Daniel 9:13 - Ma Zhiklè

¹³ Ara man ta Windo te ɗèlèwèr ma kita Moise, skwi mwuɗitpa mbiaʼa haha tèlèba a mshkè a gèɗ nga. Ko gar haha nga mbatsedaha ndzoan Ndo nzi pèc pècèk, Zhiklè nga, a hi ɓai, a nga ngwoda na deɓa a mali ɓai, a nga dzadzara ma nzura ngaya ɓai.

Daniel 9:13 ပူးပေါင်းရင်းမြစ်များ

II Rois 22:16

Ndo nzi pèc pècèk a goɗa ar haha: Na haha i da zlindè matakwan a sata, a géɗ ndohi kokwaraʼa, skwi tèlèba man a Windo te ɗèlèwèr man bi Juda a njongo.

Job 36:13

Ndohi man ndav ta nsassaya, man ta gi ndav, Zhiklè a dzaw ta, ta kuɗi a sam Zhiklè azɓai.

Psaumes 119:18

Winay di ga, a i rka nrkedi ma kita ngaya.

Psaumes 119:27

Ngray civèɗ ma nkwèr ngaya, a i hérèʼa a gèɗ nrkedi ngaya.

Psaumes 119:73

Ri ngaya a ngiyè, a ntilyè. Vay maya a gèɗ, aman i shindè ma nkwèr ngaya.

Psaumes 85:4

Ndzoan ngaya tèlèba ka menda a deɓa, ka jèkeda ngi-ndav man ka gu a vata.

Esaie 31:1

Wobau a géɗ ndohi man ta dè hi a kokwar Egypte, a ta hèsh skwi ntakaha ta te pa. Ndohi man ta pi ndav a plèsh a kiki var, man ta zhè kumba, a ta pi ndav a ndohi plèsh, man ta zhè a vata, aman ta pa ndav a Zhiklè ɓai, a ta jhèɗè te ri nengaʼa azɓai.

Esaie 42:9

Skwi nshè-lèkuraʼa, anai nʼnga ma, i ngreda kinè skwi mɓuaʼa. Ga a fcè, i ngreda kinè lan-ga.

Esaie 43:22

Jacob, ka mʼmbahay ka ɓai! Israel, ka geda matakwan a va a verzi ga ɓai.

Esaie 64:6

Ndo azɓai man a ntsu ri a nzlembaɗ ngaya, man a nslambaɗa, a ngshè va a ka, te man ka ngheda va ngaya a sam nga; ka jèke nga a ri a mali nga.

Esaie 64:7

Aman Ndo nzi pèc pècèk, anai ka bab nga! Nga rɓasl, ka ndo nram nga, nga tèlèba skwi man ka gu a ri ngaya.

Esaie 9:13

Ndo nzi pèc pècèk a nʼngelama na gèɗ a hutor a Israel, kuza nwuzaɗ a gangar, a pats staɗ.

Jérémie 2:30

I bazl ta wudahi kinè ambalai. Ko i ngatsa ta maya arsa, ta ca ɓai. Kin bazl ta ndohi nhadka ma kinè a tsakwal, kin bazl ta ara marizhèlè man a cizlè skwai.

Jérémie 30:14

Mandalahi ngaya, man ta woy ka, ka pca ta a gèɗ. Ta hér ka azɓai, te man i tse ka ara ndo mayam; i ngatsa ka maya mwuɗitpa, a géɗ maharam ngaya mbiaʼa, a géɗ mali ngaya mwuɗitpa.

Jérémie 31:18

I tsena Ephraim man a kuɗai: Ka gay ndzoan, ka tsyè ara zlè, ara ndo mizlinè ka ɓai. Ngwodkoy ndav ga, a ndav ga nʼngwoda, te man ka Ndo nzi pèc pècèk, Zhiklè ga.

