Daniel 6:10 - Ma Zhiklè

¹⁰ Daniel, aman a ntsena ma ɗèlèwèr man bi a Windo, a ndo a gi na. Te gi nte géɗèʼa, nvakavar a zhè, mwinèʼa te civèɗ man a Jérusalem. A ngurɓahi sak makar a páts a pats, a ntsu ri a nslébèrdè Zhiklè nengaʼa, ara man a gu pèc pècèk.

Daniel 6:10 ပူးပေါင်းရင်းမြစ်များ

I Rois 8:30

Sèi ka tsena ntsi ri ɓèl ngaya, a ndohi Israel, ndohi ngaya, man ta tsi ri a ka, a sam na haha. A vava sèi ka cèʼa, a sam nʼnzi ngaya te zhiklè te géɗèʼa. Ka da tsenaʼa a ka da pra nga mali nga.

I Rois 8:38

skwi man ndawa ndawa a da tsi rai a géɗèʼa, a njhèɗèʼa, ko ndohi Israel, ndohi ngaya tèlèba ta tsi rai, a géɗ man staɗ staɗ tèlèba skwi man ambaɓai te ndav na a haka na gèɗ, a ta peda ri a zhiklè te gi haha,

I Rois 8:44

Aman ndohi ngaya ta da gi var a mayamhi tengaʼa, a civèɗ man ka zlinde ta a pa, a ta ngwoda na ma a kokwar man ka ngotskoɗauda, a gi man i gu a nzlembaɗ ngaya, a ta tsi ri a Ndo nzi pèc pècèk,

I Rois 8:54

Aman Salomon a ndeva ntsi ri a nkuɗi nengaʼa tèlèba a sam Ndo nzi pèc pècèk ma, a nslambaɗa a sam mvi skwi a Ndo nzi pèc pècèk, a sam man a ngurɓahai, a ngeda ri a zhiklè.

II Chroniques 6:13

Salomon a ngau sam zangalaʼa a züdo, te ndev gala, ngur nengaʼa a tsi ri 5, nguzlohaʼa a tsi ri 5, njüv na a tsi ri 3. A ntiva a pa, a ngurɓahai a sam di mpi ndohi Zhiklè tèlèba; a ngeda ri a zhiklè,

II Chroniques 6:38

a ta ngwodko ndav ta tèlèba a sam ngaya, a nhér gèɗ ta tèlèba, te kokwar man mayamhi tengaʼa ta par ta a ɓèlè, a ta ngwoda na ma a kokwar ta man ka va ta babhi ta, a kokwar man ka ngotskoɗauda, a gi man i gu a nzlembaɗ ngaya, a ta tsi rai,

Esdras 9:5

A dakwaɗ, man ta ndara na skwi a Zhiklè, i slambaɗa a hori a dai, a maslaka nkuratsa a va, a dawar nkuratsa a va, a i gurɓahai a i peda ri a Ndo nzi pèc pècèk, Zhiklè ga,

Néhémie 6:11

I gaɗa: I ngur ndo ka, a i hi dè? I ndo ambalai, i slaha a i dè a gi Zhiklè, a sam nkezlaʼa, a i nzi a nshèffè dè? I dè azɓai.

Psaumes 34:1

Man a David, a pats man a zhè a sam Abimélec; a David a gi ara ndo man madzagi a ga na, a Abimélec a ndza-maʼa.

Psaumes 5:7

Ka zede ta ndohi ncèkèlma. Ndohi nkéd ndo a ndohi nʼngwèdè rai ta ndara na Ndo nzi pèc pècèk.

Psaumes 55:17

I woy a i kuɗi a sam Bi Zhiklè, a Ndo nzi pèc pècèk a da mbelyè.

Psaumes 86:3

Ka Zhiklè ga, Bai, i da se ka te va! I tsi ri a ka pèc pècèk.

Psaumes 95:6

Vo-do a pa! Ngo-kolokoy a hai a deɓ sak nengaʼa! Ngo-gubdokoy deɓ a hai, a ngo-gurɓokoy a hai a sam Ndo nzi pèc pècèk man a ge nga.

Daniel 6:13

A ta hüno a ta gada na bai: Daniel, man ta ckoɗa va ndohi ɗèlè te Juda te va nasa, a hér ka azɓai, bi nga, a hér ma bi ngaya man ka Windo, azɓai. Sak makar a pats a pats a tsi ri a Zhiklè.

Daniel 9:4

a i tsu ri a Ndo nzi pèc pècèk, Zhiklè ga, a i nju ma, a i gada: Wa, Bi Zhiklè mbiaʼa, mwuɗitpa, man ka ɓer nderzlè-ma a sam ndohi man ta woy ka a ta jèjèr ma nkwèr ngaya, a ta se ka te va.

Jonas 2:4

Ka kaldyè a drav iyam, a iyam a zedyè a pa. Iyam a hai a mbizhèmay gèɗ a pa, i tʼhwaɗ iyam.

Marc 3:3

A Yèsu a ngaɗa na ndo man ri ngwora Slambaɗ ngay auda te ndev tengaʼa!

Luke 14:26

Ndo man a shkè a sam ga, a ngwoda na deɓa a bab na, a mam na, a ngwoz na, a wudahi na, a kramamhi na, a demamhi na, a nshèffè nengaʼa tèlèba, azɓai, a slaha man a ngi a gol ga ɓai.

Luke 22:41

A nengaʼa a mʼmenda va na a deɓa a sam ta, dra ara nkèl kwa a ndikè a pa, a ngurɓahai, a ntsu rai,

Actes 10:9

Te mangoslèmaʼa, aman ta zhè a civèɗ ndul ndul a ma kokwar, Pierre a nteva a géɗ gai, géɗ pats, aman a tsi rai.

Actes 2:15

Zom a keɗ ta ndohi haha azɓai, ara man kin huro; prèk di genè ma!

Actes 20:24

Aman i hera ɓai, i rka nshèffè ga ara skwi mèshèlè ka ɓai, i woya man i ndeva nhi ga genè a mwuffe, a mizlinè man i ngots te ri Bi Yèsu, a i gi malwuɗi ma mbelaʼa a pombi Zhiklè.

Actes 20:36

Aman a goɗ ma ar haha, a ngurɓahai, a ntsu ri a nda tengaʼa.

Actes 21:5

Aman nga ndeva mʼmèn te pa, ngo do a ma. A ta feda nga a ma kokwar, tèlèba a ngurhi a ngwozi a wudahi ba. A nga gurɓahai a dzah woyam, a nga tsu rai.

Actes 3:1

A pats ngiɗè, a dakwaɗ, Pierre a Jean to do a gi Zhiklè, aman ta tsi rai.

Actes 4:29

Antanta, Bi Zhiklè, sèi ka rka ngüvè tengaʼa a ka takaha ta ɓèlèlihi ngaya, aman ta nje ma ngaya a zlau ka ɓai.

Actes 5:20

Vo-do, va-zlatsa a gi Zhiklè, va-gaɗa ta ndohi ma nshèffè haha tèlèba!

Actes 5:29

A Pierre a ndohi sak ta mbeɗa ta a ma: Ndo da fu gèɗ a ma Zhiklè, a fena ma ndohai.

Actes 7:60

A nkalahi a gurmbèzh, a ngoɗ a wudar. Bi Zhiklè, ka da jèka ta mali tengaʼa haha a gèɗ ɓai! Aman a goɗ ma haha, a mʼmets na. Nkéɗ na ambaha Saul.

Actes 9:40

Aman Pierre a ndzar ta tèlèba auda ma, a nkalahi a deɓ sak nengaʼa, a ntsu rai, a nʼngwoda na ma a dem mʼmetsaʼa, a ngaɗa: Tabitha, slambaɗa! A nengaʼa a mwina dai, a nrka Pierre, a nʼnza a verzai.

Ephésiens 3:14

Gar haha i gürɓèhi a sam Bab Bi nga Yèsu Kristi,

Philippiens 1:14

a kramamhi kumba te Bi Zhiklè ta ngots wuɗi te man iye te dangai, a ta gu a ndohi slagama, a ta njè ma Zhiklè a zlau ka ɓai.

Philippiens 1:20

A i zhèrè te ndav, a i hérèʼa, i woy a i ngècè hori a di azɓai, ko te skwi staɗ. Pèc pècèk, ko antanta ba, i slébèrdè Kristi te va ga, a i fi gèɗ a vna, ko man i zhè a nshèffè, ko i metsi ga.

Philippiens 4:6

Kin hur gèɗ zlau ɓai! Aman te skwi tèlèba, va-tsu rai mbuh-mbuhaʼa, a nshid gèɗ a sam Bi Zhiklè.

Colossiens 3:17

Skwi tèlèba man kin giaʼa, ko a ma, ko a mizlinè, va-gu tèlèba a nzlembaɗ Bai Yèsu Kristi. Va-shüd gèɗ a Bab Zhiklè te nengaʼa!

Hébreux 13:15

Gar haha ngo-vokoy skwi nshid gèɗ a Zhiklè pèc pècèk; nasa ma nga, man a ngrédè nzlembaɗ nengaʼa.

Hébreux 4:16

Gar haha ngo-hurdokoy va a sam nʼnzi bi na, man pombi a ngècè a pa, a nga fi gèɗ a vna, a nga da ngècè nsi ndo te va a pombai a pats man a woy skwi ntakaha nga a zhè.

Apocalypse 2:10

Ka gu zlau matakwan man ka da sia ɓai! Na haha bi madzagai a da pe ta matrehiaʼa te ndev kinè a dangai, aman a jkédè kinè, a kin si matakwan mʼmèn kula. Nza a nlèɓèslè, ha ka metsi ngaya, a i da va ka mpèɗè gèɗ nshèffè.

Apocalypse 2:13

I sun sam nʼnzi ngaya, sam nʼnzi bi Sadan a pa. Aman ka gshè va a iyè genè, ka tsakal ma a géɗ ncè-a-ndav ɓai, ko pats man ta keɗa Antipas, ndo malwuɗi ga nzuraʼa a sam kinè, a sam man Sadan a nzi a pa.