Daniel 7:25 - Ma Zhiklè

²⁵ A da ga na ma a va Zhiklè te géɗèʼa kumba, a da ga ta matakwan a ndohi Zhiklè nkezlaʼa, a woya a humbèɗè patshai, a humbèɗè ma kita. Zhiklè a da pe ta a ri nengaʼa nʼnzi a zhè, za nʼnzi a zhè zaʼa, za nʼnzi a zhè a rètaʼa zaʼa.

Daniel 7:25 ပူးပေါင်းရင်းမြစ်များ

Esaie 37:23

Ka ngwossaha wa, ka derɗe wa, ka gaɗa na ma nfi va a wa, ka paka na di nfi va a wa? A Zhiklè Israel nkezlaʼa.

Daniel 11:28

A nengaʼa a dè a minè a deɓa a kokwar na, a skwi mèshèlè kumba. Aman ndav nengaʼa a woya a ngedassa nderzlè-ma nkezlaʼa. A da gédèshèʼa, a minè a deɓa a kokwar na.

Daniel 12:7

A i tsena ma ndo man maslaka ntsentsai a va, te wud woyam ngiɗè, man a mpeda ri na cèw a zhiklè. A mʼmbaɗa a nzlembaɗ Zhiklè man a nzi a nshèffê a mèdèp: Te deɓ nʼnzi a zhè, za nʼnzi a zhè zaʼa, za nʼnzi a zhè a rètaʼa zaʼa. Aman wuɗi ndo ngedassa ndohi nkezlaʼa a ndev na ma, skwi haha tèlèba a gai.

Daniel 2:21

Nengaʼa man a veni pats a vaɗ, a sam prèk a sam dakwaɗ, a cko ndo auda te bai, a fi ndo a bai, a va ta maya a ndohi maya a nshin skwai a ndohi man ta sun skwai.

Daniel 3:26

Te deɓaʼa bi Nebucadnetsar a mdo a ma vèvèɗ vogwa, a mbaha ta: Shadrac, Méshac, a Abed-Nego, kinè ɓèlèlihi Zhiklè mbiaʼa te géɗèʼa, vo-washkè auda te vogwa! Vo-washkè a sam ga! A Shadrac a Méshac a Abed-Nego ta shkè auda te va vogwa.

Daniel 4:17

Golahi Zhiklè ta goɗ arsa, a ta goɗ ara man ndohi nkezlaʼa ta huro. A ndohi tèlèba man ta zhè a nshèffè ta da suna, Zhiklè te zhiklè te géɗèʼa a nʼngots wuɗai a géɗ kokwar-bi ndohai, a va na a ndo man a woyaʼa, ko mbelaw ndo a slaha a nfi a géɗ sam nʼnzi bai.

Daniel 4:2

Ambahayè, aman i njè kinè skwi man Zhiklè mbiaʼa te géɗèʼa a ngreda auda a nrkedi man a ngu a sam ga.

Daniel 4:25

Ndohi ta da kwol ka, a ka da nzi a va skwi dakhai. Ka da ndi mandai ara zlè. Minmèn a gi a iyam ngaya. A ka nzi aranta mvi tsaraɗ, ha ka suna, Zhiklè te zhiklè te géɗèʼa a nʼngots wuɗai a géɗ kokwar-bi ndohai, a va na a ndo man a woyaʼa.

Daniel 4:32

Kokwar-bi ngaya, i cedama te ri ngaya! Ndohi ta kwol ka, ka nzi a va skwi dak, ka ndi mandai ara zlè, ha mvi tsaraɗ klèng, ha ka suna, Zhiklè te géɗèʼa a nʼngots wuɗai a géɗ kokwar-bi ndohai, a va na a ndo man a woyaʼa.

Daniel 7:18

Ndohi Zhiklè nkezlaʼa ta da ngècè kokwar bai, a nzi te ri tengaʼa a ma ma a mèdèp.

Daniel 7:20

A i woy a i suna a géɗ dromhi nengaʼa te gèɗ kula, a drom ngiɗè man a nftska te pa a sam dromhi ngiɗè makar, a ngèɗè ma mbiaʼa, skwi mbiaʼa man a fena njèkèɗia ngiɗè.

