Zhiklè ta, a ndohi nhadka ma ta, ndo te Juda a ndohi kokwar Jérusalem.

Jérémie 33:16

A pats nasa Juda a dè mbél na, a Jérusalem a da nzi a gumai; ta da va na nzlembaɗ: Ndo nzi pèc pècèk, ngi-zura nga.

Jérémie 4:17

Ta nza na ma a kokwar, ta tèuda a pa, a géɗ man ta slambaɗkay a va, Ndo nzi pèc pècèk a gaɗa.

Jérémie 7:19

Aman ta pokoy gèɗ ndav auda a iyè dè? Ndo nzi pèc pècèk a gaɗa. Ta gayè a iyè dè? Ta gu skwi ta a va ta, ta ngècè hori a di ta.

Ezéchiel 16:63

Aman i da pra ka mali tèlèba man ka gau, ka da hérèʼa; hori a da keɗ ka a pa, ka slalia ka winè ma azɓai, Bi Zhiklè, Ndo nzi pèc pècèk, a gaɗa.

Ezéchiel 36:31

Te deɓaʼa kin da hér civèɗ kinè man ambaɓai, a skwi man ambaɓiaʼa man kin gau a ndara kinè, a géɗ mali kinè a skwi hori man kin gau.

Ezéchiel 5:10

Te deɓaʼa bab wudahi te ndev kinè, ta da nde ta wudahi ta a ma, a wudahi ta da ndi babhi ta a ma. I woy a i gi kita te kokwar ngaya, a njèkèɗi ndohi ngaya ta wushede ta a ma kozlar.

Ezéchiel 6:12

Ndo man dra, gidiɓèr a cè a ma. Ndo man ndul ndul, tsakwal a kéɗèʼa. Ndo man njèkaha, a tiɗè a mai. I pra ta ndzoan a gèɗ tèlèba.

Daniel 9:14

Gar haha Ndo nzi pèc pècèk a nhur skwi ngedassa nga, a gaka nga a gèɗ. A gèɗ man Ndo nzi pèc pècèk, Zhiklè nga, nzuraʼa te skwi man a gia tèlèba: aman nga, nga fa gèɗ a ma nenga ɓai.

Daniel 9:18

Zhiklè ga, fu zlembaɗ a ka tsenaʼa, pu dai a ka rka skwi ngedas nga a kokwar man ta va na nzlembaɗ ngaya. Aman nga tsi ri a sam ngaya, nga gada: nga ndohi nzura ka ɓai; nga pi di a ka a géɗ man ndo a se ka te va.

Daniel 9:8

Ndo nzi pèc pècèk, hori a di nga, a di bihi nga, a di tsuvomhi nga, a bababhi nga, a gèɗ man nga gu mali a sam ngaya.

Amos 9:9

I gèɗè a wuɗai: i dambalka ta ndohi Israel te va ndohi herkeda tèlèba, ara dau man ta dèmbèlèʼa, ko tser dau nshfaʼa staɗ a da kèlèhi a herkeda azɓai.

Romans 6:21

Skwi mar antanta kin gi hori a géɗèʼa. Aman nʼndikèma nengaʼa, mʼmetsai.

Deutéronome 32:4

Nengaʼa za, skwi man a giaʼa, nʼngaʼa jèlèlèʼa. Civèd nengaʼa tèlèba, civèɗ nzuraʼa. Zhiklè nlèɓèslèʼa, ncèkèlma a te nengaʼa ɓai; nengaʼa zuraʼa ndzarɓiaʼa.

Deutéronome 4:27

Ndo nzi pèc pècèk a da ksar kinè a va ndohi herkeda, njèkè kinè kètè genè te va ndohi herkeda man Ndo nzi pèc pècèk a de kinè a pa.