Daniel 4:3 - Ma Zhiklè

³ Skwi man a ngreda auda mbiaʼa, a nrkedi nengaʼa wuɗitpa! Kokwar-bi nengaʼa, kokwar-bi a mèdèp, ngi-bi nengaʼa a dè a ma ma, te verzi wud wuda.

Daniel 4:3 ပူးပေါင်းရင်းမြစ်များ

Job 25:2

Zhiklè agi bai, wuɗitpa, a tsi gumi te géɗèʼa.

Psaumes 104:24

Ndo nzi pèc pècèk, skwi man ka giaʼa kumba! Ka gau tèlèba a maya ngaya. Herkeda nʼndha a skwi man ka gau.

Psaumes 105:27

A nʼngreda skwi auda te kokwar Egypte a ri tengaʼa, skwi man a hur a da giaʼa, a nrkedi te kokwar Cham.

Psaumes 145:13

Kokwar-bi ngaya, kokwar-bi man a nzi a mèdèp. Ngi-bi ngaya a dè a ma ma ha verzi wud wuda. Ndo nzi pèc pècèk nlèɓèslèa te ma nengaʼa tèlèba, a woy ndo te skwi man a gia tèlèba.

Psaumes 66:7

A wuɗi nengaʼa a gi bai a mèdèp. Di nengaʼa a wèr ndohi herkeda. A va ta civèɗ a ndohi mèdègèɗ a ta gi ma azɓai.

Psaumes 72:18

Ngo-slubordokoy Ndo nzi pèc pècèk, Bi Zhiklè, Zhiklè Israel, man a gi nrkedai, nengaʼa staɗgenè.

Psaumes 77:19

Ntsi iyam ngaya kuratsatsaʼa a ntsena tʼherkeda, ndidiyam ngaya a nhela herkeda, herkeda a ngudzau, a ngeda va.

Psaumes 86:10

Aman ka mbiaʼa, a ka gi nrkedai, Bi Zhiklè, ka staɗgenè.

Psaumes 92:5

Aman ka, Ndo nzi pèc pècèk, ka vay mwuffè a ma, a skwi man ka giaʼa; i wuffè a gèɗ mizlinè ri ngaya.

Esaie 25:1

Ndo nzi pèc pècèk, ka Zhiklè ga! I woya a i nzal ka, i woya a i slébèrdè nzlembaɗ ngaya. Ka gu nrkedai. Skwi man ka hur daga zlèzlèa, skwi nzuraʼa a vava.

Esaie 28:29

Skwi haha ba a nshkè te Zhiklè bi mbiaʼa. Skwi man nengaʼa a mhuro, skwi mbelaʼa. Maya nengaʼa mbiaʼa.

Esaie 9:7

Bi Zhiklè a nzlündo ma nengaʼa a sam ndohi gi Jacob, a ma a nkala ta a gèɗ a ndohi Israel,

Jérémie 10:10

Aman Ndo nzi pèc pècèk, nengaʼa Zhiklè nzuraʼa, Zhiklè man a zhè a nshèffè, bi a mèdèp. Te ri ndzoan nengaʼa herkeda a gudzai, ndohi herkeda ta slaha ta dishè ndzoan nengaʼa ɓai.

Daniel 2:2

Bai a mbaha ta ndohi maya a ndohi mʼmbèh skwai a ndohi kilèa a ndohi Chaldée, aman ta ngra na nshunè.

Daniel 2:44

Aman bihi matsa ta zhè, Zhiklè te zhiklè te géɗèʼa a da til kokwar-bai, man a nzi a mèdèp, a skwi a gé-dèshè azɓai, ndohi herkeda ta ngècè bi asaɓai. Nengaʼa a da bats ta kokwar-bihi haha tèlèba, a ngedas ta. Aman nengaʼa a nzi a mèdèp.

Daniel 4:17

Golahi Zhiklè ta goɗ arsa, a ta goɗ ara man ndohi nkezlaʼa ta huro. A ndohi tèlèba man ta zhè a nshèffè ta da suna, Zhiklè te zhiklè te géɗèʼa a nʼngots wuɗai a géɗ kokwar-bi ndohai, a va na a ndo man a woyaʼa, ko mbelaw ndo a slaha a nfi a géɗ sam nʼnzi bai.

Daniel 7:14

A ta va na wuɗai a nʼnjèlè a wuɗi bai, a ndohi herkeda te verzi tsaɗ tsaɗ a nèʼèn tsaɗ tsaɗ tèlèba ta gu mizlinè nengaʼa. Wuɗi nengaʼa, wuɗi man a nzi a mèdèp, man a ndev azɓai, kokwar-bi nengaʼa a gédèshè azɓai.

Daniel 7:27

Wuɗai, a wuɗi-bai, a nʼnjèlè kokwar-bihi tʼhwaɗ giɗfèk tèlèba ta da va ta ndohi Zhiklè nkezlaʼa. Wuɗi-bi tengaʼa a nzi a mèdèp, a kokwar-bihi tèlèba ta da gi a ɓèl ta, a ta fi gèɗ a ma tengaʼa.

Romans 11:33

A vava, mèshèlè Zhiklè, a maya a skwi man Zhiklè a suna, a ndiv ɓai. Verzi kita nengaʼa, ndo a shinè azɓai, mbèslè gèɗ nengaʼa, ndo a shinè azɓai.

Deutéronome 4:34

Man ɓai, Zhiklè man a shkè a sam ndohi na, a helka ta auda te va ndohi herkeda ngidè, a skwi man a njkede ta, a skwi man a ngreda auda, a nrkedai, a var, a ri nengaʼa man wuɗi na zhè, a ngeda ri na, a ngu skwi mbiaʼa, wuɗitpa, ara man Ndo nzi pèc pècèk, Zhiklè kinè, a gau tèlèba a sam di kinè, a géɗ kinè, te kokwar Egypte, ngidè a zhi dè?

1 Timothy 1:17

A sam Bi Yèsu man a zhè a mvi a mvai, man a ndivè azɓai, man nga rka a di ɓai, Zhiklè, man maya na zhè staɗgenè, nslébèrdè a nʼnjèlè pèc pècèk a mèdèp! Amen!

Hébreux 1:8

Aman a géɗ kra na: Zhiklè, sam nʼnzi bi ngaya a nzi a mèdèp. A va zaʼa: Gada-bi ngi zuraʼa, nengaʼa gada-bi kokwar-bi ngaya.

Hébreux 2:4

A géɗ nengaʼa Zhiklè a ngu malwuɗai a skwi man a ngreda auda, a nrkedai, a skwi mbiaʼa man a gu tsaɗ tsaɗ, a Mèzhèɓ nkezlaʼa, man a venu ara ndav nengaʼa man a woyaʼa.

1 Peter 4:11

Ndo man a gèɗ ma, da goɗo ara ma Zhiklè. Ndo man a ngots mizlinè Zhiklè, da gau ara man a slaha, ara man Zhiklè a va na wuɗai. Te skwi tèlèba, va-gau aman kin slébèrdè Zhiklè te Yèsu Kristi. Nʼnjèlè a wuɗai a nengaʼa, te nhinkaɗ na a ma ma a mèdèp. Amen.

Apocalypse 11:15

A gol Zhiklè matsaraɗaʼa a ntsu tolom: a ngèɗè mbiaʼa a ntsenka te zhiklè, man a gaɗa: Ta va na kokwar-bihi herkeda a ri a Bi Zhiklè, a Kristi nengaʼa. Nengaʼa a gi Bai a ma ma a mèdèp.