Daniel 9:25 - Ma Zhiklè

²⁵ Sèi ka cinèʼa a ka suna! Daga mshkè maʼa a géɗ nrèm kokwar Jérusalem zaʼa, ha bi man ta bada na mbar a gèɗ a zhè, a gi luma 7. Ha ta ɗèɗèya a pa, a kokwar ba a dal kokwar a civèɗ ba, a gi luma 62, a pats mwuɗitpa.

Daniel 9:25 ပူးပေါင်းရင်းမြစ်များ

II Samuel 15:25

Bai a ngaɗa na Tsadok: Da koti Zhiklè a deɓa a kokwar! Aman i da ngècè pombai a sam Ndo nzi pèc pècèk, a nda ckay a deɓa, a i da rka te gi nengaʼa zaʼa.

Esdras 4:24

Te deɓaʼa ta jèkeda nrèm gi Zhiklè te Jérusalem, ta ga ɓai, ha Darius a ngu bi te Perse, te mvi nengaʼa macecèwaʼa.

Esdras 7:1

Te deɓ nengaʼa, aman Artaherhes bi Perse, Esdras a mshkè, kra Seraja, te verzi Azaria, te verzi Hilkija,

Esdras 7:8

Esdras a nʼndika a kokwar Jérusalem te ki mazlamaʼa; bai a ngu bi te mvi matsaraɗaʼa.

Néhémie 3:1

Eliashib, bi ndohi mvi skwi a Zhiklè, a nslambada a nda ndohi mvi skwi a Zhiklè, kramamhi na, a ta gu ntamagi ‘tambak’. Tengaʼa man ta vu ntatakaʼa, a ta derzla ntamagai. A ta rom a ma ma, ha ndè a sam ntamagi ‘tèmère’, ha ndè a gi ngurèa Hananel.

Néhémie 4:2

a goɗ a sam di kramamhi na, a nhèyè-va sojè Samarie: Ndohi Juif ntawassahia haha ta gi mè? Ta woy a ta gi wujèɗ ɗè? Ta woy a ta zli skwi a Zhiklè te va man ta düdüɓè haha dè? ta woy a ta slambaɗda kwa a nkulama man vogwa a ndarda pa haha dè?

Néhémie 4:8

Ta tèlèba ta vhè ta ma a gèɗ, aman ta da gi vara Jérusalem, a ta da géɗèshèʼa.

Néhémie 6:15

Zlazlar nrufa ma, a ki Elul, mʼmèn 25, te deɓ mʼmèn 52.

Psaumes 71:10

Aman mayamhi ga ta ngryè, tengaʼa man ta pi va a nshèffè ga, ta vhè ma a ta gaɗa:

Ecclésiaste 3:3

Man tiɗè sam mbèzl skwi ma, ta bèzlèʼa; man tiɗè sam mʼmbel skwi ma, ta mbélèʼa. Man tiɗè sam nʼngél skwi ma, ta ngélèʼa; man tiɗè sam nrèm skwi ma, ta rèmèʼa.

Esaie 55:4

Na haha, i vau a ndo malwuɗai a sam ndohai, a ɓai, aman a ncè ta ma ndohi tèlèba.

Esaie 9:6

Kokwar-bi nengaʼa a da gi a mbiaʼa, a gumi a sam nʼnzi bi David, gumi te kokwar-bi nengaʼa tèlèba, a zhè a mèdèp; aman nengaʼa a da tilèʼa, a va na wuɗai te kita, te ngi-zuraʼa, a hinè antanta, a ndè a ma ma a mèdèp. Srak Zhiklè bi mbiaʼa a da gi arsa.

Daniel 8:11

A ngraʼa, a ndikè a sam bi skwihi te zhiklè, a ta va na skwi asaɓai ara man ta va na pèc pècèk a nciɗ sam a nciɗ sam. Sam nengaʼa nkezlaʼa ta ksardaussa.

Daniel 8:25

A maya nʼngwèdè ndo nengaʼa a da gedassa ndohi nkezlaʼa, a slaha a ngwode ta a maya na. A ngrè gèɗ kumba. Tsam-tsam a gedas ta ndohi kumba. A slambaɗa na va a bi a géɗ bihai, aman ta da tsedahai, ri ndo a ngia ka ɓai.

Daniel 9:23

Aman ka hüno ntsi rai, Zhiklè a ngoɗa, a i shkè aman i ngra ka, te man Zhiklè a woy ka kumba. Fu gèɗ a ma haha a ka sun nshunè ngaya.

Michée 5:1

Ka Bethlèhem, Ephrata, ka verzi nkèshèa te va gwoli Juda. Te ka bi Israel a da shkè auda; verzi nengaʼa daga zlè-zlèzlèʼa, daga nhinkaɗ sam.

Michée 5:2

A géɗ nasa Zhiklè a jèka ta a pa, ha tiɗè sam man ngwoz a da yi kra, a yaka kra ma, a njèkèɗi kramamhi na ta menkaɗa deɓa a sam ndohi Israel.

Matthew 13:23

Ngidè man a wusha a sam mbelaʼa, nara ndo man a tsena maʼa, a sun te ndav na, a yi wuda, ngiɗè 100, ngiɗè 60, ngiɗè 30 te verzi skwi staɗ.

Matthew 24:15

Aman kin rka skwi ngedassa haha, man a ndèrè a ndo, a zhè a sam nkezlaʼa ara man Daniel a hodko ma (aman ndo man a jèngèʼa da huro!) –

Marc 13:14

Aman kin rka skwi ngedassaʼa man a ndèrè a ndo a zhè a sam man ta woya a pa ɓai (ndo man a jèngèʼa, da huro), ndohi te Judée sèi da hu ta a za.

Jean 1:41

Nengaʼa a nʼngots Simon, kramam na, nshè-lèkuraʼa, a ngaɗa na: Nga ngots Messie (ara ngèɗè, ndo man ta bada na mbar a geɗ).

Jean 4:25

Ngwoz a ngaɗa na: I suna, Messie a di a shkè, ta baha na Kristi. Aman nengaʼa a da shkè ma, a da senda nga skwi tèlèba.

Actes 3:15

Aman Bi nshèffè, kin keɗaʼa. Nengaʼa, Zhiklè a nslambaâda te ndev ndohi mʼmetsaʼa. Nga ndohi malwuɗihi te skwi haha.

Actes 5:31

Nengaʼa, Zhiklè a nzalaʼa a ri mandi nengaʼa, aman a gi a ndo ncè ta ma ndohai, a ndo mʼmbel ndo, aman kokwar Israel a ngwèdè ndav na, a ngècè mpre malai.

Actes 8:30

A Philippe a mhau, a ntsena ara man a jongo ma ndo nhadka ma Esaie, a ngaɗa: Ka tsena skwi man ka jèngè dè?

Ephésiens 5:16

Va-hera na gèɗ a va mizlinè! Sam ambaɓai.

Apocalypse 1:5

te Yèsu Kristi, ndo malwuɗi nzuraʼa, tsuvomaʼa te nslambaɗkaɗauda te va ndohi mʼmetsaʼa, bai a géɗ bihi herkeda. Nengaʼa man a woy nga a ndav na, a mpreka nga auda te mali nga a Pombaz nengaʼa,

Apocalypse 19:16

Nzlembaɗ ngiɗè mwindèa a maslaka na, a tataya nengaʼa: Bai a géɗ bihai, mbiaʼa a géɗ mbibihiaʼa.