Daniel 9:4 - Ma Zhiklè

⁴ a i tsu ri a Ndo nzi pèc pècèk, Zhiklè ga, a i nju ma, a i gada: Wa, Bi Zhiklè mbiaʼa, mwuɗitpa, man ka ɓer nderzlè-ma a sam ndohi man ta woy ka a ta jèjèr ma nkwèr ngaya, a ta se ka te va.

Daniel 9:4 ပူးပေါင်းရင်းမြစ်များ

I Rois 8:23

a ngaɗa: Ndo nzi pèc pècèk, Zhiklè Israel! Zhiklè ngar ka azɓai, ko te zhiklè te géɗèʼa, ko tʼherkeda, man ka derzla ma, a ka va ta pombai a ɓèlèlihi ngaya man ta da jèjèr ka a ndav tèlèba.

II Chroniques 7:14

a ta da manda gèɗ ta a hai, a ta tsi rai a ta hassyè, a ta ngwodko ndav ta, a ta jèkeda civèɗ tengaʼa man ambaɓai, i woya aman i tsena te zhiklè te géɗèʼa, a i pra ta mali ta, a i mbela kokwar ta zaʼa.

Esdras 10:1

Aman Esdras a ntsu rai, a nju ma mali na, a nkuɗai, a ngurɓahi a ma gi Zhiklè, ndohi Israel kumba kumba ta ɓica va a sam na, ngurhi a ngwozi a wudahi, a ta kuɗi a vata.

Néhémie 1:5

I gaɗa: Ka Ndo nzi pèc pècèk, Zhiklè te zhiklè te géɗèʼa, Zhiklè mbiaʼa, mwuɗitpa, man ka prè nderzlè-ma te pombai a nda ndohi man ta woya a ta jèjèr ma nkwèr ngaya, azɓai.

Néhémie 9:32

Anai Zhiklè nga, Zhiklè mbiaʼa, man wuɗi na zhè, wuɗitpa, man ka gi ara man ka derzla ma te pombai. Ka rka matakwan tèlèba man a ga nga, a bihi nga, a wud bihi nga, a ndohi mvi skwi a Zhiklè nga, a ndohi nhadka ma, babhi nga, a ndohi ngaya tèlèba, daga pats man bihi Assyrie ta zhè, ha patsna, ara skwi ambali genè ɓai.

Psaumes 32:5

Te deɓaʼa i ngreda ka mphömè ga auda, i ngheda mali ga ɓai. I gaɗa: I woy a i ngreda na maharam ga a Ndo nzi pèc pècèk. A ka, ka pray mphömè mali ga.

Exode 20:6

A i va ta pombai a ndohi gozhèm gozhèm kumba, man ta woy iyè a ta gi ara ma ga.

Jérémie 3:13

Aman a woy ka suna, ka gu malai, ka kwola Ndo nzi pèc pècèk, Zhiklè ngaya, a ka va na va ngaya a zhiklèhi ngiɗè, a verzi wof ndizlimaʼa tèlèba kin tsena ma ga ɓai, Ndo nzi pèc pècèk a gaɗa.

Jérémie 32:23

Ta shkè a ta co a skwi ta, aman ta fa gèɗ a ma ngaya ɓai. Ta dzadzara ma kita ngaya ɓai, skwi tèlèba ta ga ara man ka njè ta a gèɗ bai. Te deɓaʼa ka wushede ta a matakwan haha tèlèba.

Daniel 6:10

Daniel, aman a ntsena ma ɗèlèwèr man bi a Windo, a ndo a gi na. Te gi nte géɗèʼa, nvakavar a zhè, mwinèʼa te civèɗ man a Jérusalem. A ngurɓahi sak makar a páts a pats, a ntsu ri a nslébèrdè Zhiklè nengaʼa, ara man a gu pèc pècèk.

Daniel 9:3

A i ngwoda na ma a Bi Zhiklè, aman i tsi ri a nengaʼa, a i gi mbuh mbuh, a i jèkeda skwi nʼndai, a maslaka sam kuɗa a va te mèrwèc;

Luke 1:72

Bababhi nga ta sia te va, a hér nderzlè-ma nengaʼa nkezlaʼa,

Romans 8:28

Aman nga suna, skwi tèlèba ta mbi a ma a ngi amba a sam tengaʼa man ta woy Zhiklè a ndav ta, a sam tengaʼa man Zhiklè a mpar ta, ara man a huro halaʼa.

Deutéronome 5:10

A i va ta pombai a ndohi gozhèm gozhèm kumba, man ta woyè, a ta gi ara ma ga.

Deutéronome 7:12

Aman kin da tsena ma kita haha, a kin da jèjèrèʼa, a kin gu arsa, Ndo nzi pèc pècèk, Zhiklè kinè a da jèjèr nderzlè-ma na, a va kinè pombai man a mbaɗa ta a babhi kine.

Deutéronome 7:21

Kin gudzu a sam tengaʼa ɓai, te man Ndo nzi pèc pècèk, Zhiklè kinè, a zhè te ndev kinè, Zhiklè mbiaʼa, mwuɗitpa!

Deutéronome 7:9

Gar haha sèi kin suna, Ndo nzi pèc pècèk, Zhiklè kinè, nlèɓèslèa, man a jèjèr nderzlè-ma nengaʼa. A tengaʼa man ta woyaʼa, a ta jèjèr ma nkwèr nengaʼa, a va ta pombai, ha a ndikè a verzi wud wud ta a gi 1.000.

Jacques 1:12

Mwuffe a sam ndo man a nza taraʼa man ta pi a wai. Aman ndo man a tsoko gèɗ na auda a sam skwi mpeda a wi ma, a da ngècè skwi mpèɗè gèɗ nshèffè, man Zhiklè a pasla ta ri a ndohi man ta woyaʼa a ndav ta.

Jacques 2:5

Dalahimam ga, va-tsenaʼa! Zhiklè a mpar ta ndohi ntawassaʼa a géɗ herkeda haha, aman te ncè-a-ndav, ta ndi a ndohi mèshèlè, a ndohi nʼndi kokwar-Bi Zhiklè, man a mpasla ta ri a ndohi man ta woyaʼa a ndav ta.