Daniel 4:27 - Ma Zhiklè

²⁷ Gar haha, bi ga, i woy a i ngra ka maya: tila mali ngaya a ngi skwi nzuraʼa, tila mphömè ngaya, a mbelawahai ta da se ka te va, wa ngiɗè ba a da gi daraʼa.

Daniel 4:27 ပူးပေါင်းရင်းမြစ်များ

Genèse 11:4

A ta gada: Ngo-ɗüzlokoy kokwar, gi staɗ te va mbiaʼa, géɗ nengaʼa da lamka na giɗfèk! Da nda a skwi nslébèrdè nga, a nga vindè gèɗ a géɗ herkeda asaɓai.

I Rois 21:29

Ka rka ara man Achab a manda gèɗ a hi a sam ga dè? A géɗ man a manda gèɗ a hi a sam ga, i zlinda na skwi mwuɗitpa aman a zhè a nshèffè di azɓai. Aman a pats man kra nengaʼa a gi bai, i dè zlindè skwi mwuɗitpa a géɗ ndohi gi nengaʼa.

Psaumes 119:46

I gèɗè ma malwuɗi ngaya a sam bihai, a i gi hori azɓai.

Proverbes 11:2

Ndo nfi va, hori a jèjèrèʼa te deɓa; aman ndohi man ta manda gèɗ a hai, maya a zhè a sam ta.

Proverbes 16:6

A pombai, a gumai, mali a prèʼa, a ndo man a gi zlau Ndo nzi pèc pècèk a jèkeda skwi man ambaɓai.

Proverbes 28:13

Ndo man a ngheda mali na, a grè a ma ma azɓai; aman ndo man a ngreda auda, a jèkeda, a si Zhiklè te va.

Esaie 10:13

Aman nengaʼa a ngaɗa: I gau a wuɗi ri ga, a maya ga: iyè, i ndo maya. I herdaha kuma ndohi a pa, i hul skwi mèshèlè tengaʼa, i koldoko ta bihi auda ara ngul-ndo.

Esaie 47:10

Ko ka fi gèɗ a shèwa ngaya a ka huro: Ndo ngiɗè a nrka ɓai. Maya ngaya, kilèa ngaya, ta zlakede ka, a ka hur te ndav ngaya: Iyè genè, ndo ngiɗè azɓai!

Esaie 47:8

Gar haha tsena ma haha, dem man a wèl va, man a nzi a géɗ sam nʼnzi ɓai, a her skwi ngiɗè azɓai, man a gada: Iyè, genè, ndo ngiɗè azɓai! I ndi a ngwoz mazi azɓai, i nzi a deli azɓai.

Jérémie 29:7

Va-tsu gumi te kokwar man i de kinè a ɓèlè a pa, va-tsu rai a géɗ nengaʼa a sam Ndo nzi pèc pècèk; aman te gumi nengaʼa kin ngècè gumai.

Jérémie 38:20

Jérémie a ngaɗa: Ta da va ka a ri a tengaʼa azɓai. Tsena ma Ndo nzi pèc pècèk, man i menda ka, a ka nzi amba, a ka nzi a nshèffè!

Ezéchiel 18:7

a gi wuɗi a ndo ngiɗè azɓai, a skwi man a nco a dua a mindè a deɓa, a gi metsar azɓai, a vi movar a ndo man mi a keɗaʼa, a va na maslaka a va ndo man adai,

Ezéchiel 29:3

Hod ma a ka gaɗa: Bi Zhiklè a goɗ ar haha: Di man a ngaya ma, Pharaon, bi Egypte! Ka kedam mbiaʼa, man ka mènè te woyam Nil a ka gaɗa: Woyam Nil a ga ga, iyè a ngau.

Ezéchiel 29:9

Kokwar Egypte a ndi na hèshèkèɗ, a kokwar dikai; a ta da suna, i Ndo nzi pèc pècèk. A géɗ man a gaɗa: Woyam Nil a ga ga, iyè a ngau.

Joel 2:14

Nsun wa? Wa ngiɗè ba a hèrè te deɓaʼa, a jekeda ngi ndzoan, a pshè kinè ma a movar a skwi nsai man a Ndo nzi pèc pècèk, Zhiklè kinè.

