Daniel 9:18 - Ma Zhiklè

¹⁸ Zhiklè ga, fu zlembaɗ a ka tsenaʼa, pu dai a ka rka skwi ngedas nga a kokwar man ta va na nzlembaɗ ngaya. Aman nga tsi ri a sam ngaya, nga gada: nga ndohi nzura ka ɓai; nga pi di a ka a géɗ man ndo a se ka te va.

Daniel 9:18 ပူးပေါင်းရင်းမြစ်များ

I Rois 8:29

Ka cèma na di a gi haha ɓai, ko a pats ba, ko a vaɗ ba, a géɗ sam man ka goɗ te nengaʼa: Nzlembaɗ ga da nza a pa! A ka tsena ntsi ri man ɓèl ngaya a tsi ri a sam na haha.

II Rois 19:16

Fu zlembaɗ a ka tsenaʼa! Ndo nzi pèc pècèk, pu dai a ka rkaʼa! Tsun ma man Sanchérib a nzlündo haha, a ndurɗo Zhiklè man a zhè a nshèffè a vna.

Psaumes 116:1

I woy Ndo nzi pèc pècèk a ndav ga, aman nengaʼa a tsena daʼai ga, aman i kuɗi a sam na.

Psaumes 25:6

Ndo nzi pèc pècèk, hur ara man nga se ka te va, hur mwoy-ndo ngaya man a zhè tʼhinkaɗ na.

Exode 3:7

Ndo nzi pèc pècèk a ngaɗa: I rka matakwan ndohi ga te kokwar Egypte, a i tsena lalau tengaʼa a géɗ ndohi man ta ndzaraha ta a wuɗai. Na haha i sun matakwan tengaʼa.

Esaie 37:17

Fu zlembaɗ a ka tsenaʼa! Pu di a ka rkaʼa! Tsun ma man Sanchérib a zlündo a haha, a nderɗe Zhiklè man a zhè a nshèffè a vna.

Esaie 43:7

Ta tèlèba man ta co nzlembaɗ ga, man i pe ta, a i ge ta, a ta gi a nʼnjèl ga.

Esaie 64:6

Ndo azɓai man a ntsu ri a nzlembaɗ ngaya, man a nslambaɗa, a ngshè va a ka, te man ka ngheda va ngaya a sam nga; ka jèke nga a ri a mali nga.

Jérémie 14:7

Mali a ngwoda nga va a gèɗ! Ndo nzi pèc pècèk, takaha nga, a géɗ nzlembaɗ ngaya! Nga jèke ka, a nga gu mali a sam ngaya kumba.

Jérémie 14:9

Ka ara ndo man zlau a dza na èhèmè, ara ngul ndo man a slaha a mbel ndo ɓai èhèmè? Aman ka te ndev nga, Ndo nzi pèc pècèk; ta baha nga a nzlembaɗ ngaya. Ka jèke nga ɓai!

Jérémie 15:16

Aman ka gu ara man ka goɗo, ambahayè. I wuffè a géɗ ma ngaya. I wuffè te ndav ga, a géɗ man i ngots nzlembaɗ ngaya, Ndo nzi pèc pè-cèk, Zhiklè bi mbiaʼa.

Jérémie 25:29

Aman i hinè ngi skwi ambaɓiaʼa te kokwar man ta baha na a nzlembaɗ ga; a kinè, i ga kinè kita azɓi ɗè? Aʼai, kin ngècè kita genè; aman i zlinde tsakwal a sam ndohi herkeda tèlèba, Zhiklè bi mbiaʼa a gaɗa.

Jérémie 36:7

Wa ngiɗè ba ta da kèlèhi a deɓ sak Ndo nzi pèc pècèk, a ta jèkeda civèɗ tenga ambaɓiaʼa, staɗ staɗ tèlèba, a ta menkaɗa deɓa. Aman Ndo nzi pèc pècèk a gi ndav kumba, a ndzoan man a guv ta ndohi haha a vna.

Jérémie 37:20

Anai, bai, bi ga, tsenaʼa! I tsi ri a ka! Ka diyè a deɓa a gi Jonathan, ndo mwindè ɗèlèwèr, ɓai, i da mets a pa ɓai!

Ezéchiel 36:22

Gar haha gaɗa ta ndohi Israel: Bi Zhiklè a goɗ ar haha: Skwi man i giaʼa, a gi a géɗ kinè ka ɓai, ndohi Israel; aman a géɗ nzlembaɗ ga nkezlaʼa, man kin derɗaʼa te ndev ndohi herkeda man kin nzakaɗa sam ta.

Ezéchiel 36:32

Skwi man i giaʼa, i gi a géɗ kinè ka ɓai, Bi Zhiklè a gaɗa. Sei kin shinèʼa. Hori da keɗ kinè, gèɗ kinè da dzakaɓ na, a géɗ civèɗ kinè, ndohi gi Israel!

Daniel 9:7

Ka Bi Zhiklè, ka gi zuraʼa; aman hori a di nga, a patsna, a ndohi Juda a Israel tèlèba, ko ndul ndul, ko dra, tʼherkeda tèlèba a sam man ka dzam ta a gèɗ mali man ta gu a sam ngaya.

Nombres 6:27

Aman ka fa ta nzlembaɗ ga a géɗ a ndohi Israel aranta, iyè man i da pshè ta ma.

1 Corinthians 1:2

a sam mpi ndohi Zhiklè te Corinthe, a sam ndohi man Yèsu Kristi a nkezla ndav ta, man Bi Zhiklè a mbaha ta a ndohi nkezlaʼa; a sam ndohi tèlèba, a sam tèlèba, man ta tsi ri a nzlembaɗ Bi nga Yèsu Kristi – Bi tengaʼa, Bi nga, cèw ba: