Daniel 5:23 - Ma Zhiklè

²³ ka goɗ aman ta hulko ka kokwi te gi nengaʼa, a kinè a ndohi ngaya mbibihiaʼa a ngwozi ngaya a ngwozi kalak ngaya, kin si zom a vna. Ka slubordo zhiklèhi verzhègenè a guro a zi pats a züdo a wof a kwa, man ta rka di ɓai, man ta tsena zlembaɗ ɓai, man ta sun maya ɓai. Aman Bi Zhiklè man nshèffê ngaya te ri nengaʼa, man civèɗ ngaya tèlèba nte ri nengaʼa, ka slebarda bai.

Daniel 5:23 ပူးပေါင်းရင်းမြစ်များ

Genèse 14:19

A mpshè na ma, a ngaɗa na Abram: Zhiklè a géɗ skwi tèlèba, nengaʼa man a ngau giɗfèk a herkeda, a pshè na ma Abram.

Genèse 2:7

A Ndo nzi pèc pècèk Zhiklè a ngu ndo a mberfenèk herkeda, a nftè na nshèffè a htsan. Aranta, ndo a zhè a nshèffè ma.

II Rois 14:10

Ka bazl ta ndohi Edom, a ka grè gèɗ mènè! Nza a nfi va ngaya te ngwai! Ka kalde va ngaya, a va ndohi Juda, tèlèba a matakwan, a kin zi kinè èhèmè?

Job 12:10

Nshèffè ndohi tèlèba te ri na, mèzhèɓ ndohi tèlèba te ri na.

Job 31:4

Zhiklè a sun civèɗ ga, a ngrè sam sak ga tèlèba azɓi dè?

Psaumes 104:29

Aman ka nghede va ngaya ta gi zlau; aman ka cèma ta nshèffè, ta bazl ta, a ta minè a deɓa a va mberfenèk.

Psaumes 115:16

Giɗfèk, skwi Ndo nzi pèc pècèk; aman herkeda, a va ta a ri a wud ndohai.

Psaumes 139:3

Ko i dè, ko i mènèhai, ka ndo malwuɗi ga. Ka sun civèɗ ga tèlèba.

Psaumes 146:4

Nshèffè nengaʼa klèng, a minè a deɓa a herkeda, a skwi man a hur a da giaʼa, a zi na.

Proverbes 20:24

Ndo nzi pèc pècèk a ngra nga civèɗ. Man ndo a géɗ na, a sunko civèɗ tema?

Esaie 13:11

I woy a herkeda a mpela mali na, a ndohi man ta woy Zhiklè ɓai ta pil skwi tengaʼa ambaɓiaʼa. I woya a i ndeva njégèr va ndohi nfi va, a i mbatsa massayaf ndohi mbibihiaʼa.

Esaie 14:13

Ka goɗ te ndav ngaya: i war i tivè a zhiklè, te pa i da til sam nʼnzi ga te géɗèʼa, a géɗ bantihi Zhiklè, a i nzi a géɗ sam nʼnzi ɓai a balak Zhiklè te géɗèʼa.

Esaie 2:12

A pats staü, Zhiklè bi mbiaʼa a shkè a gèɗ ndohi nfi va a ndohi ngrè gèɗ, a gèɗ skwi tèlèba man a woya a ngi a skwi mbiaʼa, a manda na gèɗ a hai:

Esaie 33:10

Ndo nzi pèc pècèk a gada: Antanta i woy a i slèmbèɗè. I slèmbèɗè a i zlècèdè va.

Esaie 37:19

Ta wusheda zhiklèhi mbèh skwi tengaʼa a vogwa. Tengaʼa Zhiklè ka ɓai, sèi skwi man ri ndo a ngau, wof a kwa. Skwi man ta slaha ta gedassaʼa.

Esaie 37:23

Ka ngwossaha wa, ka derɗe wa, ka gaɗa na ma nfi va a wa, ka paka na di nfi va a wa? A Zhiklè Israel nkezlaʼa.

Esaie 42:5

Zhiklè Ndo nzi pèc pècèk, man a ngau giɗfèk a wuzhè ker-paʼa, a mvau herkeda gedeng-gedengaʼa a gi a skwi a fcè te pa, man a gi a ndohi ta shèffè a pa.

Jérémie 10:23

Ndo nzi pèc pècèk, i suna, ndo a slaha a gèɗè a ri na ɓai: i bizh ga auna. Ndo nshèwèlè a ncè sak a ri na ɓai.

Jérémie 48:26

Va-va na zom da keɗaʼa, a géɗ man a nslambaɗa na va a Ndo nzi pèc pècèk. Moab da zlur va, da vünoho! Nenga ba da ga a skwi man ta ngwèshè a pa!

Jérémie 50:28

Va-tsena kuɗ ndohi man ta hi ta, man ta mbel ta auda te kokwar Babylone; aman ta da njè kita Ndo nzi pèc pècèk, Zhiklè nga, kita gi Zhiklè nengaʼa te Sion.