Jérémie 44:23

A géɗ man kin vau skwi a kin gau malai a sam Ndo nzi pèc pècèk, kin tsena ma nengaʼa ɓai, a kin dzadzara ma kita nengaʼa ɓai, ma nkwèr nengaʼa, ma malwuɗi nengaʼa, a géɗ nengaʼa kin kala a matakwan, ara man kinè te pa, a patsna.

Jérémie 44:27

lyè i da war ta; i da ga ta matakwan, skwi mbelaʼa ka ɓai. Ta da zi ta, ndohi Juda tèlèba, man ta zhè te kokwar Egypte, a tsakwal, a mai, ha ta ndiv ta.

Jérémie 5:3

Ndo nzi pèc pècèk, di ngaya a woy ncèkèlma ɗè? Ka tse ta, a dzaha ta azɓai. Ka zler ta a sak, ta woy a ta tsena ɓai. Ta shfa di ta a fena kwa, ta woy a ta ngwoda ndav ta ɓai.

Lamentations de Jérémie 5:21

Ndo nzi pèc pècèk, hel nga a deɓa a sam ngaya, a nga menkada deɓa. Va-nga nshèffè mɓuaʼa ara zlèzlèʼa.

Ezéchiel 16:43

A géɗ man ka hera pats dali ngaya ɓai, a ka pokoy gèɗ ndav auda a skwi haha tèlèba, iyè ba i ngwoda ka mali ngaya a gèɗ, Bi Zhiklè a gaɗa. Ka mboh skwài, ka gu mphömè, tèlè ka bi dè?

Daniel 9:11

Ndohi Israel tèlèba ta tawaɗaha ma kita ngaya, a ta bez ta zlawa, a ta fa gèɗ a ma ngaya ɓai. Ndo nzi pèc pècèk a mphomde nga, a mʼmbèɗè, man a mwindo te ɗèlèwèr ma kita Moise, ɓèl Zhiklè, a gèɗ man nga gu malai a sam na.

Osée 7:10

Nfi va ndohi Israel a nʼngwoda ta va a gèɗ, aman ko aranta ta menkada deɓa a sam Ndo nzi pèc pècèk, Zhiklè tengaʼa ɓai, ko aranta ta woya ɓai.

Osée 7:14

Ta kuɗau a sam ga a ma genè, a ndav tèlè ka ɓai, aman ta manahi a matakwan. Ta gi zlau a géɗ dau a iyam nyi wof, a ta gi mèdègèɗ a sam ga.

Osée 7:7

Vogwa te pa, ara vogwa te rèwèc, a ta ndeda ndohi kita tengaʼa a ma. Bihi tengaʼa tèlèba klèng ma, ko staɗ azɓai man a bèhè a sam ga.

Luke 24:45

Te deɓaʼa a winè maya ta, aman ta sun ma Zhiklè, a ngaɗa ta:

Jean 10:35

Tengaʼa man a baha ta zhiklèhai, a géɗ man ma Zhiklè a ngoɗa. Ma ɗèlèwèr Zhiklè a cèkèlma azɓai.

Jean 6:45

Ta Windo te ɗèlèwèr ndohi nhadka ma: Zhiklè a slebda ta tèlèba. Ndo man a tsena ma Zhiklè, a shindè ma nengaʼa, nengaʼa a shkè a sam ga.

Jean 8:32

A di kin da shin ma nzuraʼa, a ma nzuraʼa a da pra kinè auda.

Ephésiens 4:21

kin tsena te nengaʼa tsaɗ, a kin slebau tsaɗ, ara ma Yèsu nzuraʼa a vava.

Deutéronome 29:4

Aman ha patsna, nda a gèɗ kinè di ɓai, ndav kinè a nzlembaɗ kinè mwine di ɓai.

Jacques 1:5

Aman maya ndo ngiɗè te ndev kinè a hcè, da tsu ri a Zhiklè, nengaʼa man a woya a va na ko wawa, a ndav amba, a jè-kaha azɓai.