Daniel 9:11 - Ma Zhiklè

¹¹ Ndohi Israel tèlèba ta tawaɗaha ma kita ngaya, a ta bez ta zlawa, a ta fa gèɗ a ma ngaya ɓai. Ndo nzi pèc pècèk a mphomde nga, a mʼmbèɗè, man a mwindo te ɗèlèwèr ma kita Moise, ɓèl Zhiklè, a gèɗ man nga gu malai a sam na.

Daniel 9:11 ပူးပေါင်းရင်းမြစ်များ

II Rois 18:12

a gèɗ man ta dzodzor ma Ndo nzi pèc pècèk, Zhiklè tengaʼa, ɓai, a gèɗ man ta tawaɗaha nderzlè-ma nengaʼa. Skwi tèlèba man Moise, ɓèl Ndo nzi pèc pècèk a njè ta a gèɗ, ta fa na gèɗ ɓai, ta dzadzara ɓai.

II Rois 22:16

Ndo nzi pèc pècèk a goɗa ar haha: Na haha i da zlindè matakwan a sata, a géɗ ndohi kokwaraʼa, skwi tèlèba man a Windo te ɗèlèwèr man bi Juda a njongo.

Esaie 1:3

Marai a sun ndo mʼmono, a kɗèh a sun gi bab na. Aman Israel a senyè ɓai; ndohi ga, maya ta azɓai.

Esaie 43:28

Gar haha bihi mizlinè Zhiklè, sèi i rka ta ara ndohi nderda Zhiklè. I jè-keɗa Jacob a ri a ndohi man ta phömdèʼa, a Israel a ri a ndohi man ta dérɗèʼa.

Jérémie 16:11

Ka da menda ta: A géɗ man babhi kinè ta kwolyè, Ndo nzi pèc pècèk a gada, a to do a verzi zhiklèhi ngidè, a ta gu mizlinè ta, a ta tsu ri a tengaʼa, a ta jèkyè a ta dzodzor ma kita ga bai.

Jérémie 2:29

Kin gay ma a va èhèmè? Kin gay ri a gèɗ tèlèba, Ndo nzi pèc pècèk a gaɗa.

Jérémie 30:14

Mandalahi ngaya, man ta woy ka, ka pca ta a gèɗ. Ta hér ka azɓai, te man i tse ka ara ndo mayam; i ngatsa ka maya mwuɗitpa, a géɗ maharam ngaya mbiaʼa, a géɗ mali ngaya mwuɗitpa.

Jérémie 32:23

Ta shkè a ta co a skwi ta, aman ta fa gèɗ a ma ngaya ɓai. Ta dzadzara ma kita ngaya ɓai, skwi tèlèba ta ga ara man ka njè ta a gèɗ bai. Te deɓaʼa ka wushede ta a matakwan haha tèlèba.

Jérémie 40:3

Ndo nzi pèc pècèk a ngau a nrufa skwi man a hodko ma a géɗèʼa, a géɗ man kin gu malai a sam Ndo nzi pèc pècèk, a kin tsena daʼai nengaʼa ɓai. A géɗ nengaʼa skwi haha a ga kinè.

Jérémie 44:22

Anai, Ndo nzi pèc pècèk a woya a nrka maya kinè man ambaɓai, a skwi hori man kin giaʼa, asaɓai. A géɗ nengaʼa kokwar nga ngedas na, a lèyè, mphomda, ndo a nzi a pa azɓai, ara man a zhè a patsna.

Jérémie 44:23

A géɗ man kin vau skwi a kin gau malai a sam Ndo nzi pèc pècèk, kin tsena ma nengaʼa ɓai, a kin dzadzara ma kita nengaʼa ɓai, ma nkwèr nengaʼa, ma malwuɗi nengaʼa, a géɗ nengaʼa kin kala a matakwan, ara man kinè te pa, a patsna.

Jérémie 6:19

Herkeda, fu zlembaɗ! I ngwoda ta matakwan a gèɗ a ndohi haha, a géɗ man ta kwolyè, ta woy a ta cè ma ga ɓai, ta derɗa ma kita ga.

Jérémie 9:26

a géɗ Egypte, a géɗ Juda, a géɗ Edom, a géɗ ndohi Ammon, a géɗ Moab, a géɗ ndohi man ta ngala gèɗ a ta zhè tʼhèshèkèɗ. Aman ndohi herkeda tèlèba ta lèmèlèmè, ndohi nʼngela ngwon ara ndohi man ta ngela ngwon ɓai; ndohi herkeda tèlèba a ndohi Israel tèlèba, ta tila ndav ta ɓai.

Daniel 9:13

Ara man ta Windo te ɗèlèwèr ma kita Moise, skwi mwuɗitpa mbiaʼa haha tèlèba a mshkè a gèɗ nga. Ko gar haha nga mbatsedaha ndzoan Ndo nzi pèc pècèk, Zhiklè nga, a hi ɓai, a nga ngwoda na deɓa a mali ɓai, a nga dzadzara ma nzura ngaya ɓai.

Daniel 9:5

Nga gu malai, nga gau ambaɓai, nga woy ka ɓai, nga kwol ka, nga jèkeda ma nkwèr ngaya, a ma ngaya man a de nga.

Zacharie 1:6

Aman ma ga, a skwi man i basla na gèɗ a va a i gaɗa ta ndohi mizlinè ga, ndohi nhadka ma, nʼnga ta babhi kinè ɓi ɗè? A ta menkaɗa deɓa a ta gaɗa: Skwi man Zhiklè bi mbiaʼa a nhur a da ga nga, ara civèɗ nga, ara mizlinè nga, nʼnga nga arsa a vava.

Zacharie 7:12

Ta sassaya ndav ta ara ɗazkwa, a ta tsena ma kita Zhiklè man a goɗ te ma ndohi nhadka ma nengaʼa te Mèzhèɓ nengaʼa ɓai. A Zhiklè bi mbiaʼa a ngu ndav a géɗ tengaʼa kumba.

Zacharie 8:13

Ndohi gi Juda a ndohi gi Israel: nzlembaɗ kinè skwi mphomdaʼa a sam ndohi herkeda te va nasa; anai i da mbél kinè, a kin gi a skwi mpshè ma. Kin gu zlau ɓai, va-nzala ri kinè!

Deutéronome 8:20

Ka da zi ngaya lèmèlèmè ara ndohi herkeda man Ndo nzi pèc pècèk a mbazl ta a ma ngaya, a gèɗ man ka tsena ma Ndo nzi pèc pècèk, Zhiklè ngaya, ɓai.