Jérémie 50:29

Va-bahka ta ndohi lèkèɗ, tèlèba man ta sun mɓèr skwai a lèkèɗ, a kokwar Babylone. Va-nza na ma a sam tèlèba, aman ta slaha ta hi auda azɓai. Va-ga na ara maya nengaʼa man a gau, va-ga na lèmèlèmè ara man nengaʼa a gau. Aman nengaʼa a grè gèɗ a sam Ndo nzi pèc pècèk, Zhiklè Israel nkezlaʼa.

Ezéchiel 28:17

Ndav ngaya a fi va a géɗ mbambi ngaya. Maya ngaya ngedas na a géɗ nʼnjèl ngaya. I tsede ka a hai a herkeda, i va ka a ri bihai, a ta ngwossaha ka.

Ezéchiel 28:2

Ka ndo, gaɗa na kra bi Tyr: Bi Zhiklè a gaɗa: Ka fi va, a ka gaɗa: Iyè Zhiklè, iyè a géɗ sam nʼnzi bi Zhiklè te ndev iyam mbiaʼa! Aman ka ndo; ka zhiklè ka bai. Ka lèmdè va ngaya a Zhiklè.

Ezéchiel 28:5

A géɗ man ka gu gani a maya mbiaʼa, ka ngots skwi mèshèlè a ma ma, ndav ngaya a fi va a géɗ skwi mèshèlè ngaya.

Ezéchiel 31:10

Gar haha Bi Zhiklè a gaɗa: A gèɗ man ka gra a vata, a ncèlèkwöm gèɗ na a lamka na a vanihai, a ndav nengaʼa a fi va a gèɗ ngur nengaʼa,

Daniel 11:12

Ndohi var mɓicaʼa ta ze ta, a nengaʼa a fi va, a da bazl ta ndohi kumba, aman a gi ngulaʼa azɓai.

Daniel 4:37

Anai, i Nebucadnetsar, i shid gèɗ, i slébèrdè, i njèl bi Zhiklè man a gi skwi tèlèba zuraʼa, a civèɗ nengaʼa tèlèba ngi-zuraʼa. A slaha a mʼmanda ta gèɗ a hai a ndohi nfi va.

Daniel 8:11

A ngraʼa, a ndikè a sam bi skwihi te zhiklè, a ta va na skwi asaɓai ara man ta va na pèc pècèk a nciɗ sam a nciɗ sam. Sam nengaʼa nkezlaʼa ta ksardaussa.

Habakuk 2:4

Nengaʼa ndo nzura ka ɓai, ndo nfi va; aman ndo nzuraʼa, nengaʼa a nzi a nshèf-fè a géɗ ncè-a-ndav.

Actes 17:25

Ri ndo a wara na di azɓai, ko skwi mèmè; aman nengaʼa a vi nshèffè a mèzhèɓ a ndo tèlè, a skwi tèlè.

1 Corinthians 8:4

A géɗ nʼndi zluèɗ mbèh skwai nga suna, mʼmbèh skwai, skwi ambalai tʼherkeda. Zhiklè ngiɗè azɓai, na staɗgenè.

1 Timothy 3:6

A woy ndo man a shkè a civèɗ Zhiklè tok tok ka ɓai, man ɓai a grè gèɗ, a kèlèhi a kita bi madzagai.

Hébreux 4:13

Ko skwi staɗ nʼngheda a sam nengaʼa ɓai. Aman skwi tèlèba nʼngreda tʼuda a sam di Zhiklè, nengaʼa aman te deɓaʼa sèi nga da menda na skwi tèlèba.

Apocalypse 9:20

Njèkèɗi ndohi man ta bazl ta ɓai a skwi ngedassa haha, ta ngwode ndav ta ɓai a ta gu skwi ta genè, a ta jèka ntsi ri a bi mazdagi ɓai; ta tsu ri a zhiklèhi man ta gu a guro, a verzhègenè, a züdo, a kwa, a wof, man ta rka di ɓi genè, man ta tsena zlembaɗ ɓai, ta dè a sak azɓai.

Juges 16:23

A bigolahi Philistie ta gi ngolala mvi skwi mbiaʼa a zhiklè Dagon, zhiklè tengaʼa. Ta gaɗa: Zhiklè nga a mva nga Samson, ndo mayam nga, a ri a nga.

I Samuel 17:26

David a ndzhaɗ ta ndohi a sam na: Ndo man nda keɗa ndo Philistie haha, a ncèma na hori auda a di a Israel, ta da ga na kè? Ndo Philistie, man ngwon nʼngela ɓi haha, wa, aman a shkè a derde ta ndohi var Zhiklè man a zhè a nshèffè.

I Samuel 17:36

Ɓèl ngaya a keɗa marizhèlè a kokoya: a ndo Philistie man ngwon nʼngela ɓi haha, da ga na lèmèlèmè ar haha, a gèɗ man a nderɗe ta ndohi var Zhiklè man a zhè a nshèffè.