Daniel 8:8 - Ma Zhiklè

⁸ Mazawal nʼnga a mbiaʼa a vata. Aman wuɗi na a zhè holholaʼa ma, drom mbiaʼa a mpasl na. Dromhi mbiaʼa faɗ ngiɗè ta ftskaɗa a samaʼa, te civèɗ kozlar faɗ.

Daniel 8:8 ပူးပေါင်းရင်းမြစ်များ

II Chroniques 26:16

Aman wuɗi na a zhè ma, a nfi va, a nzeda. A ngu malai a sam Ndo nzi pèc pècèk, Zhiklè na. A ndo a gi Ndo nzi pèc pècèk, a nda ndèr ɓurdi a sam nʼndèr ɓurdi a Zhiklè.

Esther 9:4

Mardochée ndo mbiaʼa te gi bai, labar ma nengaʼa a zlèzlèmè te kokwar-bi tèlèba. A vava Mardochée a ngu mbiaʼa a ma ma.

Jérémie 49:36

I da bahka ta kozlarhi faɗ te verzi herkeda faɗ, a ta kala na va a Elam. I da ksar ta a kozlar sa, ndohi herkeda azɓai man ndohi Elam ta hu ta a pa ɓai.

Jérémie 5:27

Gi tengaʼa ara gojègwèr, nʼndha a ɗiakihai. Aranta ta ngots skwi ta te nʼngwèdè rai.

Ezéchiel 16:7

A ka grè a ma ma, ara skwi man a dai te dak, ka grè a ma ma a ka nde ngaya a bidalai, wa te ndav ma, gwots gèɗ ngaya ndzuva. Aman ka, ka adai, skwa az a va ngaya bai.

Ezéchiel 28:9

Te deɓaʼa, a sam di ndohi nkeɗe ka, ka da gaɗa: I Zhiklè za dè? Ka ndo, ka Zhiklè ka bai. Ka te ri ndohi man ta keɗe ka.

Daniel 11:4

Aman a ntsoko gèɗ na auda ma, kokwar-bi nengaʼa a nhus na ma, nksaraʼa a gèɗ herkeda te civèɗ kozlar faɗ. A ndohi te verzi nengaʼa ta ngècè asaɓai. Ta ngècè wuɗi ara nengaʼa azɓai, kokwar-bi nengaʼa ngedas na, a ndohi ngiɗè ta da ngècèʼa.

Daniel 4:31

Njiɗè ngèɗ te ma, ngèɗè a mshkè te zhiklè: I gaɗa ka a bi Nebucadnetsar!

Daniel 5:20

Aman ndav nengaʼa a fi va, ha gèɗ na a nze na, ta kolkoɗauda te bai. A ta cèma na wuɗi nengaʼa.

Daniel 7:2

Daniel a ngaɗa: I rka te nshunè a vaɗ, ara man kozlar te zhiklè, te tsagi faɗ, a ngeda iyam te woyam mbiaʼa.

Daniel 7:6

Ta gaɗa na: Slambaɗa, ndau zluèɗ kumba! A i pu dai, a i rka skwi dak ngiɗè lèmèlèmè ara nvalaval, kelpasl faɗ a va ara ɗiak. Gèɗ, a va skwi dak faɗ, a nʼngots wuɗai.

Daniel 8:22

Aman a mpasla dromhi ngiɗè faɗ man ta shkè auda a samaʼa, nasa kokwar-bihi faɗ man ta shkè auda te kokwar-bi nengaʼa. Aman mbi tengaʼa ara man a nengaʼa ka ɓai.

Daniel 8:5

A i woy a i sun verziaʼa, na haha: mazawal a mshkè te civèɗ nkèl pats, a gèɗ herkeda tèlèba, a mbècè sak na a herkeda azɓai. Mazawal sa a drom mbiaʼa a medi nengaʼa.

Daniel 8:7

I rka a ndikè a sam drok, ndav a ndza na a géɗ nengaʼa. A nkol drok, a mpaslama na drom cèw, wuɗi drok azɓai, a slaha a nzlècè a sam na azɓai. A ntseda drok a herkeda, a mbatsaha a sak, ndo a slaha a mbela drok te ri na ɓai.

Matthew 24:31

A nengaʼa a di a zlinde ta golahi nengaʼa, a ta tsi tolom mbiaʼa, a ta ɓic ta ndohi mparahiaʼa, te tsagi herkeda faɗ, te verzi gai, ndè a verzi gi ngiɗè.

Marc 13:27

Te deɓaʼa a da zlinde ta golahi nengaʼa, a ta ɓic ta ndohi man a mpar ta te tsagi herkeda faɗ, te verzi zhikiè, a ndè a verzi zhikiè ngiɗè.

Deutéronome 31:20

Aman i de ta ndohi haha a kokwar man i mbaɗa ta babhi tengaʼa i da va ta, kokwar man wa a vongwom a hi te pa, a ta da ndi skwi te pa a ta da ngeza hwaɗ, a ta gre ta. Te deɓaʼa ta da jèkyè, ta jèjèr zhiklèhi ngidè tsaɗ, ta tsi ri a tengaʼa. Ta da derɗyè, ta gi mali a sam nderzlè-ma ga.

Apocalypse 7:1

Te deɓ nasa i rka golahi Zhiklè faɗ, ta zlatsa te tsagi herkeda faɗ, kozlarhi herkeda faɗ te rai, a kozlar a gi azɓai a géɗ herkeda, ko a géɗ iyam mbiaʼa, ko te wof.