Daniel 9:24 - Ma Zhiklè

²⁴ Nga va ta mvi 70 a ndohi ngaya a kokwar ngaya nkezlaʼa, ha mphömè a mali nʼnga tèlèba ma, ha mali ta mpela ma, a ngi-zuraʼa a zhè a mèdèp, ha ma nshunè a ma ndo nhadka ma a ndikè a pa, a ta bada na mbar a gèɗ a ndo nkezlaʼa a géɗ ndohi nkezli nkezlaʼa tèlèba.

Daniel 9:24 ပူးပေါင်းရင်းမြစ်များ

II Chroniques 29:24

A ndohi mvi skwi a Zhiklè ta zloho, a ta guceda Pombaz a sam sak sam mvi skwi a Zhiklè, a mpèn mali ndohi Israel tèlèba. Bai a ngoɗ aman ta ndèr skwai a ta zli skwai a géɗ Israel tèlèba.

Psaumes 2:6

Iyè man i feda bi ga a Sion, a géɗ za ga nkezlaʼa.

Psaumes 45:7

Sam nʼnzi bi ngaya a nzi a ma ma a mèdèp; gada bi ngaya, gada bi ngi-zuraʼa.

Esaie 42:4

Nengaʼa a kéɗè gèɗ a hi azɓai, a pèslèʼa azɓai, ha a mpu saba ma nzuraʼa tʼherkeda tèlèba; a ndohi tʼherkeda te ndev iyam ta zhèr ma nengaʼa.

Esaie 51:6

Va-ceda gèɗ azhiklè, va-pu di a hai a herkeda! Giɗfèk, a da cizl na, a kezli gèɗ ara vodzok, a herkeda a da hèl na ara masl, a ndohi te pa ta bazl ta ara dzuwaj. Aman skwi mʼmbel ndo ga a nzi a mèdèp; ngi-zura ga a ndiv azɓai.

Esaie 51:8

Ta ndiv ta ara maslaka man nfafar a ndiaʼa, ara bkwi man duho a shiɗèʼa. Aman ngi-zura ga a nzi a mèdèp; skwi mʼmbel ndo ga a dè a ma ma te verzi wud wuda.

Esaie 56:1

Ndo nzi pèc pècèk a goɗ arsa: va-dzodzor ma kita, va-gu zuraʼa, skwi mʼmbel ndo ga a shkè ndul ndul; a ngi zura ga a gudoko va auda a di ndohai ndul ndul.

Esaie 61:1

Mèzhèɓ Bi Zhiklè a zhè a géɗ ga. Nengaʼa a mfaɗayè mbár a gèɗ, a nzlindyè, aman i njè ta ma mbelaʼa a mbelaw ndohai, aman i bid ta ndohi man ndav ta a kuɗai, a i njè ta ndohi dangai, a ta pra ma, a ndohi ndzawaʼa, a skwi ndzaw ta matsa mpra ma;

Lamentations de Jérémie 4:22

Kokwar Sion, mali ngaya mpana ma, kin dè ɓèlè asaɓai. Aman kinè, ndohi Edom, kin ngècè kita a géɗ mali kinè, mali kinè a ngredè auda.

Ezéchiel 28:12

Ka ndo, hün ntsi nguzlah a géɗ bi Tyr, a ka gaɗa na: Bi Zhiklè a gaɗa: Te va nasa ka ara mèzhèɓ skwi mbelaʼa, a maya tèlèba, a mbambi tèlèba.

Ezéchiel 4:5

Mvi mali tengaʼa, i ngra ka a gèɗ ara mʼmènè, a gi 190. Ka cè mali ndohi Israel agèd ngaya.

Ezéchiel 4:6

Aman ka ndikeda ma, ngwoda va a zlazlar ri mandi ngaya a ka ceda mali ndohi Juda, mʼmèn 40. Mʼmèn staɗ a géɗ mvi staɗ.

Lèv. 25:8

Te deɓaʼa ka ngrè mvi nshèk va tsaraɗ, mvi tsaraɗ, sak tsaraɗ, a gi tèlè mvi 49.

Lèv. 8:15

A Moise a nzlahaʼa, a nco Pombaz, a nʼnècèda kra ri na a va Pombaz, a mfaɗda a drom sam mvi skwi a Zhiklè, a ncè na mali auda a gèɗ. Njèkèɗi Pombaz, a mbada a herkeda a sam mvi skwi a Zhiklè, Aranta a nkezlaʼa, a ngatsa na skwi mpil gèɗ.

Zacharie 4:14

Nengaʼa a ngaɗa: Nasa tengahi cèw, man i bada ta mbar a gèɗ, a ta zlècè a sam Bi Zhiklè herkeda tèlèba.

Nombres 14:34

Aman to do a ta zeɓi kokwar, mʼmèn 40, ta vi a hèshèkèɗ 40 te diaʼa; te di pats staɗ, mvi staɗ, a géɗ mali kinè; a kin da rkaʼa, man i woy kinè a deɓa azbai.

Matthew 1:21

A da yi kra nguraʼa, a ka da va na nzlembaɗ nengaʼa Yèsu, aman nengaʼa a da mbel ta ndohi nengaʼa te mali tengaʼa.

Matthew 11:13

Ko ndohi nhadka ma, ko ma kita, ta hodko ma, ha nshkè Jean.

Matthew 4:5

A bi madzagai a nʼnda Yèsu a kokwar nkezlaʼa, a géɗ gi Zhiklè,

Marc 1:24

Nga gakaɗa a ka mè, Yèsu te Nazareth? Ka shkè a ngédèsh nga ɗè? I sun ngakaɗ ngaya. Ka ndo man Zhiklè a nkezlaʼa!

