Daniel 9:5 - Ma Zhiklè

⁵ Nga gu malai, nga gau ambaɓai, nga woy ka ɓai, nga kwol ka, nga jèkeda ma nkwèr ngaya, a ma ngaya man a de nga.

Daniel 9:5 ပူးပေါင်းရင်းမြစ်များ

II Rois 18:12

a gèɗ man ta dzodzor ma Ndo nzi pèc pècèk, Zhiklè tengaʼa, ɓai, a gèɗ man ta tawaɗaha nderzlè-ma nengaʼa. Skwi tèlèba man Moise, ɓèl Ndo nzi pèc pècèk a njè ta a gèɗ, ta fa na gèɗ ɓai, ta dzadzara ɓai.

II Rois 21:15

A géɗ man ta gau skwi man ambahayè ɓai, a ta pokoy gèɗ ndav auda, a hinè a pats man babhi tengaʼa ta shkè auda te kokwar Egypte, ha patsna.

Esdras 9:6

a i gaɗa: Zhiklè ga, hori a dzay kumba, hori a keɗyè a vèvèd; i slaha a i pi di a zhiklè ɓai, Zhiklè ga! Skwi ambaɓiaʼa man nga gau a nge na a mbiaʼa a sam nga. Mali nga a ngre na a ma ma, ha a ndikè a géɗèʼa.

Psaumes 106:6

Nga gu mali lèmèlèmè ara babhi nga. Nga gu maharam, nga gu mphömè.

Psaumes 119:102

I mindè va ga a deɓa a sam kita ngaya azɓai; aman ka, ka sen-dayè.

Psaumes 119:176

I zlak ga ara tambak man a ze na; hassyè, i ɓèl ngaya, te man ma nkwèr ngaya mpcèy a gèɗ ɓai!

Psaumes 18:21

Ndo nzi pèc pècèk a ngayè ara ngizura ga, a mpelyè, te man ri ga mpana.

Esaie 53:6

Nga tèlèba nga zlak nga, ara tambakihai, nga tèlèba, ngiɗè a civèɗ na, ngiɗè a civèɗ na, a Ndo nzi pèc pècèk a mʼmanda mali nga tèlèba a gèɗ nengaʼa.

Esaie 59:13

Nga suna, nga lèɓèslɓai, nga cèkèlma a géɗ Ndo nzi pèc pècèk, nga jèkeda Zhiklè nga, nga hur skwi shèwa, a ngi rai, nga cko ncèkèlma auda te ndav nga.

Esaie 64:4

Ka dè a ma tengaʼa man ta gi skwi nzu-raʼa, a ta hér civèɗ ngaya. Ka gu ndav, aman nga gu mphömè, skwi man ambaɓai, a nga slambaɗka ka a va nʼnzi a zhè. Aman nga da mbel nga genè!

Jérémie 14:20

Ndo nzi pèc pècèk, nga sun shèwa nga, nga sun mphömè babhi nga, nga gu malai a sam ngaya.

Jérémie 14:7

Mali a ngwoda nga va a gèɗ! Ndo nzi pèc pècèk, takaha nga, a géɗ nzlembaɗ ngaya! Nga jèke ka, a nga gu mali a sam ngaya kumba.

Jérémie 3:25

Gar haha ngo-nzokoya a ngo-cokoy hori ga, hori da pa nga a dai! Aman nga gu malai a sam Ndo nzi pèc pècèk, Zhiklè nga, nga a babhi nga, daga man nga kra, ha patsna, a nga fu zlembaɗ a ma Ndo nzi pèc pècèk, Zhiklè nga ɓai.

Jérémie 30:14

Mandalahi ngaya, man ta woy ka, ka pca ta a gèɗ. Ta hér ka azɓai, te man i tse ka ara ndo mayam; i ngatsa ka maya mwuɗitpa, a géɗ maharam ngaya mbiaʼa, a géɗ mali ngaya mwuɗitpa.

Jérémie 44:3

A géɗ skwi man ambaɓai man ta gau, a ta pokoy gèɗ ndav auda a vna, a to do a ta vi skwi a ta gi mizlinè zhiklè ngiɗè, man ta sen ta ɓai. Kinè a babhi kinè kin gau arsa.

Lamentations de Jérémie 1:18

Ndo nzi pèc pècèk, nzuraʼa, Iyè, i gu mèdègèɗ a sam ma nengaʼa. Ndohi herkeda, va-tsenaʼa, kin tèlèba, va-rka skwi man a dzayè! Dalahi ga a golahi ga ta hel ta ma a ɓèlè.

Lamentations de Jérémie 1:20

Ndo nzi pèc pècèk, wora, ndav ga a lèyè, ndav ga a dzayè worworaʼa, a ngwodamay ndav, a géɗ man i gu mèdègèɗ. Wudahi ga, tsakwal a bèzlè tʼuda, mʼmetsi a bèzlè te gai.

Lamentations de Jérémie 3:42

Nga gu mèdègèɗ, nga tsena gèɗ ɓai, gar haha ka pra nga mali ɓai.

Ezéchiel 5:6

Te man nengaʼa a ngu mèdègèɗ, a ta tawaɗaha ma kita ga, a shèwa a fena ndohi nte deɓa. A ta kwola ma nkwèr ga, ta dzadzara bai, a fena ndohi te kokwar man a tsagiaʼa.

Ezéchiel 6:9

Ndohi kinè man ta da mbél ta, ta da héryè te ndev ndohi nte deɓa, te kokwar man i de ta a pa, man i gedassama ta ndav man a hér mʼmbèh skwai a ta kwolyè, a i gedassa di ta man ta wèr vri a mʼmbèh skwi a vna. Skwi man ambaɓi tèlèba man ta gau, man ta gu skwi hori a sam ga, a da ndara ta;

Daniel 9:11

Ndohi Israel tèlèba ta tawaɗaha ma kita ngaya, a ta bez ta zlawa, a ta fa gèɗ a ma ngaya ɓai. Ndo nzi pèc pècèk a mphomde nga, a mʼmbèɗè, man a mwindo te ɗèlèwèr ma kita Moise, ɓèl Zhiklè, a gèɗ man nga gu malai a sam na.

Daniel 9:15

Anai Bi Zhiklè nga, ka man ka helka ta ndohi ngaya auda te kokwar Egypte a wuɗi ri ngaya, man ka ga nzlembaɗ ngaya a mbiaʼa ha patsna, nga gu malai, nga ga skwi man ambaha ka ɓai.

Daniel 9:9

Bi Zhiklè nga, ndo a sia te va, a prè malai; a nga, nga slambaɗa na va.

Osée 1:2

Ma man Ndo nzi pèc pècèk a gaɗa na Osée nshèlèkuraʼa: Do a ka co fali ngwoz a ngwoz ngaya, a ka da yu fali wudahi te pa! Aman a vava kokwar a nʼngwode na ara fali ngwoz, a njèkeda Ndo nzi pèc pècèk.

Mal. 3:7

A hünkoɗi te bababhi kinè, kin jèkeda ma ga, a kin dzadzara ɓai. Va-menkaɗa deɓa, a i woya a i dè deɓa a sam kinè, Zhiklè bi mbiaʼa a gaɗa. A kin jhèɗèʼa: Nga menkaɗa deɓa èhèmè?

Hébreux 3:12

Va-gu maya, dalahimam ga! A woy ndo te ndev kinè ɓai, man ndav na ambaɓai, man a njèkeda ncè-a-ndav, a Bi Zhiklè man a zhè a nshèffe.