Daniel 7:13 - Ma Zhiklè

¹³ A i rka te nshun ga a vaɗ: Ndo ngiɗè a mshkè te zhiklè, te va vanai, lèmèlèmè ara kra ndo. A mshkè a sam ndo nhala sa, a ta da a sam nengaʼa.

Daniel 7:13 ပူးပေါင်းရင်းမြစ်များ

Psaumes 110:2

Ndo nzi pèc pècèk a da gedè gaɗa bi ngaya nʼnzalaʼa te Sion. Gau bi te ndev ndohi mayamhi ngaya!

Psaumes 2:8

Dzhoɗo a sam ga, i da va ka ndohi herkeda a skwi nʼndi gi ngaya, kala verzi herkeda tèlèba ka ngècè a skwi ngaya.

Psaumes 47:5

Nengaʼa a ngatsa nga nʼnjèl Jacob, man ndav nengaʼa a woyaʼa, a skwi nʼndi gi nga.

Jérémie 49:19

Na haha ara marizhèlè a shkè auda a dzah woyam Jourdain, a sam nʼnzi nengaʼa te va nhèyè wof. Tsam-tsam a gi a Edom a hi na. A i da fi nengaʼa man i ngotskoɗauda a bi nengaʼa. Ngar iye wa? Nʼnjèy ma a gèɗ, wa? Bi man a salay va a gèɗ, wa?

Ezéchiel 1:26

Te géɗèʼa, nara saphir, kwa mbelaʼa; te vaʼa lèmèlèmè ara sam nʼnzi bai. A géd skwi man lèmèlèmè ara sam nʼnzi bi matsa, skwi nʼnza a pa ara ndo.

Daniel 2:44

Aman bihi matsa ta zhè, Zhiklè te zhiklè te géɗèʼa a da til kokwar-bai, man a nzi a mèdèp, a skwi a gé-dèshè azɓai, ndohi herkeda ta ngècè bi asaɓai. Nengaʼa a da bats ta kokwar-bihi haha tèlèba, a ngedas ta. Aman nengaʼa a nzi a mèdèp.

Daniel 7:12

A skwi dakhi ngiɗè ta cèmá ta wuɗi ta, a ta ngela kuma nshèffè ta.

Daniel 7:2

Daniel a ngaɗa: I rka te nshunè a vaɗ, ara man kozlar te zhiklè, te tsagi faɗ, a ngeda iyam te woyam mbiaʼa.

Daniel 7:22

ha ndo nhala sa a mshkè a mbèzlè kita, a ndohi Zhiklè nkezlaʼa ta ngots wuɗai, ha tiɗè sam man ndohi nkezlaʼa ta co kokwar-bai.

Daniel 7:9

A ta feda sam nʼnzi bihi a pa, a ndo man nhala hurnjüfnjüfaʼa nʼnza a pa, maslaka nengaʼa nslekadaʼa ara gogumai, gwots gèɗ nengaʼa nslekaɗaʼa ara gwots tambak. Sam nʼnzi bi nengaʼa, nèʼèn vogwa, sak a sam nʼnzi bi nengaʼa ba, vogwa mvatsa.

Daniel 8:15

Iyè Daniel i rka nshunè, a i hur a géɗèʼa, i woy a i sun verziaʼa. Na haha ndo ngiɗè a nzlatsa a pa, nguraʼa.

Matthew 13:41

Kra-ndo a di a zlündkodi golahi nengaʼa, a ta ɓicè ndohi tèlèba man ta slafadama ta sak a ndohai, a ndohi mphömè, te kokwar-Bi nengaʼa.

Matthew 24:30

Te deɓaʼa skwi nʼngrédè kra-ndo a ngrèdè auda te giɗfèk, a gerzi ndohi herkeda tèlèba ta tsi lalau, a ta rka kra-ndo man a shkè te va vanai, a wuɗai, a nʼnjel na mbiaʼa.

Matthew 25:31

Aman kra-ndo a shkè a nʼnjèl na, a nda golahi Zhiklè tèlèba, a da nzi a géɗ sam nʼnzi bi nʼnjèl na.

Matthew 26:64

A Yèsu a ngaɗa na: Ara ngèd ngaya! Aman i gaɗa kinè: Anai kin da rka kra-ndo a nzi te ri mandi Zhiklè, a da shkè te va vanai te zhiklè.

