Daniel 7:9 - Ma Zhiklè

⁹ A ta feda sam nʼnzi bihi a pa, a ndo man nhala hurnjüfnjüfaʼa nʼnza a pa, maslaka nengaʼa nslekadaʼa ara gogumai, gwots gèɗ nengaʼa nslekaɗaʼa ara gwots tambak. Sam nʼnzi bi nengaʼa, nèʼèn vogwa, sak a sam nʼnzi bi nengaʼa ba, vogwa mvatsa.

Daniel 7:9 ပူးပေါင်းရင်းမြစ်များ

I Rois 22:19

A Michée a goɗ a vaʼa: Tsena ma Ndo nzi pèc pècèk a vaʼa di mènè! I rka Ndo nzi pèc pècèk, nʼnza a géɗ sam nʼnzi bi nengaʼa, a golahi var Zhiklè tèlèba ta zlatsa a tsagi nengaʼa, te civèɗ ri mandi ba, te civèɗ ri gula ba.

II Chroniques 18:18

A Michée a goɗ a vaʼa: Tsena ma Ndo nzi pèc pècèk a vaʼa di mènè! I rka Ndo nzi pèc pècèk nʼnza a géɗ sam nʼnzi bi nengaʼa, a golahi var Zhiklè tèlèba ta zlatsa a tsagi nengaʼa, te civèɗ ri mandai, te civèɗ ri gula ba.

Psaumes 45:8

Ngi-zuraʼa ambaha ka; ngi malai amba-ha ka ɓai. Gar haha Zhiklè a mbaɗa ka mbar a gèɗ a mwuffè, mbar mbelaʼa, a sam di golahi ngaya.

Psaumes 90:2

Aman za az di ɓai, a herkeda a skwi herkeda az di ɓai, te nhinkaɗ na ka Zhiklè ka zhè, pèc pècèk a ma ma ba a mèdèp.

Psaumes 93:2

Tʼhinkaɗ nasam nʼnzi bi ngaya nʼngaʼa, ka zhè zlèzlèa, sam nhin ngaya azɓai.

Esaie 6:1

Te mvi man bi Ozias a mʼmets na, i rka Bi Zhiklè a nza a géɗ sam nʼnzi mbiaʼa te géɗèʼa; ma maslaka man a va nengaʼa a nʼndha gi Zhiklè.

Esaie 9:6

Kokwar-bi nengaʼa a da gi a mbiaʼa, a gumi a sam nʼnzi bi David, gumi te kokwar-bi nengaʼa tèlèba, a zhè a mèdèp; aman nengaʼa a da tilèʼa, a va na wuɗai te kita, te ngi-zuraʼa, a hinè antanta, a ndè a ma ma a mèdèp. Srak Zhiklè bi mbiaʼa a da gi arsa.

Jérémie 49:38

Te deɓaʼa i da til sam nʼnzi bi ga te Elam, i da zede bihai a wud bihai te pa, Ndo nzi pèc pècèk a gaɗa.

Ezéchiel 1:26

Te géɗèʼa, nara saphir, kwa mbelaʼa; te vaʼa lèmèlèmè ara sam nʼnzi bai. A géd skwi man lèmèlèmè ara sam nʼnzi bi matsa, skwi nʼnza a pa ara ndo.

Daniel 7:13

A i rka te nshun ga a vaɗ: Ndo ngiɗè a mshkè te zhiklè, te va vanai, lèmèlèmè ara kra ndo. A mshkè a sam ndo nhala sa, a ta da a sam nengaʼa.

Daniel 7:22

ha ndo nhala sa a mshkè a mbèzlè kita, a ndohi Zhiklè nkezlaʼa ta ngots wuɗai, ha tiɗè sam man ndohi nkezlaʼa ta co kokwar-bai.

Michée 5:2

A géɗ nasa Zhiklè a jèka ta a pa, ha tiɗè sam man ngwoz a da yi kra, a yaka kra ma, a njèkèɗi kramamhi na ta menkaɗa deɓa a sam ndohi Israel.

