Daniel 6:22 - Ma Zhiklè

²² Zhiklè ga a nzlündko gol nengaʼa, a mpizlèma ta ma a marizhèlèhai, a ta gay skwa ɓai, te man mali ga az a sam di nengaʼa ɓai. Ko a sam ngaya ba, bi ga, i ga ka skwi man ambaɓia ɓai.

Daniel 6:22 ပူးပေါင်းရင်းမြစ်များ

Genèse 40:15

Ta cyè a metsar te kokwar Hébreu; a haha ba i ga mali ɓai, man ta vyè a dangai a géɗèʼa.

II Samuel 22:7

Aman i gu zlau, i tsu ri a Ndo nzi pèc pècèk, a i kuɗi a sam Zhiklè ga. A nengaʼa a ntsena daʼai ga te gi nengaʼa, kuɗa ga a ntsena na a zlembaɗ.

I Rois 13:28

A nengaʼa a mdo, a nʼngots nckondo a zolom civèɗ, kɗèh a marizhèlè ta zlatsa a tsagiaʼa. Marizhèlè a nʼnda nckondo ɓai, a nʼnda kɗèh ɓai.

II Chroniques 32:21

Ndo nzi pèc pècèk a nzlündo bigol na man a nzeda ta ndohi var bi Assyrie, ngul ndohi tèlèba, wud bihai, a tsuvomhi ta. A gèɗ bi ndzakaɓ na, a mʼmen na a deɓa a kokwar na. A ndo a gi mbèh skwi na. Te pa ndohi verzi na ta keɗaʼa a tsakwal.

Psaumes 118:28

Ka Zhiklè ga, i woy a i shida ka gèɗ. Bi Zhiklè ga, i woy a i nzal ka.

Psaumes 26:6

Ri ga mpana, mali nlizha ɓai, a i dè a sam mvi skwi a ka, Ndo nzi pèc pècèk,

Psaumes 31:14

Halau, i tsena ara man ta ngryè. Zlau mbiaʼa a tsagi ga. Ta tèlèba ta vhè ma a géɗ ga, ta woy a ta zeday nshèffè ga.

Psaumes 34:7

Man mbelawa ngiɗè a boho, a Ndo nzi pèc pècèk a ntsenaʼa, a ntakaha te matakwan nengaʼa tèlèba.

Psaumes 38:21

man ta pelay skwi man amba a skwi man ambaɓai, man ta woyè ɓai, a géɗ man i jèjèr skwi man amba.

Psaumes 84:11

Aman pats staɗ te gala ngaya a fena mʼmèn 1.000 a dala. Dara man i zlatsa a ntamagi Zhiklè ga, a géɗ man i nzi te gi ndohi ambaɓihiaʼa tʼhwaɗaʼa.

Esaie 3:10

Va-gaɗa na ndo nzuraʼa: Mwuffè a sam ngaya! Aman nengaʼa a da ngècè skwi ntul mizlinè na.

Esaie 63:9

Ndo sak ka ɓai, gol Zhiklè ka ɓai, man a mbel ta; nengaʼa a ri na. Nenga a ri na a sumka ta a deɓa, te mwoy-ndo nengaʼa man ta sia te va. A wara ta dai, a mɓerka ta daga zlèzlèʼa.

Jérémie 37:18

Jérémie a ngaɗa na bi Sédécias: I ga mali mè a sam ngaya, a sam bigolahi ngaya, a sam ndohi haha, a ta fiyè a dangai?

Daniel 3:28

Bi Nebucadnetsar a nhüno a ngaɗa: Nga shid gèɗ a Zhiklè Shadrac, Méshac a Abed-Nego, a gèɗ man a nzlündo gol nengaʼa, a mbel ta ɓèlèlihi nengaʼa man ta pu ndav a vna, a ta fa gèɗ a ma bi ɓai. Ta huro: dara nga vi va nga, a nga slébèrdè zhiklè ngiâè azɓai, a nga tsi ri a zhiklè ngiɗè azɓai, sèi Zhiklè nga.

Daniel 6:20

Aman a nherda va, a mbaha na Daniel a daʼai kuɗa. Bai a nhüno a ngaɗa na Daniel: Wa Daniel, ɓèl Zhiklè man a zhè a nshèffè! Zhiklè ngaya man ka gi mizlinè nengaʼa pèc pècèk a slaha a mbel ka te ri marizhèlèhi dè?