Luke 1:35

A gol Zhiklè a mʼmbeɗa na a ma: Mèzhèɓ Zhiklè nkezlaʼa a di a shkè a géɗ ngaya, a wuɗi Zhiklè te géɗèʼa a da nzi a géɗ ngaya. Gar haha kra man ka da yiaʼa, nkezlaʼa, ta da baha na kra Zhiklè.

Luke 21:22

Aman nasa pats ndzoan Zhiklè, skwi tèlèba a di a giaʼa, ara man ta windo te ɗèlèwèr Zhiklè.

Jean 1:41

Nengaʼa a nʼngots Simon, kramam na, nshè-lèkuraʼa, a ngaɗa na: Nga ngots Messie (ara ngèɗè, ndo man ta bada na mbar a geɗ).

Jean 3:34

Ndo man Zhiklè a zlündo, a gèɗè ma Zhiklè. Zhiklè a vi Mèzhèɓ na a livè azɓai.

Actes 3:14

Aman kin tsokol ma a géɗ ndo man Zhiklè a nkezlaʼa, ndo nzuraʼa, a kin dzhoɗo, aman ta va kinè ndo nkeɗ ndo.

Actes 3:22

Aman Moise a ngaɗa: Bai, Zhiklè kinè, a di a slambaɗda kinè ndo nhadka ma te ndev kramamhi kinè, ara iyè. Sèi kin cinè skwi tèlèba man a da gaɗa kinè.

Actes 4:26

Bihi herkeda, a wudahi bai ta ɓicko va, aman ta slambaɗa na va a Bi Zhiklè a Kristi nengaʼa.

Romans 5:10

Aman Zhiklè a mʼmenda gumi a hai te mʼmetsi kra nengaʼa, te va man nga mayamhi Zhiklè dai, holholaʼa antanta, man gèɗ nga mpela ma, nga da mbel nga te nshèffe nengaʼa.

1 Corinthians 1:30

Kinè a zhè te Yèsu Kristi a géɗ Bi Zhiklè, aman Yèsu a ngi a maya nga, a ge nga a ndohi nzuraʼa, a kezla ndav nga, a Preka nga auda;

Philippiens 3:9

a ta da ngatsyè te nengaʼa. I ga a ndo nzuraʼa ga a géɗ man i fu gèɗ a ma kita Zhiklè ka ɓai; aman ngi-zuraʼa man a shkè te ncè Yèsu Kristi a ndav, ngi-zuraʼa man a shkè te Bi Zhiklè a géɗ ncè-a-ndav.

Colossiens 1:20

Te nengaʼa Zhiklè a mʼmenda gumai a hai a gèɗ skwi tèlèba, ko a géɗ herkeda, ko te zhiklè te géɗèʼa, te man a tsu gumi a Pombaz nengaʼa a deɓ wof ngézlèl na.

Colossiens 2:14

A ngedassa ɗèlèwèr kita man a pin nga, man a fa nga ma a gèɗ. A nco auda te ndev nga, a ndizlda wof ngézlèl na.

Hébreux 10:14

A skwi man a va na Zhiklè sak staɗ, a nʼnge ta ndohi man ta kezla ndav ta, jèlèlèʼa a mèdèp.

Hébreux 2:17

A géɗ nasa sèi nʼngaʼa lèmèlèmè te skwi tèlèba ara kramamhi na, nʼngaʼa a bi ndohi mvi skwi a Zhiklè a sam di Zhiklè, nlèɓèslèa, man ndo a sia te va, man a mpela gèɗ mali ndohai.

Hébreux 7:26

A vava, sèi bi ndohi mvi skwi a Zhiklè aranta ambaha nga: ndo man a gi skwi ambaha Zhiklè, malai, a derɗa, az a sam na ɓai, va nkezla a sam ndohi malihai, a ta daʼa a géɗèʼa, a zhiklè.

Hébreux 9:26

Man ar haha, ar a nsu matakwan te nhinkaɗ herkeda pats ngiɗè pats ngiɗè kumba. Aman antanta, man patshi herkeda ta woy a ta ndiv ta, a ngudko va a di sak staɗ, a mvau nshèffè a ri na a skwi mpil gèɗ mali nga.

2 Peter 1:1

Simon Pierre, ɓèlè, ndo sak Yèsu Kristi, a sam tengahi man ta ngots ncè-a-ndav mbelaʼa lèmèlèmè ara nga, te ngi-zura Bi Zhiklè a Ndo mʼmbel nga Yèsu Kristi.

1 John 3:8

Ndo man a gi malai, nengaʼa ndo bi madzagai, aman bi madzagai ndo mali te nhinkaɗ na. Kra Zhiklè a shkè, aman a ngedassa mizlinè bi madzagai.

Apocalypse 14:6

A i rka gol Zhiklè ngiɗè, man a hi ara ɗiak te ndev giɗfèk, a nʼngots ma mbelaʼa man a nzi a mèdèp, man a njè ta ndohi a géɗ herkeda tsaɗ tsaɗ tèlèba, a verzi ndohi herkeda, a ndohi a daʼai ta tsaɗ tsaɗ, man ndo genè,

Apocalypse 3:7

Winda na tsuvom mpi ndohi Zhiklè te kokwar Philadelphie: Nengaʼa man nkezla, ndo nzuraʼa man a ngots skwi mwinè ntamagi man a David, man a winèʼa, ndo ngiɗè a slaha a mpizlè te deɓaʼa ɓai. Man a mpizlèa, ndo ngiɗè a slaha a mwinè te deɓaʼa ɓai. Nengaʼa a goɗ ar haha: