Daniel 5:20 - Ma Zhiklè

²⁰ Aman ndav nengaʼa a fi va, ha gèɗ na a nze na, ta kolkoɗauda te bai. A ta cèma na wuɗi nengaʼa.

Daniel 5:20 ပူးပေါင်းရင်းမြစ်များ

II Rois 17:14

Aman ta tsena gèɗ ɓai, ta sassaya ndav ta, lèmèlèmè ara man babhi tengaʼa ta gau, man ta fa gèɗ a ma Ndo nzi pèc pècèk, Zhiklè tengaʼa, ɓai.

II Chroniques 32:25

Aman Ezéchias a hur skwi man amba man Zhiklè a ga na ɓai, a fi va. A Ndo nzi pèc pècèk a ngu ndav a géɗ nengaʼa, a géɗ Juda a Jérusalem.

II Chroniques 36:13

A njèkeda bi Nebucadnetsar, man a ndzhoɗa a mbèɗè a sam Zhiklè, a woya a ʼnzi te nlèɓèslè ɓai. A sassaya ndav na, a gwora ndav na, a woya a nʼngwèdè ndav na a sam Ndo nzi pèc pècèk, Zhiklè Israel, ɓai. Nebucadnetsar a gedassa Jérusalem

Exode 18:11

Anai i suna, Ndo nzi pèc pècèk mbiaʼa, a fena zhiklèhi ngiɗè tèlèba. A géɗ man ndohi Egypte ta gra gèɗ ta aranta, a mpre ta ndohi auda te ri ta.

Exode 9:17

Ko antanta ka grè gèɗ ngaya, a ka va ta civèɗ a ndohi ga azɓai.

Exode 9:7

A Pharaon a nzlinde ta ndohai a ta da wèrèʼa; a ta rka, skwi ndohi Israel ko staɗ a mʼmetsa ɓai. Ko ar haha ndav Pharaon nsassaya genè, a mva ta civèɗ a ndohi ɓai.

Proverbes 16:18

Ndo nfi va, a fa va na di ba, a di a gédèsh na. Ndo njégèr va a dzagara va na di ba, a di a kèlnahai.

Proverbes 16:5

Ndo man a fi va, a ndara na Ndo nzi pèc pècèk. A vava, a da ngècè kita na.

Esaie 47:1

Washkèhai, nza a va mèrwèc, bidalai, dem Babylone! Nza a herkeɗa, washkè auda a sam nʼnzi ɓai, dem Chaldee! Ta baha ka dem röftukwaʼa; a lèɓèslè te deɓaʼa asaɓai.

Jérémie 13:18

Gada ta nda hai a mam na: Va-nze kinè, aman skwi mpèɗè gèɗ bi mbelaʼa nkalkaɗ na auda te gèɗ kinè ma.

Jérémie 19:15

Gar haha, Zhiklè bi mbiaʼa, Zhiklè Israel, a gaɗa: Na haha i da ga na matakwan tèlèba a kokwar haha, a kokwar man a tsagiaʼa, man i guv ta a vna, a géɗ man ta ndohi mèdègèɗ, a ta tsena ma ga ɓai.

Jérémie 48:18

Wash-kèhai te nʼnjèlè, nzahai a herkeda ngworaʼa, dem man ka nza te Dibon. Aman ndo ngedassa Moab a shkè a sam ngaya, a gedassa gihi ngaya ndakmaʼa.

Ezéchiel 30:6

Gar haha Ndo nzi pec pècèk a gaɗa: Ndohi man ta takaha Egypte, ta da kèlèhai, a wuɗi nengaʼa mbiaʼa a ndiv na. A hinè te Migdol, ha ndè Syène, ndohi ta da bèzl ta a tsakwal, Bi Zhiklè a gaɗa.

Ezéchiel 31:10

Gar haha Bi Zhiklè a gaɗa: A gèɗ man ka gra a vata, a ncèlèkwöm gèɗ na a lamka na a vanihai, a ndav nengaʼa a fi va a gèɗ ngur nengaʼa,

Daniel 11:36

Bai a gi skwi ara man ndav nengaʼa a woyaʼa, a da grè gèɗ, a fi va, a sam zhi-klèhi mèmè, a da fi va a sam Zhiklè a géɗ zhiklèhi tèlèba. A da gèɗè ma nfi va, ha pats nʼndikèma ndzoan Zhiklè, te man skwi man a ngaɗdahai a gai.

Daniel 4:26

Aman a ngaɗa: godozlom wof da nza a pa; kokwar bi ngaya a nzi di genè, ha pats man ka shin wuɗi Zhiklè.

Daniel 4:28

Skwi haha tèlèba a ngu a sam bi Nebucadnetsar.

Daniel 4:37

Anai, i Nebucadnetsar, i shid gèɗ, i slébèrdè, i njèl bi Zhiklè man a gi skwi tèlèba zuraʼa, a civèɗ nengaʼa tèlèba ngi-zuraʼa. A slaha a mʼmanda ta gèɗ a hai a ndohi nfi va.

Daniel 8:8

Mazawal nʼnga a mbiaʼa a vata. Aman wuɗi na a zhè holholaʼa ma, drom mbiaʼa a mpasl na. Dromhi mbiaʼa faɗ ngiɗè ta ftskaɗa a samaʼa, te civèɗ kozlar faɗ.

Luke 18:14

I gaɗa kinè: Nengaʼa a nʼndo ngwai a ndo nzuraʼa, nara ngiɗè ka ɓai. Ndo man a gre gèɗ na a ri na, ta manda na gèɗ a hai. Ndo man a manda gèɗ na a hai a ri na, ta da slambaɗda na gèɗ.

Hébreux 3:13

Aman va-büd va kinè, ngiɗè a ngiɗè, pèc pècèk, a pats man ta baha na ‘patsna’; a woy ndo azɓai, man ndav nengaʼa nsassayaʼa, a malai a ngsedama.

I Samuel 6:6

Kin woy a kin sassaya ndav kinè èhèmè, ara man ndohi Egypte a Pharaon ta sassaya ndav ta? Aman a nga ta matakwan, ta pre ta ndohi Israel ɓi dè?