Daniel 4:19 - Ma Zhiklè

¹⁹ A Daniel, man ta baha na Beltshatsar, a mpu di kurzlaʼa, a skwi man a hérèʼa, a mpra na zlau a va. Bai a ngaɗa: Beltshatsar, ka gu zlau nshunè a verzi nengaʼa ɓai! A Beltshatsar a nhüno a ngaɗa: Bi ga, da gu a sam mayamhi ngaya ara nshun ngaya; da gu a sam ndohi shèwa ngaya!

Daniel 4:19 ပူးပေါင်းရင်းမြစ်များ

Genèse 31:35

Rachel a ngaɗa na bab na: Bi ga, ka gu ndav ɓai, aman i slèmbèɗè azɓai a sam di ngaya. Hwaɗ a va ga. A nengaʼa a mwuzhe skwi tèlèba, aman vri a nʼngatsa ɓai.

Genèse 32:18

ka da gaɗa na: A Jacob, ɓèl ngaya, a da gi mbali a vna a Esau, bi na. Jacob a shkè te deɓ ga.

Genèse 40:12

Joseph a ngaɗa na: Na haha verzi nshunè ngaya: Ntsatserai makar, mʼmèn makar.

I Rois 18:7

Aman Abdias a zhè a civèɗ, Elie a shkè a ta zlü gèɗ. Abdias a suna, a nkalahi a deɓ sak nengaʼa, a ngaɗa: Ka Elie, bi ga, dè?

Exode 32:32

Dara ka pra ta mali tengaʼa; man bai gedassa nzlembaɗ ga te dèlèwèr ngaya man ka Windo.

Jérémie 29:7

Va-tsu gumi te kokwar man i de kinè a ɓèlè a pa, va-tsu rai a géɗ nengaʼa a sam Ndo nzi pèc pècèk; aman te gumi nengaʼa kin ngècè gumai.

Jérémie 4:19

Woba ndav ga, woba ndav ga! I gudzi te ndav ga! I gudzi te ndav ga! Ndav ga a dzayè, i slaha a i nzi tètèʼa ɓai; i tsena tolom, i tsena nguzli var.

Daniel 1:7

Tsuvom ntokotasl-bihai a mva ta nzlembaɗ mɓuaʼa. Daniel, a baha na Beltshatsar; Hanania a baha na Shadrac; Mishael a baha na Méshac; Azaria a baha na Abed-Nego.

Daniel 2:26

A bai a ngaɗa na Daniel, man ta baha na Beltshatsar: Ka slaha ka ngray nshun ga a verziaʼa dè?

Daniel 2:37

Ka bai, ka bi a géɗ bi tèlèba. Zhiklè te zhiklè te géɗèʼa a mva ka kokwar-bai, a wuɗai, a wuɗi-bai a nʼnjèlè.

Daniel 4:24

Na haha verziaʼa a bi ga; ma man Zhiklè te zhiklè te géɗèʼa a goɗ a géɗ bai, bi ga.

Daniel 5:12

Te man mèzhèɓ mbiaʼa a zhè te ndav na, a sun skwai, a sun maya, a ngredè verzi nshunè, a sun skwi man ta jkeda a vna, a til skwi mwuɗitpa. Ta ngots skwi haha tèlèba a sam Daniel, man bai a mbaha na Beltshatsar. Séi ta baha na Daniel, a nengaʼa a da ngra ka verziaʼa.

Daniel 5:18

Bi ga, Zhiklè te géɗèʼa a nʼnga Nebucadnetsar, bab ngaya, a mbiaʼa, a mva na nʼnjèlè a wuɗi bai.

Daniel 5:19

A sam wuɗi nʼnjèl nengaʼa man a va na, ndohi herkeda te verzi tsaɗ tsaɗ, a nèʼèn tsaɗ tsaɗ, ta gu zlau, ta gudzau a sam nengaʼa. Nengaʼa a nkeda ndo man a woyaʼa, a njèka na nshèffè a ndo man a woyaʼa, a gra na gèɗ a ndo man a woyaʼa, a manda na gèɗ a hi a ndo man a woyaʼa.

Daniel 7:15

Iyè, Daniel, i kuɗi te ndav ga a géɗ skwi haha, a i gi zlau skwi man di ga a rkaʼa.

Daniel 7:28

A haha ma nshunè man a Windo, klèng. Iyè Daniel, nshunè a ngsamay gèɗ, a i gu zlau henzalalaʼa, a i ngheda ma te ndav ga.

Daniel 8:27

Iyè Daniel, mʼmèn a zhè, i mbelakaɓai, wuɗi ga azɓai. Te deɓaʼa i slambaɗa zaʼa, a i gu mizlinè bai. I ba i rzl ga a géɗ nshunè, a i sun verzia ɓai.

Habakuk 3:10

Zahi ta rka ka, ta gudzai, vanai a dzurvko iyam a hai, iyam mbiaʼa a kuɗkaɗai, pats a kia ta vangkaɗauda te gi azɓai, man sulom ngaya nwosla, a tsakwal a ndi dai ara ndidiyam.

I Samuel 1:15

Anne a mʼmbeɗa na a ma: Aʼai, a bi ga, i ngwoz man matakwan a gay kumba. I sa zom ɓai, i sa barassa ɓai, i hadka kuɗa a ndav Ndo nzi pèc pècèk.

I Samuel 24:8

A David a nʼnga ta ndzoan a ndohi na, a mva ta civèɗ a ta slambaɗa na va a Saul ɓai. Aman Saul a njèkeda gi za ma, a mdo a ma a civèɗ,

I Samuel 26:15

David a ngaɗa na Abner: Ka ngura ka ɓi ɗè? Ngidè ngar ka te Israel wa? Ka ɓer bi ngaya ɓi èhèmè? Ndo ngiɗè a mdo, aman a mbazl kinè a bi kinè.

I Samuel 3:17

A ngaɗa: Ndo nzi pèc pècèk a ngaɗa ka ma mè? Ka ngheda a sam ga ɓai! Zhiklè da ga ka skwi ambaɓiaʼa, aman ka ngheda skwi man a gaɗa ka a sam ga.