Matthew 28:18

A Yèsu a mshkè a sam ta, a ngaɗa ta: Wuɗi tèlèba te zhiklè ba, tʼherkeda ba, nte ri ga.

Matthew 8:20

Yèsu a ngaɗa na: Barkdadihai ta ngots vèvèɗ ta, ɗiakihai thwaɗ giɗfèk ta ngots gi ta, aman kra-ndo a nʼngatsa sam na ɓai, aman a fi gèɗ a pa.

Marc 13:26

Te deɓaʼa ta da rka kra-ndo man a shkè te va vanai, a wuɗi mbiaʼa, a nʼnjèl na.

Luke 21:27

Te deɓaʼa ta rka kra-ndo man a shkè te va vanai, a wuɗai a nʼnjèlè mbiaʼa.

Luke 21:36

Anai va-nza a dai, va-tsu ri pèc pècèk, aman kin zli va kinè auda a sam skwi haha tèlèba man a di a shkè, a kin slaha a kin zlècè a sam kra-ndo.

Luke 24:27

Te deɓaʼa a hinè a sam Moise, a sam ma ndohi nhadka ma tèlèba, a nsenda ta ma tèlèba te ɗèlèwèr Zhiklè a géɗ Yèsu.

Jean 12:34

A ndohi ta gaɗa na: Nga tsena te ma kita Zhiklè, Kristi a nzi a mèdèp. Ka, ka gaɗ ke: Sèi ta zlècèdè krando. Kra-ndo haha wa?

Jean 3:13

Ndo ngiɗè a dè zhiklè azɓai, sèi ndo man a shkè te zhiklè, nengaʼa kra-ndo man a zhè te zhiklè.

Jean 5:27

A mva na wuɗi-bai, aman a slaha a ngi kita, te man nengaʼa kra-ndo.

Actes 7:56

Na haha i rka giɗfèk mwinèa, kra-ndo nzlatsa te civèɗ ri mandi Zhiklè.

1 Thessalonians 4:17

Te deɓaʼa nga, njèkèɗiaʼa man nga a nshèffè, nga dè a nga humdè va a tengaʼa te va vanai, a nga zli gèɗ a Bai Yèsu tʼhwaɗ giɗfèk. Gar haha, nga da nzi a nda Bai Yèsu pèc pèck.

1 Timothy 6:16

nengaʼa staɗgenè, man a metsi azɓai, nengaʼa man a nzi a sam nhélaʼa, man nga slaha nga dè a pa azɓai, man ndo a nrka di ɓai, man ndo a slaha a nrka ɓai, nslébèrdè a wuɗai pèc pècèk a mèdèp. Amen.

Hébreux 2:14

Ara man wudahi ta ngots gada va a Pombaz ara ndohai, nengaʼa ba lèmèlèmè. Aman te mʼmetsi nengaʼa a nguzlo wuɗi te ri bi madzagai, man a ngots wuɗi mʼmetsai.

Hébreux 9:24

Aman Kristi a mdo a sam nkezlaʼa ɓai, man ri ndo a ngau, man a ngreda sam nkezlaʼa nzuraʼa genè. Aman a mdo a zhiklè tèp, aman anai a zlècè a sam di Zhiklè te di man a nga.

Apocalypse 1:13

te ndev sam nfi vogwahai, ndo staɗ, va na lèmèlèmè ara krando, sajibèr a va, guro mʼmana te ndav.

Apocalypse 1:18

ndo a nshèffe. Te va nasa i mets ga, na haha anai i nzi a nshèffe a mèdèp, a skwi mwinè a skwi mpizlè mʼmetsai, a sam mʼmetsai, nte ri ga.

Apocalypse 1:7

Na haha, nengaʼa a shkè te va vanai, a di staɗ staɗ tèlèba ta da rkaʼa; a ndohi ntuzo ba, a verzi ndohi herkeda tèlèba ta da gi wobau a géɗ nengaʼa. A vava, amen.

Apocalypse 14:14

A i rka vani nslekaɗaʼa. Ndo nʼnza a géɗ vanai, nara kra ndo, gèɗ mpaɗaʼa a guro, gwodza wètwètèʼa te rai.