Daniel 8:3 - Ma Zhiklè

³ I rkaʼa ara man iyè a ma woyam Ulai. I pu dai a i ngul dai, a i rka drok, zuraʼa a ma woyam. Drom drok cèw, drom ngur-gurèʼa, ngiɗè a fena ngiɗè. Nengaʼa man a fena ngiɗè a greka te deɓaʼa.

Daniel 8:3 ပူးပေါင်းရင်းမြစ်များ

I Chroniques 21:16

David a mpu dai, a nrka gol Ndo nzi pèc pècèk, a nzlatsa tʼhwaɗ giɗfèk, a ngeda kafahi gwèsh a géɗ kokwar Jérusalem, a woya a ngedassaʼa. David a ndohi nhalaʼa, a maslaka sam kuɗa a va, ta kalahi a medi ta.

Esdras 1:2

Cyrus, bi Perse, a goɗ ar haha: Ndo nzi pèc pècèk, Zhiklè te zhiklè te géɗèʼa, a mvay kokwar-bihai a géɗ herkeda tèlèba, a ngaɗayè te ma na, aman a i rèm gi nengaʼa te Jérusalem, te Juda, zaʼa.

Esdras 4:5

Ta ruɓ ndohi mbibihiaʼa, aman ta gedassa mizlinè tengaʼa, te va man Cyrus, bi Perse, ha pats man Darius a ngu bi te Perse.

Esther 1:3

Aman a ngu bi te mvi mamakaraʼa, a ngu skwi nʼndi ngolala a wud bihai a ndohi mizlinè nengaʼa tèlèba. Ndohi var Perse a Mède, a ndohi ngomna a tsuvomhi kokwar tèlèba ta shkè a sam na.

Esaie 13:17

Na haha i poko ta gèɗ auda a ndohi Mèdes, man ta fa na gèɗ a verzhègenè a guro azɓai.

Esaie 21:2

Skwi mwuɗitpa man a da gi a ma a nrkay a dai: Ndo metsar a gi metsar, ndo ngédèshè skwai a gédèshè skwai. Ndohi Elam, vo-washkè dai! Ndohi Médie, va-ɗaha va! — I da ndevda na nlèyè na.

Esaie 44:28

I gaɗa na Cyrus: Ndo mɓer skwi ga! Da rufa skwi than i woya tèlèba! I gaɗa na Jérusalem: Da ram ka zaʼa! A géɗ gi Zhiklè: Da ɗaɗayda pa!

Jérémie 51:11

Va-tasla sulom, va-hul gambar! Ndo nzi pèc pècèk a mpoko ta gèɗ auda a bihi te Médie, aman a nhur maya, a woya a ngedassa Babylone. Nasa kita Ndo nzi pèc pècèk, skwi mpil gèɗ, man a jhèɗè a géɗ gi na.

Daniel 10:5

I pu dai, a i rkaʼa: Na haha, ndo ngiɗè a zhè a maslaka ntsentsai a va, deɓ ndzawaʼa a teɓa guro Uphaz.

Daniel 2:39

Gèd guro matsa, na ka. Te deɓ ngaya, kokwar-bi ngiɗè a shkè, az tar man a ngaya ɓai. Te deɓaʼa kokwar-bi mamakaraʼa a shkè, zi pats, a gi bi a géɗ herkeda tèlèba.

Daniel 5:31

Darius, ndo Mède, mvi nengaʼa 62, a nʼngots kokwar-bai.

Daniel 6:28

Daniel haha a grè a ma ma, te va man Darius bai, ha Cyrus, ndo Perse, bai.

Daniel 7:5

Skwi dak ngiɗè a mshkè, macecèwaʼa, lèmèlèmè ara kokoya, civèɗ va nengaʼa ngiɗè tʼhai, civèɗ va nengaʼa ngiɗè nzlatsa. Zlèʼèn mbibihia makar te ma, ta shkè auda te ndev zlèʼèn ngiɗè.

Daniel 8:2

I rkaʼa ara man i te Suse, kokwar mbiaʼa, te herkeda Elam.

Daniel 8:20

Drok a dromhi cèw man ka rkaʼa, nasa bihi Medes a Perses.

Zacharie 1:18

A i ceda gèɗ a zhiklè, a i pu dai: Na haha, dromhi faɗ.

Zacharie 2:1

A i ceda gèɗ a zhiklè, a i pu dai: Na haha, ndo ngiɗè a teɓa nlivè skwai te ri na.

Zacharie 5:1

A i ceda gèɗ a zhiklè zaʼa, a i pu dai: I rka ɗèlèwèr mpaɗaʼa man a hai, ara man kozlar a nhodo.

Zacharie 5:5

Gol Zhiklè man a ngaɗkayè, a mshkè, a ngaɗayè: Ceda gèɗ a zhiklè, war kokwi mpèv dau man a gudoko ka va a dai.

Zacharie 5:9

Aman i ceda gèɗ a zhiklè, a i pu dai, i rka ngwozi cèw ta shkè, ta hi ara kozlar, kelpasl tengaʼa ara kelpasl mangayak massai. Ta co kokwi mpèv dau a ta zuɓda a zhiklè, a hwaɗ giɗfèk.

Zacharie 6:1

A i ceda gèɗ a zhiklè zaʼa, a i pu dai: i rka kiki faɗ, ta shkè auda te ndev zahi cèw: Za züdo.

Nombres 24:2

A Balaam a nʼngul dai, a nrka ta ndohi Israel, ta nza te pa, ta ngela va, ara verzi ta, ara verzi ta, a mèzhèɓ Bi Zhiklè a zhè a géɗ nengaʼa.

Josué 5:13

Aman Josué ndul ndul a ndikè a kokwar Jéricho, a nceda gèɗ a zhiklè, a nʼngul dai, a nrka ndo staɗ man a nzlatsa zuraʼa a ma nengaʼa, tsakwal te rai, mphoa tʼuda. Josué a mdo a sam na, a ngaɗa: Ka gwoli man a nga ɗè, ka ndo mayam nga dè?

Apocalypse 13:11

A i rka skwi dak man a shkè auda tʼherkeda, a dromhi cèw lèmèlèmè ara kra tambak, a goɗ ngèɗè ara skwi man nara kedam.

Apocalypse 5:6

A i rka kra tambak te ndev sam nʼnzi bai a skwihi faɗ a nshèffè, a ndohi nhalaʼa; kra tambak sa ara man ta zlama na daʼai ma, a drom tsaraɗ, a di tsaraɗ. Nasa Mèzhèɓhi Zhiklè tsaraɗ man ta zlinde ta a herkeda tèlèba.