Daniel 6:23

A bai a wuffè holholaʼa, a ngoɗa aman ta ckoɗi Daniel auda te vèvèɗ. A ta ckoɗi Daniel auda te vèvèɗ, mblè az a va ɓai, a géɗ man a mpu ndav a Zhiklè na.

Daniel 6:4

Te deɓaʼa bihi kokwarhai ta woy a ta ngècè malai a sam Daniel te mizlinè man a ga na bai. Aman ta ngatsa skwa ɓai, ta ngatsa mali ɓai, te man nengaʼa nlèɓèslèʼa, a nhera na gèɗ a va miztinè pèc pècèk. Ta ngatsa skwa a sam na ɓai.

Daniel 6:7

Ndohi mbibihiaʼa te kokwar-bi ngaya tèlèba, a nda ngomnahai, a nda bihi kokwarhai, a nda ndohi ncèmma, a nda bihi sojè, ta humda ma ta, bai da vau ma bi nengaʼa ngiɗè staɗ: Ko wawa man tʼhwaɗ mʼmèn 30 a tsi ri a sam zhiklè ngiɗè, a sam ndo ngiɗè, a sam ngaya, bai, staɗgenè ka ɓai, sèi ta da kalda a gi marizhèlè.

Michée 7:7

Aman iyè i woy a i pi di a Ndo nzi pèc pècèk, a i zhèr Zhiklè man a mbelyè. Zhiklè ga a da tsena ma ga.

Nombres 20:16

A nga kuɗau a sam Ndo nzi pèc pècèk, a nengaʼa a ntsena ma nga, a nzlündo gol nengaʼa, a nhelka nga auda te kokwar Egypte. Ani haha nga te Kades, kokwar a ma kuma kokwar ngaya.

Matthew 27:46

A Yèsu a mboho a wuɗai, a ngaɗa: Eli, Eli, lama sabachthani? Ara man a gaɗa: Zhiklè ga, Zhiklè ga, ka jèkyè èhèmè?

Actes 12:11

Aman maya Pierre a mʼmenkaɗ a pa ma, a ngaɗa: Antanta i sun a vava, Bi Zhiklè a nzlündkoɗi gol nengaʼa, aman a mbelyè te ri Hérode, te skwi tèlèba man ndohi Juif ta woy a ta giaʼa.

Actes 24:16

Te deɓaʼa i ba i shindè aman mèzhèɓ ndav ga amba pèc pècèk a sam Zhiklè, a sam ndohai.

Actes 27:23

Aman a vaɗ haha gol Zhiklè, man iyè a nengaʼa, a i gi mizlinè nengaʼa, nzlatsa a tsagi ga,

2 Corinthians 1:12

Nga jégèr va a géɗ skwi haha: Mèzhèɓ ndav nga a gi malwuɗai, aman nga nza a maya te nshèffè nga tʼherkeda, holholaʼa a sam kinè: ndav nkezlaʼa, a ndav nzuraʼa, ara Zhiklè man a woyaʼa, a maya ndo ka ɓai, aman a pombi Zhiklè.

2 Timothy 4:17

Aman Bai Yèsu a ntakahayè, a mvay wuɗai, aman i slaha a i njè ma kumba, a ndohi nte deɓa tèlèba ta tsenaʼa. Gar haha i mbelkaɗauda te ma marizhèlè.

Hébreux 1:14

Tengahi tèlèba mèzhèɓhi man ta gi mizlinè Zhiklè, man a takaha ta ndohai, aman ta ngècè skwi mʼmbel ta, ara nʼndi gai.

Hébreux 11:33

A géɗ ncè-a-ndav tengaʼa ta duma kokwar-bi ngiɗè, ta gau zuraʼa, a ta ngots skwi man mpasla ta rai, ta pizlèma na ma a marzihèlè,

I Samuel 17:37

David a ngaɗa: Ndo nzi pèc pècèk man a mbelyè te ri marizhèlè a kokoya, a da mbelyè te ri ndo Philistie haha ba. A Saul a ngaɗa na David: Do, Ndo nzi pèc pècèk da zhè a ka!

I Samuel 26:18

A ngaɗa: Bi ga a hi a verzi ɓèl na èhèmè? I ga mè? Skwi ambaɓia te ri ga mè?