Amos 6:13

Kin wuffè a géɗ skwi ambalai, a kin gada: nga ngots wuɗi a ri nga ka ɓi dè?

Jonas 3:9

te mali man a lizhèma na rai. Nsun wa? Wa ngiɗè ba nga si Zhiklè te va, a jèkeda ngi ndav, a nga zi azɓai.

Habakuk 1:11

Ta hi ara ndombozlor, a ta fu wuɗi ta a zhiklè ta.

Sophonie 2:15

Nasa kokwar man a wuffè te va nasa, man a nza taraʼa, man a goɗ te ndav na: Iyè, ngar iyè azɓai. Nʼnde na hèshèkèɗ ma, sam man skwi dak a mènè a pa! Ndo man a bizhè a pa, ta pèrè a pa, ta tsi dali ngwèshè.

Matthew 3:8

Va-ngre-da auda zuraʼa, ara man kin ngwode ndav kinè!

Luke 11:41

Nshèlèkuraʼa va-va na skwi a Zhiklè, te skwi man kin ngotso. A na haha, skwi tèlèba a ngaʼa a skwi mpanaʼa a sam kinè.

Actes 24:25

Aman Paul a goɗ a géɗ ngi-zuraʼa, a géɗ ngshè va, a géɗ kita man a di a shke, Félix a ngu zlau, a ngaɗa: Ka slaha ka de ngaya antanta; aman i da ngots riaʼa, i da baha ka a sam ga.

Actes 26:20

A i ngreda nshèlèkuraʼa te kokwar Damas, te kokwar Jérusalem, te Judée tèlèba, a sam ndohi nte deɓa, aman ta ngwèdè ndav, a ta menkada deɓa a sam Zhiklè, a ta ngrédèʼa auda ara man ta ngwoda ndav ta, a skwi man ta giaʼa zuraʼa.

Actes 8:22

Gar haha sèi ka menkada deɓa te mali ngaya, a ka tsi ri a Bi Zhiklè, gar a pra ka mali man ka hur arsa.

2 Corinthians 5:11

A zlau Zhiklè aranta, nga war a nga bid ta ndohai. A sam di Zhiklè, nshèffè nga nʼngreda tʼuda ma. Aman i hur te gèɗ, ko a sam kinè ba, nshèffè nga nʼngreda tʼuda ma.

Galates 5:13

Aman kinè, dalahimam ga, Zhiklè a baha kinè a sam mpraʼa. Aman va-gu maya, aman a géɗ man kin pra tʼuda ma, kin va na civèɗ a ntétékè te va kinè ɓai. Aman te mwoy-ndo, ngiɗè da takaha ngiɗè, ngiɗè da takaha ngiɗè.

Galates 5:22

Skwi man a shkè auda te Mèzhèɓ: Mwoy ndo a ndav, mwuffe, gumai, nzhèr skwi a ma ma, ndo a se ka te va, ndav amba, nlèɓèslèa,

Galates 5:6

Aman te Kristi Yèsu, ko ngwon nʼngela, ko ngwon nʼngel ɓai, skwi ambalai; sèi ncè-a-ndav te mwoy-ndo.

Ephésiens 4:28

Ndo man a ngu metsar, da gu metsar te deɓaʼa asaɓai, aman da gu mizlinè, da gu skwi man amba a ri na, aman a ngècè skwai, a va ta ndohi ntawassaʼa.

Deutéronome 24:13

Ka va na, ga pats a kèlè, aman a slaha a mʼmènèhi a maslaka na; a da pshè ka ma. A skwi haha a da gi a ngi-zuraʼa ngaya a sam di Ndo nzi pèc pècèk, Zhiklè ngaya.

Deutéronome 32:27

aman i woya ɓai, man ɓai ndohi mayamhi ta tsi wagèsh a ta hur a ta gaɗa: nga gu a wuɗi nga, Ndo nzi pèc pècèk a ngu ka ɓai.

Deutéronome 8:17

a woya ɓai aman ka hérè te ndav ngaya: Wuɗi ga, wuɗi ri ga a mvay skwi mèshèlè haha tèlèba.

1 Peter 4:8

A géɗ skwi tèlèba, va-woy va kinè kumba, ngiɗè a ngiɗè. Aman mwoyndo a ndav a pizlèda malihi kumba a pa.