Daniel 7:8

I wor drom; na haha drom ngiɗè nkèshèa a nftska te pa, a dromhi ngiɗè makar ta proslkoɗauda te pa a samaʼa. Di nengaʼa a zhè, ara di ndo; ma nengaʼa man a gèɗè ma mbiaʼa.

Daniel 8:11

A ngraʼa, a ndikè a sam bi skwihi te zhiklè, a ta va na skwi asaɓai ara man ta va na pèc pècèk a nciɗ sam a nciɗ sam. Sam nengaʼa nkezlaʼa ta ksardaussa.

Daniel 8:14

A ngaha na: Mʼmèn 2.300, vaɗ a pats. Te deɓaʼa ta da til sam nkezla zaʼa.

Daniel 8:9

Drom nkèshèʼa ngiɗè a mshkè auda te va drom ngiɗè staɗ, nʼnga a mbiaʼa a vata te civèɗ man a tsagai, te civèɗ mvèng pats, te civèɗ kokwar nkezlaʼa.

Daniel 9:27

A da derzlè ma zuraʼa a nda ndohi kumba, luma staɗ; tʼhwaɗ luma a gaɗa aman ta jèkeda mvi skwi a Zhiklè. Ndo ngedassa skwai a da gi skwi man a ndèr a ndo holholaʼa, ha skwi man a huro a da gédèshè skwi a vna, a kala na a gèɗ a nengaʼa.

Osée 7:16

Ta dè a ta woy Baal, ta ara lèkèɗ man a nʼngwoda ta va a gèɗ. Bihi tengaʼa sèi ta bazl ta a tsakwal, a géɗ ma tengaʼa man ta derdyè a vna. A ndohi Egypte ta da ngwossaha ta.

2 Thessalonians 2:3

Va-gau, aman ko staɗ da pe kinè a wi ɓai, pal ba. Aman patsaʼa a shkè di azɓai, sèi ndohi ta gi mèdègèɗ a sam Zhiklè holholaʼa, a ndo malai mbiaʼa a ngredekaɗ na auda, nengaʼa ndo ngedas ndo.

2 Thessalonians 2:4

Nengaʼa mayam, man a fi va a géɗ skwi Zhiklè tèlèba, a géɗ ntsi ri Zhiklè ba, a nzi a hai te gi Zhiklè, a da fi va na a Zhiklè.

2 Thessalonians 2:8

Te deɓaʼa tsam tsam ndo nderdè Zhiklè a da gudko va, a Bai Yèsu a di a keɗaʼa a nshèffè man a shkè auda te ma na; ngedè va Yèsu a zeda langa.

Apocalypse 12:14

A ta va na kelpasl Vezi mbiaʼa cèw a ngwoz, aman a slaha a nhi na a hèshèkèɗ, a sam nʼnzi na. Te pa ta va na skwi nʼndi mvi staɗ, a mvi ngiɗè cèw a rètaʼa, dra a sam zhüzhok.

Apocalypse 12:6

A ngwoz a mhu na a sam ngiɗè, man Zhiklè a ntila na, aman te pa ta va na skwi nʼndi mʼmèn 1.260.

Apocalypse 14:12

Na haha ndohi Zhiklè man ta zhèr skwia dai! Na haha tengahi man ta ɓür ma nkwèr Zhiklè, a ncè Yèsu a ndav.

Apocalypse 16:6

Tengaʼa sa a mbada Pombaz ndohi nhadka ma; a ka, ka va ta Pombaz aman a ta siaʼa. Amba aman ta ngotso arsa.

Apocalypse 17:6

A i rka ngwoz Pombaz ndohi nkezlaʼa a Pombaz ndohi malwuɗi Yèsu a nkeɗaʼa ara zom. A i rzl ga kumba, aman i rka ngwoz sa.

Apocalypse 18:24

a ta ngots Pombaz ndohi nhadka ma a ndohi Zhiklè, a ndohi tèlèba man ta bazl ta a géɗ herkeda, a sam ngaya.