Habakuk 1:12

Ndo nzi pèc pècèk, Zhiklè ga nkezlaʼa, ka daga zlè-zlèzlèa ka ɓi ɗè? Nga da metsi azɓai. Ka zlindeka ta ndohi haha a ka ga nga kita a gèɗ, ka zede nga. Tengaʼa ara ndohi sak ngaya, aman ta ngez nga.

Matthew 17:2

A Yèsu a nʼngwoda ta va a dai. Medi nengaʼa a si di ara pats, maslaka nengaʼa nday-ndayaʼa ara skwi nhél sam.

Matthew 28:3

Va nengaʼa ara ndidiyam, maslaka nengaʼa nslekaɗaʼa kuɗkuɗèʼa, ara gogumai.

Marc 9:3

A nʼngwoda ta va a dai. Maslaka nengaʼa nʼnge na nslekaɗa kuɗkuɗèʼa, a si dai, skwi nslekaɗa arsa azɓai tʼherkeda.

Actes 2:30

Nengaʼa ba a mʼmets na, a ta raʼa. Gi dzavi nengaʼa a zhè a sam nga, ha patsna. Nengaʼa ndo nhadka ma, a suna Zhiklè a ngaɗa na a mbèɗè, a woya a ngi aman verzi nengaʼa a nzi a géɗ sam nʼnzi bi nengaʼa.

Actes 2:33

Antanta ri mandi Zhiklè a nzalaʼa, a nʼngots Mèzhèɓ Zhiklè nkezlaʼa, man Bab Zhiklè a mpasla na rai, a foko nga skwi haha man kin rkaʼa, a kin tsenaʼa.

Philippiens 3:9

a ta da ngatsyè te nengaʼa. I ga a ndo nzuraʼa ga a géɗ man i fu gèɗ a ma kita Zhiklè ka ɓai; aman ngi-zuraʼa man a shkè te ncè Yèsu Kristi a ndav, ngi-zuraʼa man a shkè te Bi Zhiklè a géɗ ncè-a-ndav.

1 Timothy 6:16

nengaʼa staɗgenè, man a metsi azɓai, nengaʼa man a nzi a sam nhélaʼa, man nga slaha nga dè a pa azɓai, man ndo a nrka di ɓai, man ndo a slaha a nrka ɓai, nslébèrdè a wuɗai pèc pècèk a mèdèp. Amen.

1 John 1:5

Ma haha, nga tsenaʼa a sam Yèsu, a nga njè kinè: Zhiklè, skwi nhél sam, ruva az a sam na ɓai.

Apocalypse 1:14

Gwots gèɗ na nslekaɗa kuɗè-kuɗèa ara gogumai, di nengaʼa a vècè ara nèʼèn vogwa,

Apocalypse 19:18

a kin ndi zluèɗ bihai, a zluèɗ bi sojèhai, a zluèɗ ndohi wuɗai, a zluèɗ plèshihai a ndohi man ta nza a pa, a zluèɗ ndohi ngwai a ɓèlèlihai, ndohi nkèshèʼa a ndohi mbibihiaʼa.

Apocalypse 20:4

A i rka sam nʼnzi bihai, a ndohi man ta da gi kita, ta nza a pa. A i rka mèzhèɓ nshèffè ndohai, man ta zlama ta daʼai a géɗ malwuɗi Yèsu, a géɗ ma Zhiklè, a tengaʼa man ta tsu ri a skwi dak a skwi man ta gu ara nengaʼa, ɓai, a ta co lamba nengaʼa a medi tengaʼa, a ri tengaʼa, ɓai. A ta ngots nshèffè zaʼa, a ta gu bi a nda Kristi, mvi gozhèm staɗ.

Apocalypse 4:2

A i rka sam nʼnzi bai te zhiklè a zhè, a ndo a nʼnza a pa.